Tools 1. በታ እግዚኣብሄር ኣብ ከረን ሲና እተዛረበላ መዓልቲ፡ ወለዶ ኣሮንን ሙሴን እዚ እዩ።

Tools 2. ስም ደቂ ኣሮን እዚ እዩ፡ ናብዳ እቲ በዅርን ኣቢሁን ኣልኣዛርን ኢታማርን።

Tools 3. ስም እቶም እተቐብኡ ኻህናት፡ ንኽህነት ዝቐደሶም ደቂ ኣሮን እዚ እዩ።

Tools 4. ናዳብን ኣቢሁን ከኣ ኣብ በረኻ ሲና ናብ ቅድሚ እግዚኣብሄር ጋሻ ሓዊ ምስ ኣቕረቡ፡ ኣብ ቅድሚ እግዚኣብሄር ሞቱ፡ ውሉድ ከኣ ኣይነበርዎምን። ኣልኣዛርን ኢታማርን ድማ ኣብ ቅድሚ ኣቦኦም ኣሮን ብኻህነት የገልግሉ ነበሩ።

Tools 5. እግዚኣብሄር ከኣ ንሙሴ ኸምዚ ኢሉ ተዛረቦ፡

Tools 6. ንነገድ ሌዊ ናብዚ ኣቕርቦ፡ ምእንቲ ኼገልግልዎ ኣብ ቅድሚ ኣሮን ካህን፡ ደው ኣብሎም።

Tools 7. በቲ ዕዮ ኣገልግሎት ማሕደር ኣብ ቅድሚ ድንኳን ምርኻብ መዙን መዚ ዅሉ እቲ ኣኼባን ይሐልዉ።

Tools 8. ኲሉ ኣቕሓ ድንኳን ምርኻብን መዚ ደቂ እስራኤልን ኣብ ዕዮ ኣገልግሎት ማሕደር ይሐልዉ።

Tools 9. ሌዋውያን ንኣሮንን ንደቁን ሀቦም፡ ንሳቶም ካብ ደቂ እስራኤል ብመልኦም ንእኡ ተወፍዮም እዮም።

Tools 10. ንኣሮንን ንደቁን ድማ እቲ ናይ ክህነቶም ኪሕልዉ ኣመዝዞም። ጓና እንተ ቐረበ ኸኣ ይሙት።

Tools 11. እግዚኣብሄር ድማ ንሙሴ ኸምዚ ኢሉ ተዛረቦ፡

Tools 12. እንሆ፡ ኣነ ኣብ ክንዲ እቶም ኣብ ደቂ እስራኤል ማሕጸን ዝኸፈተ ዅሉ በዅሪ ንሌዋውያን ካብ ማእከል ደቂ እስራኤል ወሲደዮም እየ እሞ፡ ሌዋውያን ንኣይ ይኹኑ።

Tools 13. በዅሪ ዝዀነ ዅሉ ንኣይ እዩ እሞ፡ በታ ንዅሉ በዅሪ ሃገር ግብጺ ዝወቓዕኩላ መዓልቲ፡ ሰብ ኰነ፡ እንስሳ ዀነ፡ ኲሉ በዅሪ ኣብ እስራኤል፡ ንኣይ ቀዲሰዮ እየ፡ ንኣይ ይኹኑ። ኣነ እግዚኣብሄር እየ።

Tools 14. እግዚኣብሄር ድማ ንሙሴ ኣብ በረኻ ሲና ኸምዚ ኢሉ ተዛረቦ፡

Tools 15. ንደቂ ሌዊ በብማይ ቤት ኣቦታቶምን በብዓሌቶምን ቊጸሮም። ካብ ወዲ ወርሒ ንላዕሊ ዘሎ ዅሉ ተባዕታይ ቊጸሮም።

Tools 16. ሙሴ ድማ ከምቲ ቓል እግዚኣብሄር፡ ከምቲ ንሱ ዝኣዘዞ ገይሩ ቘጸሮም።

Tools 17. ደቂ ሌዊ በብስሞም እዚኣቶም እዮም፡ ጌርሾንን ቃሃትን መራሪን።

Tools 18. ስም ደቂ ጌርሾን ድማ በብዓሌቶም እዚ እዩ፡ ሊብኒን ሺምዒን።

Tools 19. ደቂ ቃሃት ድማ በብዓሌቶም፡ ኣምራምን ይጽሃርን ሔብሮንን ዑዚኤልን እዮም።

Tools 20. ደቂ መራሪ ድማ በብዓሌቶም፡ ማሕሊን ሙሺን እዮም። ዓሌታት ሌዋውያን በብማይ ቤት ኣቦታቶም እዚኣቶም እዮም።

Tools 21. ካብ ጌርሾን ዓሌት ሊብናውያንን ዓሌታት ሺምዓውያንን እዮም፡ እዚኣቶም ዓሌታት ጌርሾናውያን እዮም።

Tools 22. ቊጽሪ እቶም ካብ ወዲ ወርሒ ንላዕሊ ዘለዉ ዂሎም ቊጹራት ተባዕትዮ፡ እቶም ቊጹራቶም ሾብዓተ ሽሕን ሓሙሽተ ሚእትን እዮም።

Tools 23. ዓሌታት ጌርሾናውያን ብድሕሪ ማሕደር ብሸነኽ ምዕራብ ይስፈሩ።

Tools 24. ሹም ማይ ቤት ኣቦ ጌርሾናውያን ኤልያሳፍ ወዲ ላኤል እዩ።

Tools 25. ሓለዋ ደቂ ጌርሾን ኣብ ድንኳን ምርኻብ ድማ ነቲ ማሕደርን መኽደኒኡን መደረብታኡን መጋረጃ ኣፍ ድንኳን ምርኻብን፡

Tools 26. መጋረጃታት ኣጸድን መጋረጃ ኣፍ ደገ እቲ ኣብ ዙርያ ማሕደርን መሰውእን ዘሎ ኣጸድን ኣግማድን ናይ ኲሉ ኣገልግሎት እዩ።

Tools 27. ካብ ቃሃት ድማ ዓሌት ኣምራማውያንን ዓሌት ይጽሃራውያንን ዓሌት ሔብሮናውያንን ዓሌት ዑዚኤላውያንን እዮም፡ እዚኣቶም ዓሌታት ቃሃታውያን እዮም።

Tools 28. እቶም ሓለዋ መቕደስ ዚሕልዉ ዝነበሩ ኻብ ወዲ ወርሒ ንላዕሊ ዘለዉ ዅሎም ተባዕትዮ ምስ ተቘጽሩ፡ ሾሞንተ ሽሕን ሹድሽተ ሚእትን ኰኑ።

Tools 29. ዓሌታት ደቂ ቃሃት ንማሕደር ብሸነኽ ደቡቡ ይስፈሩ።

Tools 30. ሹም ማይ ቤት ኣቦ ዓሌታት ቃሃታውያን ድማ ኤሊጻፋን ወዲ ዑዚኤል እዩ።

Tools 31. ሓለዋኦም ድማ ታቦታትን ሰደቓን ቀዋሚ ቐንዴልን መሰውኢታትን ንመቕደስ ዜገልግሉሉ ዅሉ ኣቓሑን እቲ መጋረጃን ናይ ኲሉ ኣገልግሎቱን እዩ።

Tools 32. ሹም ሹማምቲ ሌዋውያን ከኣ ኣልኣዛር ወዲ ኻህን ኣሮን እዩ። ንሱ ነቶም ሓለዋ መቕደስ ዚሕልዉ፡ ገበዞም ይኹን።

Tools 33. ካብ መራሪ፡ ዓሌት ማህላውያንን ዓሌት ሙሻውያንን እዮም፡ እዚኣቶም ዓሌታት መራሪ እዮም።

Tools 34. ካብ ወዲ ወርሒ ንላዕሊ ዘለዉ ዅሎም ተባዕትዮ ምስ ተቘጽሩ፡ እቶም ቊጽራቶም ሹድሽተ ሽሕን ክልተ ሚእትን ኰኑ።

Tools 35. ሹም ማይ ቤት ኣቦ ዓሌታት መራሪ፡ ጹሪኤል ወዲ ኣቢሓይል እዩ። ንሳቶም ንማሕደር ብሸነኽ ሰሜኑ ይስፈሩ።

Tools 36. እተመዘዝዋ ሓለዋ ደቂ መራሪ ድማ ንኣልዋሕ ማሕደርን ጋድማቱን ኣዕኑዱን ኣእጋሩን ኲሉ ኣቓሑኡን ናይ ኲሉ ኣገልግሎቱን፡

Tools 37. ኣዕኑድ እቲ ኣጸድ ብዙርያኡን ኣእጋሩን ሽኻውልቱን ኣግማዱን እዩ።

Tools 38. እቶም ኣብ መንጽር ማሕደር ብምብራቑ፡ ኣብ ቅድሚ ድንኳን ምርኻብ፡ ብሸነኽ ምውጻእ ጸሓይ ዚሰፍሩ፡ ሙሴን ኣሮንን ደቁን እዮም። ንሳቶም ነቲ ሓለዋ ደቂ እስራኤል ኣብ መቕደስ ዚሕሎ ይሕልዉ ነበሩ። ጓና ናብኡ እንተ ቐረበ ኸኣ ይሙት።

Tools 39. እቶም እተቘጽሩ ዅሎም ሌዋውያን፡ ሙሴን ኣሮንን ብትእዛዝ እግዚኣብሄር በብዓሌቶም ዝቘጸርዎም፡ ካብ ወዲ ወርሒ ንላዕሊ ዘለዉ ዅሎም ተባዕትዮ ዕስራን ክልተን ሽሕ ኰኑ።

Tools 40. እግዚኣብሄር ድማ ንሙሴ በሎ፡ ኲሎም ተባዕትዮ በዅሪ ደቂ እስራኤል ካብ ወዲ ወርሒ ንላዕሊ ንዘለዉ ቚጸር፡ ቊጽሪ ስሞም ድማ ውሰድ።

Tools 41. ኣነ እግዚኣብሄር እየ፡ ንሌዋውያን ኣብ ክንዲ ዅሎም በዅሪ ኣብ ደቂ እስራኤል፡ ማል ሌዋውያን ድማ ኣብ ክንዲ በዅሪ ማል ደቂ እስራኤል ንኣይ ውሰዶም።

Tools 42. ሙሴ ድማ፡ ከምቲ እግዚኣብሄር ዝአዘዞ ንዅሉ በዅሪ ኣብ ደቂ እስራኤል ቈጸረ።

Tools 43. ካብ ወዲ ወርሒ ንላዕሊ ዘሎ ዅሉ በዅሪ ተባዕታይ በብስሞም እተቘጽሩ፡ ቊጹራቶም ዕስራን ክልተን ሽሕን ክልተ ሚእትን ሰብዓን ሰለስተን ኰኑ።

Tools 44. እግዚኣብሄር ድማ ንሙሴ ኸምዚ ኢሉ ተዛረቦ፡

Tools 45. ንሌዋውያን ኣብ ክንዲ ዅሉ በዅሪ ኣብ ደቂ እስራኤል፡ ማል ሌዋውያን ድማ ኣብ ክንዲ ማሎም ውሰድ፡ ሌዋውያን ናተይ ይኹኑ። ኣነ እግዚብሄር እየ።

Tools 46. በጃ እቶም ክልተ ሚእትን ሰብዓን ሰለስተን በዅሪ ደቂ እስራኤል፡ ካብ ቊጽሪ ሌዋውያን ዝሐለፉ ኸኣ፡

Tools 47. ነንርእሲ ሓሙሽተ ሲቃል ውሰድ፡ ብሲቃል መቕደስ ውሰድ፡ ሲቃል ዕስራ ጌራ እዩ።

Tools 48. ናይቶም ሕልፊ ዝዀኑ ኸኣ ገንዘብ በጃ ንኣሮንን ንደቁን ሀቦም።

Tools 49. ሙሴ ድማ ካብቶም ብሌዋውያን እተበጀዎም ሕልፊ ዝዀኑ፡ ገንዘብ በጃ ወሰደ።

Tools 50. ካብ በዅርታት ደቂ እስራኤል ብሲቃል መቕደስ ሽሕን ሰለስተ ሚእትን ስሳን ሓሙሽተን ሲቃል ገንዘብ ወሰደ።

Tools 51. ሙሴ ድማ ከምቲ ቓል እግዚኣብሄር፡ ከምቲ እግዚኣብሄር ንሙሴ ዝኣዘዞ፡ እቲ ገንዘብ በጃ ንኣሮንን ንደቁን ሀቦም።