Tools 1. ደቂ እስራኤል በብሰራዊቶም ብኢድ ሙሴን ኣሮንን ካብ ምድሪ ግብጺ ምስ ወጹ፡ ኣጓዕዛኦም እዚ እዩ፡

Tools 2. ሙሴ ድማ ነቲ ምውጻኦም ካብ ሰፈር ናብ ሰፈር ምጕዓዞም ብትእዛዝ እግዚኣብሄር ጸሐፎ። እቲ ኣጓዕዛኦም ከምቲ ምንቃሎም እዚ እዩ፡

Tools 3-4. በታ ቐዳመይቲ ወርሒ፡ ኣብታ ወርሒ ኸኣ ብመበል ዓሰርተው ሓሙሽተ መዓልቲ ኻብ ራዕምሌስ ነቐሉ። ግብጻውያን ነቶም እግዚኣብሄር ኣብ ማእከሎም ዝቐተሎም ኲላቶም በዅርታት ኪቐብሩ ኸለዉ፡ ንኣማልኽቶም ድማ እግዚኣብሄር ምስ ፈረደሎም፡ ሽዑ ደቂ እስራኤል፡ ኲሎም ግብጻውያን እናረአይዎም ብልዕቲ ኢድ ጽባሕ ፋስጋ ወጹ።

Tools 5. ደቂ እስራኤል ከኣ ካብ ራዕምሴስ ነቐሉ፡ ኣብ ሱኮት ከኣ ሰፈሩ።

Tools 6. ካብ ሱኮት ነቒሎም ድማ፡ ኣብታ ኣብ ወሰን በረኻ ዘላ ኤታም ሰፈሩ።

Tools 7. ካብ ኤታም ነቒሎም ከኣ፡ ኣብ መንጽር በዓል-ጼፎን ናብ ዘላ ጲ-ሃሒሮት ተመሊሶም፡ ኣብ መጣምቲ ሚግዶል ሰፈሩ።

Tools 8. ካብ መንጽር ሃሒሮት ነቒሎም ድማ፡ ብማእከል ባሕሪ ገይሮም ናብ በረኻ ሰገሩ። ኣብ በረኻ ኤታም መገዲ ሰለስተ መዓልቲ ኸይዶም ከኣ፡ ኣብ ማራ ሰፈሩ።

Tools 9. ካብ ማራ ነቒሎም ድማ፡ ናብ ኤሊም መጹ። ኣብ ኤሊም ከኣ ዓሰርተው ክልተ ዓይኒ ማይን ሰብዓ ኦም ተምርን ነበረ፡ ኣብኣ ድማ ሰፈሩ።

Tools 10. ካብ ኤሊም ነቒሎም ከኣ፡ ኣብ ጥቓ ባሕሪ ኤርትራ ሰፈሩ፡

Tools 11. ካብ ባሕሪ ኤርትራ ነቒሎም ድማ፡ ኣብ በረኻ ሲን ሰፈሩ።

Tools 12. ካብ በረካ ሲን ነቒሎም ከኣ፡ ኣብ ዶፍቃ ሰፈሩ።

Tools 13. ካብ ዶፍቃ ነቒሎም ድማ፡ ኣብ ኣሉሽ ሰፈሩ።

Tools 14. ካብ ኣሉሽ ነቒሎም ከኣ፡ ኣብ ረፊዲም ሰፈሩ፡ ኣብኣ ድማ እቶም ህዝቢ ዚሰትይዎ ማይ ኣይነበረን።

Tools 15. ካብ ረፊዲም ነቒሎም ድማ፡ ኣብ በረካ ሲና ሰፈሩ።

Tools 16. ካብ በረካ ሲና ነቒሎም ከኣ፡ ኣብ ቂብሮት-ሃታኣባ ሰፈሩ።

Tools 17. ካብ ቂብሮት-ሃታኣባ ነቒሎም ድማ፡ ኣብ ሓጼሮት ሰፈሩ።

Tools 18. ካብ ሓጼሮት ነቒሎም ከኣ፡ ኣብ ሪትማ ሰፈሩ።

Tools 19. ካብ ሪትማ ነቒሎም ድማ፡ ኣብ ሪሞን-ጰሬጽ ሰፈሩ።

Tools 20. ካብ ሪሞን-ጰሬጽ ነቒሎም ከኣ፡ ኣብ ሊብና ሰፈሩ።

Tools 21. ካብ ሊብና ነቒሎም ድማ፡ ኣብ ሪሳ ሰፈሩ።

Tools 22. ካብ ሪሳ ነቒሎም ከኣ፡ ኣብ ቄሄላታ ሰፈሩ።

Tools 23. ካብ ቄሄላታ ነቒሎም ድማ፡ ኣብ ከረን ሸፈር ሰፈሩ።

Tools 24. ካብ ከረን ሸፈር ነቒሎም ከኣ፡ ኣብ ሓራዳ ሰፈሩ።

Tools 25. ካብ ሓራዳ ነቒሎም ድማ፡ ኣብ ማቅሄሎት ሰፈሩ።

Tools 26. ካብ ማቅሄሎት ነቒሎም ከኣ፡ ኣብ ታሕት ሰፈሩ።

Tools 27. ካብ ታሓት ነቒሎም ድማ፡ ኣብ ታራ ሰፈሩ።

Tools 28. ካብ ታራ ነቒሎም ከኣ፡ ኣብ ሚትቃ ሰፈሩ።

Tools 29. ካብ ሚትቃ ነቒሎም ድማ፡ ኣብ ሓሽሞና ሰፈሩ።

Tools 30. ካብ ሓሽሞና ነቒሎም ከኣ፡ ኣብ ሞሴሮት ሰፈሩ።

Tools 31. ካብ ሞሴሮት ነቒሎምውን፡ ኣብ ብነ-ያዓቃን ሰፈሩ።

Tools 32. ካብ ብነ-ያዓቃን ነቒሎም ድማ፡ ኣብ ሖር-ሃጊድጋድ ሰፈሩ።

Tools 33. ካብ ሖር-ሃጊድጋድ ነቒሎም ከኣ፡ ኣብ ዮጥባታ ሰፈሩ።

Tools 34. ካብ ዮጥባታ ነቒሎም ድማ፡ ኣብ ዓብሮና ሰፈሩ።

Tools 35. ካብ ዓብሮና ነቒሎምውን፡ ኣብ ኤጽዮን-ጋበር ሰፈሩ።

Tools 36. ካብ ኤጽዮን-ጋበር ነቒሎም ከኣ፡ ኣብ በረካ ጺን ሰፈሩ፡ ንሱ ቃዴስ እዩ።

Tools 37. ካብ ቃዴስ ነቒሎም ድማ፡ ኣብ ወሰን ምድሪ ኤዶም ኣብ ዘሎ ኸረን ሆር ሰፈሩ።

Tools 38. ካህን ኣሮን ከኣ ብትእዛዝ እግዚኣብሄር ናብ ከረን ሆር ደየበ፡ ደቂ እስራኤል ካብ ምድሪ ግብጺ ኻብ ዚወጹ ኣብ መበል ኣርብዓ ዓመት ኣብ ሓምሰይቲ ወርሒ፡ ኣብታ ወርሒ ኸኣ በታ ቐዳመይቲ መዓልቲ ኣብኡ ሞተ።

Tools 39. ኣሮን ኣብ ከረን ሆር ኪመውት ከሎ፡ ወዲ ሚእትን ዕስራን ሰለስተን ዓመት ነበረ።

Tools 40. እቲ ከነኣናዊ ንጉስ ኣራድ፡ ኣብ ደቡብ ሃገር ከነኣን ዚነብር ከኣ፡ ደቂ እስራኤል ከም ዝመጹ ሰምዔ።

Tools 41. ካብ ከረን ሆር ነቒሎም ድማ፡ ኣብ ጻልሞና ሰፈሩ።

Tools 42. ካብ ጻልሞና ነቒሎም ከኣ፡ ኣብ ጱኖን ሰፈሩ።

Tools 43. ካብ ጱኖን ነቒሎም ድማ፡ ኣብ ኣቦት ሰፈሩ።

Tools 44. ካብ ኣቦት ነቒሎም ከኣ፡ ኣብ ዒየ-ዓባሪም፡ ዶብ ሞኣብ፡ ሰፈሩ።

Tools 45. ካብ ዕዪም ነቒሎም ከኣ፡ ኣብ ዲቦን-ጋድ ሰፈሩ።

Tools 46. ካብ ዲቦን-ጋድ ነቒሎም ድማ፡ ኣብ ዓልሞን-ዲብላታዪም ሰፈሩ።

Tools 47. ካብ ዓልሞን-ዲብላታዪም ነቒሎም ከኣ፡ ኣብ ኣኽራን ዓባሪም ኣብ መንጽር ኔቦ ሰፈሩ።

Tools 48. ካብ ኣኽራን ዓባሪም ነቒሎም ድማ፡ ኣብ ጐላጕል ሞኣብ፡ ኣብ ዮርዳኖስ ኣብ መንጽር ያሪኮ፡ ሰፈሩ።

Tools 49. ኣብ ዮርዳኖስ፡ ካብ ቤት-የሺሞት ክሳዕ ኣቤል-ሺጢም ኣብ ጐላጕል ሞኣብ ሰፈሩ።

Tools 50. እግዚኣብሄር ድማ ኣብ ጐላጕል ሞኣብ፡ ኣብ ዮርዳኖስ መንጽር ያሪኮ፡ ንሙሴ ኸምዚ ኢሉ ተዛረቦ፡

Tools 51. ንደቂ እስራኤል ተዛረቦም፡ በሎም ከኣ፡ ዮርዳኖስ ተሳጊርኩም፡ ናብ ምድሪ ከነኣን ምስ ኣቶኹም፡

Tools 52. ነቶም ኣብታ ሃገር ዚነብሩ ዅሎም ካብ ቅድሜኹም ስጐጕዎም፡ ኲሉ ምስልታቶም ሰባብሩ፡ ኲሉ ዝፈሰሰ ምስልታቶም ሰባብሩ፡ ኲሉ በረኽቲ ቦታኦም ኣፍርሱ።

Tools 53. እታ ሃገር ክትርስተይዋ ሂበኩም እየ እሞ፡ ነታ ሃገር ተረስተይዋ፡ ኣብኣውን ንበሩ።

Tools 54. ነታ ምድሪ ኸከም ዓሌትኩም ብዕጭ ተማቐልዋ። ነቶም ብዙሓት ገፊሕ ርስቲ ሀብዎም፡ ነቶም ሒደት ድማ ጸቢብ ርስቲ ሀብዎም። ነፍሲ ወከፍ ኣብታ ዕጩ ዝበጽሓቶ ኣብኣ ይረስተ፡ ከከም ነገድ ኣቦታትኩም ተረስተዩ።

Tools 55. ነቶም ኣብታ ሃገር ዚነብሩ ኻብ ቅድሜኹም እንተ ዘይሰጐጕኩምዎም ግና፡ እቶም ካባታቶም ዘትረፍኩምዎም ኣብ ኣዒንትኹም እሾዅ፡ ኣብ መሰንገሌኹም ከኣ ዳንዴር ኪዀኑኹም እዮም፡ ኣብታ እትነብርዋ ሃገር ኬጨንቑኹም እዮም።

Tools 56. ኪኸውን ድማ እዩ፡ ከምቲ ንኣታቶም ክገብሮም ዝሐሰብኩ፡ ንኣኻትኩም ከምኡ ኽገብረኩም እየ።