Tools 1. ድሕርዚ እዮብ ከምዚ ኢሉ መለሰ፡

Tools 2. ሎሚውን ቊዝማይ ይተሃላለኽ አሎ፡ ኢዱ ኣብ ልዕሊ እህህታይ ትኸብድ አላ።

Tools 3. ኣበይ ከም ዝረኽቦ እንተ ዝፈልጥ እሞ፡ ናብ ዝፋኑ ንምብጻሕ እንተ ዝኽእልሲ መን ምሀበኒ።

Tools 4. ኣብ ቅድሚኡ ነገረይ መፍሰስኩ፡ ንኣፈይ ብመርትዒ ምመላእኩ።

Tools 5. ነቲ ዚመልሰለይ ቃላት ምፈለጥክዎ፡ እንታይ ከም ዚብለኒ ኸኣ መስተውዐልኩ ነይረ።

Tools 6. በቲ ዓብዪ ሓይሉዶ ኺበኣሰኒ እዩ፧ ኣይፋል፡ ጽን ደኣ ምበለኒ እምበር።

Tools 7. ሽዑ እቲ ቕኑዕ ምስኡ ምመጐተ፡ ኣነውን ካብ ፈራድየይ ንሓዋሩ ምተናገፍኩ።

Tools 8. እንሆ፡ ንቕድሚት ኣቢለ እንተ ኸድኩ፡ ኣብኡ የሎን፡ ንድሕሪት እንተ ኸድኩውን፡ ኣይረኽቦን።

Tools 9. ኣብ ጸጋም እንተ ሰርሔ፡ ኣይርእዮን፡ ኣብ የማን እንተ ተሐብኤ ኸኣ፡ ኣይጥምቶን።

Tools 10. ንሱ ግና በየነይቲ መገዲ ኸም ዝኸይድ ይፈልጥ እዩ፡ ይፈትነኒ፡ ከም ወርቂ ዀይነ ኸኣ ክወጽእ እየ።

Tools 11. ኣእጋረይ ኣሰሩ ሕዘን፡ ተጠንቂቐውን ካብ መገዱ ኣየግለስኩን።

Tools 12. ካብ ትእዛዝ ከናፍሩ ኣይዘንበልኩን፡ ካብ መዝገበይ ኣብሊጸ ንቓል ኣፉ ሐሎኽዎ።

Tools 13. ግናኸ ናቱ ሓሳብ ሓደ እዩ፡ መንከ ይኽልክሎ፧ ነፍሱ እትደልዮ እዩ ዚገብር።

Tools 14. ነቲ እተመደበለይ ኪፍጽሞ እዩ፡ ብዙሕ ከምዚ ዘመሰለ ምስኡ አሎ።

Tools 15. ስለዚ ኣብ ቅድሚ ገጹ እሽበር፡ እናሐሰብኩ ድማ ብእኡ እስምብድ አሎኹ።

Tools 16. ኣምላኽ ንልበይ ኣጃጅይዎ፡ እቲ ዂሉ ዚኽእል የሸብረኒ አሎ እምበር፡

Tools 17. ኣብ ቅድሚ ጸልማትሲ ኣይጠፋእኩን፡ ንጣቓውን ኣብ ቅድሚ ገጸይ ኣይጋረዶን።