Tools 1. እንሆ፡ ነዚ ዂሉስ ዓይነይ ርእያቶ እዝነይውን ሰሚዓ ኣስተብሂላቶ።

Tools 2. ነቲ ንስኻትኩም እትፈልጥዎስ ኣነውን እፈልጦ፡ ካባኻትኩም ከኣ ኣይትሕትን እየ።

Tools 3. ግናኸ ነቲ ዂሉ ዚኽእል ክዛረቦ እደሊ፡ ምስ ኣምላኽ ክማጻረ ሃረር እብል አሎኹ።

Tools 4. ንስኻትኩም ግና ሓሶት እትኣልሙ ሰባት ኢኹም፡ ኲላትኩም ዘይትጠቕሙ ሓኪማት ኢኹም።

Tools 5. ኤረ ስቕ ምባል እንተ ትኽእሉ፡ እዚ ኸኣ ኸም ጥበብ ምተቘጽረልኩም ነይሩ።

Tools 6. ንተግሳጸይ ስምዑ፡ ናብቲ ምስክር ከናፍረይ ጽን በሉ፡

Tools 7. ንኣምላኽስ ብቓል ዓመጻ ኽትካላኸሉሉ፡ ስሊኡ ኢልኩምከ ልግሚዶ ኽትዛረቡ ኢኹም፧

Tools 8. ሻራኡ ኽትኰኑ፡ ንኣምላኽ ክትጣበቑሉዶ ትደልዩ አሎኹም፧

Tools 9. ንሱ እንተ መርመረኩምዶ ጽቡቕ እዩ፧ ወይስ ከምቲ ንሰብ እተዐሽውዎ፡ ከተዐሽውዎዶ ኢኹም፧

Tools 10. ብስውር እንተ ኣድሎኹምሲ፡ ንሱ ብርግጽ ኪዘልፈኩም እዩ።

Tools 11. ግርማኡዶ ኣይኬሸብረኩምን እዩ፧ ፍርሃቱስ ኣይኪወድቀኩምን እዩ፧

Tools 12. ባህልኹም ምሳሌታት ሓመዂስቲ፡ ዕርድታትኩውን ዕርድታት ጭቃ እዩ።

Tools 13. ስቕ በሉ፡ ክዛረብ ግዳ ሕደጉኒ፡ ዝዀነ ይኹን ይውረደኒ።

Tools 14. ንምንታይ ንስጋይ በስናነይ እሕዞ፧ ንህይወተይውን ኣብ ኢደይ ኤንብራ፧

Tools 15. ሓንትስ ኣኻይዳይ ኣብ ቅድሚኡ ኤቕንዕ እምበር፡ ንሱ ይቕተለኒ፡ ኣነስ ካልእ ትጽቢት የብለይን።

Tools 16. ግብዝ ኣብ ቅድሚኡ ደው ኣይኪብልን እዩ እሞ፡ እዚኣ ንምድሓን ክትጠቕመኒ እያ።

Tools 17. ስምዑ፡ እስኪ ንቓላተይ ስምዑ፡ እቲ ኣነ ዝብሎ ንእዝንኹም ይሰቈሮ።

Tools 18. እንሆ፡ ንነገረይ ኣዳልየዮ አሎኹ፡ ጻድቕ ኰይነ ኸም ዝርከብ፡ እፈልጥ አሎኹ።

Tools 19. መን እዩ ዚረትዓኒ፧ ሽዑ ስቕ እብል እመውትውን።

Tools 20. ብኽልተ ነገር ግዳ ኣይትግፈዓኒ እምበር፡ ኣነ ኸኣ ካብ ቅድሚ ገጽካ ኣይክስወርን እየ፡

Tools 21. ኢድካ ኻባይ ኣርሕቐለይ፡ ግርማኻውን ኣየሸብረኒ።

Tools 22. ሽዑ ንስኻ ጸውዓኒ፡ ኣነውን ክመልስ፡ ወይ ከኣ ኣነ ኽዛረብ፡ ንስኻ ምለሰለይ።

Tools 23. ኣበሳይን ሓጢኣተይንሲ ኽንደይ እዩ ምብዛሑ፧ እስኪ በደለይን ሓጢኣተይን ኣፍልጠኒ።

Tools 24. ንምንታይከ ገጽካ እትኽውሎ፧ ከም ጸላኢኻ እትርእየኒ፧

Tools 25. ንዝረገፈ ቘጽሊዶ ኸተፈራርሆ ኢኻ፧ ንንቑጽ ሓሰርሲ ኸተሳጒጎ ኢኻ፧

Tools 26. መሪር ነገር ትጽሕፈለይ፡ ኣበሳ ንእስነተይ ከኣ ተውርሰኒ አሎኻ።

Tools 27. ንስኻ ነእጋረይ ኣብ ጒንዲ ተእትወን፡ ንብዘሎ መገደይውን ትሕሉ፡ ንኸብዲ እግረይ ከኣ መፈለጥታ ትገብረሉ አሎኻ።

Tools 28. ኣነስ ከም ዝበዂበዀ ኦም፡ ብልዒ ኸም ዘበላሸዎ ዓለባ ዀይነ።