Tools 1. ግብርታት ጸጋ እግዚኣብሄር ንዘለአለም ክዝምር፣ ብኣፈይ ንውሉድ ወለዶ እምነትካ ኸፍልጥ እየ።

Tools 2. ጸጋ ንዘለአለም ኪህነጽ፣ እምነትካ ኣብ ሰማያት ከተጽንዕ ኢኻ፣ በልኩ እሞ፣

Tools 3. ምስ ሕሩየይ ኪዳን ኣቶኹ፣ ንዳዊት ባርያይ መሐልኩሉ፣

Tools 4. ዘርእኻ ንዘለአለም ከጽንዕ፣ ዝፋንካውን ንውሉድ ወለዶ ኽሀንጽ እየ። [ሴላ።]

Tools 5. ጐይታየ፣ ሰማያት ከኣ ንተኣምራትካ፣ ንእምነትካ ኣብ ማሕበር ቅዱሳን ኪውድሱ እዮም።

Tools 6. አብ ጠፈር ንእግዚኣብሄር ዚመዓራረዮስ መን እዩ፧ ካብ ውሉድ ስልጡናትከ መን እዩ ንእግዚኣብሄር ዚመስሎ፧

Tools 7. ኣብ ምኽሪ ቅዱሳን ኣዝዩ ዜፍርህ፣ ካብቶም ኣብ ዙርያኡ ዘለዉ ዅላቶም ዜሸብርን ኣምላኽ እዩ።

Tools 8. እግዚኣብሄር ኣምላኽ ሰራዊት፣ ከማኻ ስልጡን መን እዩ፧ ዎ ጐይታይ፣ እምነትካውን ኣብ ዙርያኻ አሎ።

Tools 9. ንትዕቢት ባሕሪ ትገዝኦ፣ ማዕበላቱ እንተ ተንስኤ፣ ንስኻ ተህድኦ።

Tools 10. ከም እተወግኤ ጌርካ፣ ንረሃብ ቀጥቂጥካዮ፣ ብሓይሊ ቕልጽምካ ንጸላእትኻ በቲንካዮም ኢኻ።

Tools 11. ሰማያት ናትካ እዩ፣ ምድሪውን ናትካ እያ፣ ንዓለም ምስ ምልኣታ ሰሪትካያ።

Tools 12. ንሰሜንን ደቡብን ንስኻ ፈጠርካዮ፣ ታቦርን ሄርሞንን ብስምካ እልል ይብላ።

Tools 13. ሓያል ቅልጽም አሎካ፣ ኢድካ ብርትዕቲ፣ የማነይትኻ ልዕልቲ እያ።

Tools 14. መሰረት ዝፋንካ ጽድቅን ቅንዕናን እዩ፣ ሳህልን ሓቅን ቀቅድሚ ገጽካ ይኸዳ አለዋ።

Tools 15. እቲ እልልታ ዚፈልጥ ህዝቢ ብጹእ እዩ፣ ዎ እግዚኣብሄር፣ ብብርሃን ገጽካ ይመላለሱ።

Tools 16. ብስምካ ምሉእ መዓልቲ ይሕጐሱ፣ ብጽድቅኻውን ልዕል ይብሉ።

Tools 17. ክብሪ ሓይሎም ንስኻ ኢኻ እሞ፣ ብሞገስካ ቐርንና ልዕል ኪብል እዩ።

Tools 18. ዋልታና ናይ እግዚኣብሄር እዩ እሞ፣ ንጉስና ናይቲ ናይ እስራኤል ቅዱስ እዩ።

Tools 19. በቲ ዘመን እቲ ብራእይ ንቅዱሳንካ ኸምዚ ኢልካ ተዛረብካዮም፣ ረዲኤት ኣብ ልዕሊ ጅግና አንቢረ፣ ካብ ህዝቢ ሓደ ሕሩይ ኣልዒለ።

Tools 20. ንዳዊት ባርያይ ረኺበዮ፣ ብቕዱስ ዘይተይ ቀቢኤዮ፣

Tools 21. ኢደይ ኵሉ ጊዜ ምስኡ ኽትከውን እያ፣ ቅልጽመይ ከኣ ኬበርትዖ እዩ።

Tools 22. ጸላኢ ኣይኪወድቆን፣ ዓማጺ ኸኣ ኣይኪጠቕዖን እዩ።

Tools 23. ንጸላእቱ ድማ ኣብ ቅድሚኡ ኽቕጥቅጦም፣ ነቶም ዚጸልእዎውን ክወቕዖም እየ።

Tools 24. እምነተይን ጸጋይን ድማ ምስኡ ኪዀና፣ ብስመይውን ቀርኑ ልዕል ኪብል እዩ።

Tools 25. ኢዱ ድማ ኣብ ባሕሪ፣ የማነይቱውን ኣብ ርባታት ከንብር እየ።

Tools 26. ንሱ፣ ኣቦይ፣ ኣምላኸይ፣ ከውሒ ምድሓነይ ንስኻ ኢኻ፣ ኢሉ ኺሰምየኒ እዩ።

Tools 27. ኣነውን በዅሪ፣ ካብ ነገስታት ምድሪ ልዕል ዝበለ ኽገብሮ እየ።

Tools 28. ሳህለይ ንዘለአለም ክሕልወሉ እየ፣ ኪዳነይውን ኪጸንዓሉ እዩ።

Tools 29. ዘርኡ ድማ ንዘለአለም፣ ዝፋኑውን ከም መዓልትታት ሰማይ ከንብር እየ።

Tools 30. ደቁ ሕገይ እንተ ሐደጉ፣ ከም ቅንዕናይ እንተ ዘይተመላለሱ፣

Tools 31. ስርዓተይ እንተ ኣፍረሱ፣ ትእዛዛተይውን እንተ ዘይሐለዉ፣

Tools 32. ሽዑ ንኣበሳኦም ብሸቦጥ፣ ንበደሎምውን ብመውቃዕቲ ኸረኻኽበሎም እየ።

Tools 33. ጸጋይ ግና ኣየግድፎን፣ እምነተይውን ኣይጠልሞን።

Tools 34. ኪዳነይ ኣየፍርስን፣ ከናፍረይ እተዛረቦ ድማ ኣይልውጥን።

Tools 35. ሓንቲ ነገር ብቕድስናይ ምሒለ እየ፣ ንዳዊት ኣይሕሱን፣

Tools 36. ዘርኡ ንዘለአለም፣ ዝፋኑውን ከም ጸሓይ ኣብ ቅድመይ ኪነብር እዩ።

Tools 37. ከም ወርሒ ንዘለአለም ይቐውም፣ ኣብ ደበና ዘሎ ምስክር ከኣ እሙን እዩ።

Tools 38. ንስኻ ግና ደርቢኻን ንዒቕካን፣ ንቕቡእካ ተቘጣዕካዮ።

Tools 39. ኪዳን ባርያኻ ኣፍሪስካ፣ ንዘውዱ ኣብ ምድሪ አርከስካዮ።

Tools 40. ብዘሎ መካበብያኡ ኣፍረስካ፣ ዕርድታቱ ኣዕኖኻ።

Tools 41. ኵሎም ሐለፍቲ መገዲ በዝቢዞምዎ፣ ንጐረባብቱ መላገጺኦም ኰይኑ።

Tools 42. ንየማነይቲ እቶም መጻርርቱ ልዕል ኣቢልካያ፣ ንዅሎም ጸላእቱ አሐጕስካዮም።

Tools 43. እወ፣ ንስሕለት ሰይፉ መለስካዮ፣ ኣብ ውግእውን ኣየጽናዕካዮን።

Tools 44. ንነጸብራቑ አጥፊእካዮ፣ ንዝፋኑውን ናብ ምድሪ ደርቢኻዮ።

Tools 45. መዓልትታት ንእስነቱ ኣሕጺርካዮ፣ ብነውሪ ኣጐልቢብካዮ አሎኻ።

Tools 46. ዎ እግዚኣብሄር፣ ፈጺምካ እትኽወል፣ ነድርኻስ ከም ሓዊ ዚነድድ ክሳዕ መኣዝ እዩ፧

Tools 47. ህይወተይ ክንደይ ሓጻር ምዃና፣ ኵሎም ደቂ ሰብ ንኸንቱነት ከም ዝፈጠርካዮም ዘክር።

Tools 48. ሞት ከይረአየ ብህይወት ዚነብር፣ ንነፍሱስ ካብ ኢድ ሲኦል ዜናግፍ ሰብ መን እዩ፧ [ሴላ።]

Tools 49. ጐይታየ፣ እቲ ብእምነትካ ንዳዊት ዝመሐልካሉ፣ ናይ ቀደም ጸጋኻ ኣበይ አሎ፧

Tools 50. ጐይታየ፣ ንጸርፊ ባሮትካ፣ ነቲ ኻብ ኵሎም ሓያላት ኣህዛብ ኣብ ልበይ ዝጾሮ ዘሎኹ ዘክር።

Tools 51. ጐይታየ፣ ጸላእትኻ ዚጸርፍዎ ጸርፊ፣ ነቲ ንኣሰር ቅቡእካ ዚጸርፍዎ ዘለዉ ዘክር።

Tools 52. እግዚኣብሄር ንዘለአለም ይባረኽ። ኣሜን፣ ኣሜን።