Tools 1. እግዚኣብሄር ድማ ንሙሴ ኸምዚ ኢሉ ተዛረቦ፡

Tools 2. ንኣሮን ተዛረቦ በሎ ኸኣ፡ ቀነዲል ምስ እትሰቅል፡ እቲ ሾብዓተ ቐንዴል ናብ ቅድሚ እቲ ቐዋሚ ቐንዴል ከም ዚበርህ ግበሮ።

Tools 3. ኣሮን ከኣ ከምኡ ገበረ፡ ከምቲ እግዚኣብሄር ንሙሴ ዝኣዘዞ፡ ነቲ ቐንዴል ኣብ ቅድሚ እቲ ቐዋሚ ቐንዴል ከም ዚበርህ ገበሮ።

Tools 4. ኣሰራርሓ እቲ ቐዋሚ ቐንዴል ከምዚ እዩ፡ ካብ ወርቂ ብምቕጥቃጥ እተሰርሔ ነበረ፡ ንሱ ኣእጋሩ ዀነ ዕምባባኡ ዀነ ብምቕጥቃጥ እተሰርሔ ነበረ። ነቲ ቐዋሚ ቐንዴል ከምቲ እግዚኣብሄር ንሙሴ ዘርአዮ ምስሊ ገበሮ።

Tools 5. እግዚኣብሄር ድማ ንሙሴ ኸምዚ ኢሉ ተዛረቦ፡

Tools 6. ንሌዋውያን ካብ ማእከል ደቂ እስራኤል ውሰዶም፡ ኣንጽሃዮም ከኣ።

Tools 7. ከምዚ ጌርካ ኣንጽሃዮም፡ ማይ ንጽህና ንጸገሎም፡ ኣብ ብዘሎ ስጋኦም ድማ መላጸ የሕልፉ፡ ክዳውንቶም ይሕጸቡ ይንጽሁ ኸኣ።

Tools 8. ድሕርዚ ሓደ ዝራብዕን ብዘይቲ እተቘምጥዔ ድኹም ሓርጭ ናይ ብልዒ መስዋእቱን ይውሰዱ፡ ንመስዋእቲ ሓጢኣት ከኣ ካልእ ዝራብዕ ውሰድ።

Tools 9. ንሌዋውያን ድማ ናብ ቅድሚ ድንኳን ምርኻብ ኣቕርቦም፡ ንብዘሎ ኣኼባ ደቂ እስራኤልውን ኣክቦ።

Tools 10. ንሌዋውያን ናብ ቅድሚ እግዚኣብሄር ኣቕርቦም፡ ደቂ እስራኤል ከኣ ኣእዳዎም ኣብ ልዕሊ ሌዋውያን የንብሩ።

Tools 11. ኣሮን ድማ ንሌዋውያን፡ ነገልግሎት ዕዮ እግዚኣብሄር ኪዀኑ፡ ዚውዝወዝ መስዋእቲ ደቂ እስራኤል ገይሩ ኣብ ቅድሚ እግዚኣብሄር ይወዝውዞም።

Tools 12. ሌዋውያን ድማ ኣእዳዎም ኣብ ልዕሊ ርእሲ እቶም ዝራብዓት የንብሩ፡ ንሌዋውያን ምእንቲ ኸተተዐርቖም ከኣ፡ እቲ ሓደ ንመስዋእቲ ሓጢኣት እቲ ኻልኣይ ከኣ ንዚሐርር መስዋእቲ ጌርካ፡ ንእግዚኣብሄር ሰውኣዮም።

Tools 13. ንሌዋውያን ድማ ኣብ ቅድሚ ኣሮንን ኣብ ቅድሚ ደቁን ኣቚሞም እሞ ንእግዚኣብሄር ዚውዝወዝ መስዋእቲ ጌርካ ወዝውዞም።

Tools 14. ሌዋውያን ንኣይ ምእንቲ ኪኼኑስ፡ ንሌዋውያን ካብ ማእከል ደቂ እስራኤል ፍለዮም።

Tools 15. ድሕርቲ ሌዋውያን ኣብ ድንኳን ምርኻብ ኬገልግሉ ይእተዉ እሞ ኣንጽሃዮም፡ ንዚውዝወዝ መስዋእቲ ኸኣ ወዝውዞም።

Tools 16. ካብ ማእከል ደቂ እስራኤል ብመላኦም ንኣይ ተውሂቦም እዮም እሞ፡ ኣብ ክንዲ ማሕጸን ዚኸፍት ኵሉ፡ በዅሪ ዅሎም ድቂ እስራኤል፡ ንኣይ ወሲደዮም እየ።

Tools 17. ሰብ ኰነ እንስሳ ዀነ ዅሉ በዅሪ ኣብ ደቂ እስራኤል ናተይ እዩ እሞ፡ በታ ኣብ ምድሪ ግብጺ ንዅሉ በዅሪ ዝወቓዕኩላ መዓልቲ ንኣይ ቀደስኩዎም።

Tools 18. ኣብ ክንዲ ዅሉ በዅሪ ኣብ ደቂ እስራኤል ከኣ ንሌዋውያን ወሰድኩ።

Tools 19. ደቂ እስራኤል ናብ መቕደስ ብምቕራቦም ናብ ደቂ እስራኤል መዓት ምእንቲ ኸይወርድ፡ ኣብ ድንኳን ምርኻብ ኣገልግሎት ደቂ እስራኤል ኬገልግሉ እሞ ንደቂ እስራኤል ኬተዐርቕዎም፡ ካብ ማእከል ደቂ እስራኤል ከኣ ሌዋውያን ንኣሮንን ንደቁን ህያብ ሂበዮም አሎኹ።

Tools 20. ሙሴን ኣሮንን ብዘሎ ኣኼባ ደቂ እስራኤልን ድማ ንሌዋውያን እዚ ገበሩሎም፡ ደቂ እስራኤል ከምቲ እግዚኣብሄር ብዛዕባ ሌዋውያን ንሙሴ ዝኣዘዞ ዅሉ ኸምኡ ገበሩሎም።

Tools 21. ሌዋውያን ከኣ ነጽሁ፡ ክዳውንቶምውን ሐጸቡ። ኣሮን ከኣ ኣብ ቅድሚ እግዚኣብሄር ንዚውዝወዝ መስዋእቲ ወዝወዞም፡ ኣሮን ድማ ንምንጻሆም ኣተዐረቐም።

Tools 22. ድሕርቲ ሌዋውያን ኣብ ቅድሚ ኣሮንን ኣብ ቅድሚ ደቁን ኣብ ድንኳን ምርኻብ ኣገልግሎቶም ኪገብሩ አተዉ። ከምቲ እግዚኣብሄር ብዛዕባ ሌዋውያን ንሙሴ ዝአዘዘ፡ ከምኡ ገበሩሎም።

Tools 23. እግዚኣብሄር ድማ ንሙሴ ኸምዚ ኢሉ ተዛረቦ፡

Tools 24. ንሌዋውያን ዚግባእ እዚ እዩ፡ ካብ ወዲ ዕስራን ሓሙሽተን ዓመት ንላዕሊ፡ ናብ ዕዮ ድንኳን ምርኻብ ኬገልግሉ ይእተዉ።

Tools 25. ካብ ወዲ ሓምሳ ዓመት ከኣ ካብ ዕዮ ኣገልግሎት ይመለስ፡ ድሕሪ ደጊም ኣየገልግል።

Tools 26. ኣብቲ ሓለዋ ኣሕዋቱ ኣብ ድንኳን ምርኻብ ይሐግዝ፡ ኣብ ኣገልግሎት ግና ኣይዕየ። ንሌዋውያን በቲ ሓለዋኦም ከምኡ ግበረሎም።