Tools 1. ካብ ምድሪ ግብጺ ኻብ ዚወጹ፡ ኣብ ካልኣይቲ ዓመቶም ኣብታ ቐዳመይቲ ወርሒ ድማ እግዚኣብሄር ኣብ በረኻ ሲና ንሙሴ ኸምዚ ኢሉ ተዛረቦ።

Tools 2. ደቂ እስራኤል በቲ ምዱብ ጊዜኡ ፋስጋ የብዕሉ።

Tools 3. ኣብዛ ወርሒ እዚኣ ኣብ መበል ዓሰርተው ኣርባዕተ መዓልቲ፡ በቲ ምዱብ ግዜኡ፡ ኪመሲ ኸሎ ኣብዕልዎ። ከም ኲሉ ሕጋጋቱን ከም ኲሉ ስርዓቱን ጌርኩም ኣብዕልዎ።

Tools 4. ሙሴ ኸኣ ንደቂ እስራኤል ፋስጋ ኼብዕሉ ተዛረቦም።

Tools 5. ንሳቶም ድማ ኣብታ ቐዳመይቲ ወርሒ፡ ካብታ ወርሒ ኸኣ መበል ዓሰርተው ኣርባዕተ መዓልቲ፡ ኪመሲ ኸሎ ኣብ በረኻ ሲና ፋሲጋ ኣብዐሉ። ደቂ እስራኤል ከምቲ እግዚኣብሄር ንሙሴ ዝአዘዞ ዅሉ፡ ከምኡ ገበሩ።

Tools 6. ድማ ብምዉት ሰብ ዝረኸሱ፡ በታ መዓልቲ እቲኣ ፋስጋ ኼብዕሉ ዘይከአሉ ሰባት ነበሩ፡ ንሳቶም ከኣ በታ መዓልቲ እቲኣ ኣብ ቅድሚ ሙሴን ኣብ ቅድሚ ኣሮንን ቀረቡ።

Tools 7. እቶም ሰባት እቲኦም ድማ፡ ንሕና ብምዉት ሰብ ረኺስና ኢና እሞ፡ በታ ምድብቲ ጊዜ መባእ እግዚኣብሄር ኣብ መንጎ እስራኤል ከይነቕርብ እተኸልከልና ስለምንታይ እዩ፧ በልዎ።

Tools 8. ሙሴ ኸኣ፡ እግዚኣብሄር ብዛዕባኹም ዚእዝዞ ኽሰምዕሲ፡ ደው ኢልኩም ጽንሑ፡ በሎም።

Tools 9. እግዚኣብሄር ድማ ንሙሴ ኸምዚ ኢሉ ተዛረቦ፡

Tools 10. ንደቂ እስራኤል ከምዚ ኢልካ ተዛረቦም፡ ዝዀነ ሰብ ካባኻትኩም ወይ ካብ ወለዶኹም ብምዉት እንተ ረኸሰ ወይ ኣብ ርሑቕ መገዲ እንተሎ፡ ንእግዚኣብሄር ፋስጋ የብዕል።

Tools 11. ንሱ ኣብታ ኻልኣይቲ ወርሒ፡ ኣብ መበል ዓሰርተው ኣርባዕተ መዓልቲ ኺመሲ ኸሎ የብዕሉ፡ ምስ ቅጫን መሪር ሓምልን ይብልዕዎ።

Tools 12. ካብኡ ገለ ኽሳዕ ጽባሕ ኣይሕደጉ፡ ዓጽሙ ኸኣ ኣይስበሩ። ከም ኲሉ ሕጊ ፋስጋ ይግበርዎ።

Tools 13. ዝዀነ ሰብ፡ ንጹህ ክነሱ፡ ኣብ መገዲውን ዘይኰነ፡ ፋስጋ ዘየብዐለ፡ መባእ እግዚኣብሄር በቲ ምዱብ ጊዜኡ ስለ ዘየቕረባ እታ ነፍሲ እቲኣ ኻብ ህዝባ ትመንቈስ። እቲ ሰብ እቲ ሓጢኣቱ ይጸውር።

Tools 14. ጓና ምሳኻትኩም ዚነብር እንተሎ፡ ፋስጋ ንእግዚኣብሄር ኬብዕል እንተ ደለየ፡ ከምቲ ናይ ፋስጋ ሕግን ስርዓትን ይግበር። ንጓናን ንወዲ ዓድን ሓደ ሕጊ ይኹነልኩም።

Tools 15. በታ እቲ ማሕደር እተተኽለላ መዓልቲ ድማ ነቲ ማሕደር፡ ነቲ ድንኳን ምስክር ደበና ኣጐልበቦ፡ ካብ ምሸት ክሳዕ ብጊሓት ድማ ከም ትርኢት ሓዊ ኣብ ልዕሊ እቲ ማሕደር ነበረ።

Tools 16. ወርትግ ከምኡ ነበረ፡ ደበና ኣጐልበቦ ብለይቲ ኸኣ ትርኢት ሓዊ።

Tools 17. እቲ ደበና ኻብ ልዕሊ እቲ ድንኳን ምስ ተላዕለ፡ ድሕርቲ ደቂ እስራኤል ይጕዐዙ፡ እቲ ደበና ኣብ ዝቘመሉ ኸኣ፡ ደቂ እስራኤል አብኡ ይሰፍሩ ነበሩ።

Tools 18. ደቂ እስራኤል ብትእዛዝ እግዚኣብሄር ይጕዐዙ፡ ብትእዛዝ እግዚኣብሄር ከኣ ይሰፍሩ ነበሩ። እቲ ደበና ኣብ ልዕሊ እቲ ማሕደር ብዝቘመሉ ጊዜ ኣብቲ ዝሰፈርዎ ይጸንሑ ነበሩ።

Tools 19. እቲ ደበና ብዙሕ መዓልቲ ኣብ ልዕሊ ማሕደር እንተ ጸንሔ፡ ደቂ እስራኤል እቲ ሓለዋ እግዚኣብሄር ይሕልዉ ነበሩ እሞ ኣይተጓዕዙን።

Tools 20. እቲ ደበና ቕሩብ መዓልቲ ኣብ ልዕሊ ማሕደር እንተ ነበረ፡ ብትእዛዝ እግዚኣብሄር ሰፊሮም ቀነዩ፡ ብትእዛዝ እግዚኣብሄር ከኣ ተጓዕዙ።

Tools 21. እቲ ደበና ኻብ ምሸት ክሳዕ ብጊሓት እንተ ነበረ ኸኣ፡ እቲ ደበና ንግሆ ምስ ተላዕለ፡ ይጕዐዙ ነበሩ። ሓንቲ መዓልትን ሓንቲ ለይትን እንተጸንሔ፡ እቲ ደበና ምስ ተላዕለ፡ ሽዑ ተጓዕዙ።

Tools 22. እቲ ደበና ኣብ ልዕሊ ማሕደር ተቐሚጡ ኽልተ መዓልቲ ወይ ሓደ ወርሒ፡ ወይ ነዊሕ ጊዜ እንተ ደንጐየ፡ ደቂ እስራኤል ሰፊሮም ይጸንሑ እምበር፡ ኣይጐዐዙን ነበሩ። ምስ ዚለዐል ግና፡ ይጕዐዙ፡ ነበሩ።

Tools 23. ብትእዛዝ እግዚኣብሄር ይሰፍሩ ብትእዛዝ እግዚኣብሄር ድማ ይጕዐዙ ነበሩ። ከምቲ እግዚኣብሄር ብኢድ ሙሴ ዝአዘዞ፡ ነቲ ሓለዋ እግዚኣብሄር ይሕልዉ ነበሩ።