Tools 1. ደቂ ሮቤልን ደቂ ጋድን ድማ ኣዝየን ብዙሓት ማል ነበራኦም። እንሆ ኸኣ፡ ምድሪ ያዕዜርን ምድሪ ጊልኣድን ቦታ ማል ከም ዝዀነ ምስ ረኣዩ፡

Tools 2. ደቂ ጋድን ደቂ ሮቤልን መጺኦም፡ ንሙሴን ንኻህን ኣልኣዛርን ንሹማምቲ ኣኼባን፡

Tools 3. ዓጣሮትን ዲቦንን ያዕዜርን ኒምራህን ሔስቦንን ኤልዓለን ሴባምን ኔቦን ቤዖንን፡

Tools 4. እዛ ኣብ ቅድሚ ኣኼባ እስራኤል፡ እግዚኣብሄር ዝወቕዓ ምድሪ፡ ምድሪ ማል እያ፡ ገላዉኻ ድማ ማል ኣለዋና፡ ኢሎም ተዛረብዎም።

Tools 5. ኣብ ቅድሚ ዓይንኻ ሞገስ እንተ ደኣ ረኸብናስ፡ እዛ ምድሪ እዚኣ ንገላዉኻ ርስቲ ትወሀብ፡ ንዮርዳኖስ ኣይተሳግረና፡ ከኣ በሉ።

Tools 6. ሙሴ ግና ንደቂ ጋድን ንደቂ ሮቤልን በሎም፡ ኣሕዋትኩም ናብ ውግእ ኪኸዱ ኸለዉዶ፡ ኣብዚ ኽትተርፉ ኢኹም፧

Tools 7. ስለምንታይ፡ ናብታ እግዚኣብሄር ዝሀቦም ምድሪ ኸይአትዉ፡ ልቢ ደቂ እስራኤል እተድክሙ፧

Tools 8. ኣቦታትኩም ድማ፡ ምድሪ ኺርእዩ ኢለ ኻብ ቃዴስ-ባርኔዓ ምስ ሰደድክዎም፡ ከምኡ ገበሩ።

Tools 9. ክሳዕ ለሰ ኤሽኮል ደይቦም ነታ ምድሪ ምስ ረአይዋ፡ ናብታ እግዚኣብሄር ዝሀቦም ምድሪ ኻብ ምእታው ንልቢ ደቂ እስራኤል ኣሸበርዎ።

Tools 10. በታ መዓልቲ እቲኣ ከኣ ኲራ እግዚኣብሄር ነደደ እሞ ኸምዚ ኢሉ መሐለ፡

Tools 11-12. ብጀካ ካሌብ ወዲ የፋኔ ቀኒዛውን እያሱ ወዲ ነዌን፡ ንእግዚኣብሄር ፈጺሞም ስለ ዝሰዐብዎ፡ እዞም ካብ ግብጺ ዝደየቡ ሰባት ፈጺሞም ስለ ዘይሰዐቡኒ፡ ካብ ወዲ ዕስራ ዓመት ንላዕሊ ዘለዉ ነታ ንኣብርሃም፡ ንይስሃቅ፡ ንያእቆብ ከኣ ዝመሐልኩሎም ምድሪ ኣይርእይዋን እዮም።

Tools 13. ኲራ እግዚኣብሄር ከኣ ኣብ እስራኤል ነደደ እሞ፡ እቲ ኣብ ቅድሚ እግዚኣብሄር ክፋእ ዝገበረ ወለዶ ኽሳዕ ዚውዳእ፡ ኣርብዓ ዓመት ኣብ በረኻ ዀለል ኣበሎም።

Tools 14. ኣቱም ትውልዲ ሓጥኣን ሰባት፡ ነቲ ነዳዲ ዅራ እግዚብሄር ኣብ ልዕሊ እስራኤል ከተበርትዑ፡ እንሆ፡ ኣብ ክንዲ ኣቦታትኩም ተንሳእኩም።

Tools 15. ካብ ምስዓቡ እንተ ተመለስኩም፡ ንሱ ኸኣ መሊሱ ንእስራኤል ኣብ በረኻ ይሐድጎም እሞ፡ ነዚ ህዝቢ እዚ ዅሉ ተጥፍእዎ አሎኹም።

Tools 16. ንሳቶም ከኣ ናብኡ ቐሪቦም በሉ፡ ኣብዚ ንማልና ደምቤታት፡ ንቘልዑና ድማ ከተማታት ክንሰርሕ፡

Tools 17. ንሕና ግና፡ ናብታ ቦታኦም ክሳዕ እነእትዎም፡ ቀቅድሚ ደቂ እስራኤል ክንከይድ ተዳሊና ኣጽዋር ሒዝና አሎና። ደቅና ኸኣ ብዛዕባ እቶም ኣብታ ሃገር ዚነብሩ፡ ኣብ ጽኑዓት ከተማታት ይቀመጡ።

Tools 18. ደቂ እስራኤል ነፍሲ ወከፍ ረርስቱ ኽሳዕ ዚረክብ፡ ናብ ኣባይትና ኣይንምለስን።

Tools 19. ርስትናስ ኣብ ክነጀው ዮርዳኖስ ብሸነኽ ምብራቕ በጺሑና እዩ እሞ፡ ኣብ ስግር ዮርዳኖስ ኣብ ንየው ምሳታቶም ርስቲ ኣይንወርስን።

Tools 20. ሙሴ ድማ በሎም፡ እዚ ነገርዚ እንተ ጌርኩም፡ ኣብ ቅድሚ እግዚኣብሄር ከኣ ንውግእ ኣጽዋር እንተ ሒዝኩም፡

Tools 21-22. ንጸላእቱ ድማ ካብ ቅድሚኡ ኽሳዕ ዚሰጎም፡ እታ ሃገርውን ኣብ ቅድሚ እግዚኣብሄር ክሳዕ እትግዛእ፡ ኲሎም ሰልፈኛታትኩም ኣብ ቅድሚ እግዚኣብሄር ዮርዳኖስ እንተ ተሳጊሮምሲ፡ ድሕርቲ ትምለሱ፡ ኣብ እግዚኣብሄር ኣብ እስራኤልን ከኣ ብዘይ በደል ትዀኑ፡ እዛ ሃገር እዚኣ ድማ ኣብ ቅድሚ እግዚኣብሄር ርስትኹም ክትከውን እያ።

Tools 23. ከምኡ እንተ ዘይገበርኩም ግና፡ እንሆ፡ ኣብ እግዚኣብሄር ሓጢኣት ገበርኩም፡ ሓጢኣትኩም ከም ዚረኽበኩም ድማ ፍለጡ።

Tools 24. ንደቅኹም ከተማታት፡ ነባጊዕኩም ከኣ ደምቤታት ስርሑ፡ እቲ ኻብ ኣፍኩም ዝወጸ ድማ ግበርዎ።

Tools 25. ደቂ ጋድን ደቂ ሮቤልን ንሙሴ፡ ገላዉኻ ኸምቲ ጐይታይ ዝአዘዞ ኺገብሩ እዮም።

Tools 26. ቈልዑናን ኣንስትናን መጓሰ ኣባጊዕናን ኲሉ ማልናን ኣብኡ ኣብ ከተማታት ጊልኣድ ይኹኑ።

Tools 27. ገላውኻ ግና ኲላቶም ንውግእ ኣጽዋር ዝሐዙ፡ ከምቲ ጐይታይ ዝበሎ፡ ኣብ ቅድሚ እግዚኣብሄር ኪዋግኡ ይሳገሩ፡ ኢሎም ተዛረብዎ።

Tools 28. ሙሴ ድማ ንኻህን ኣልኣዛርን ንእያሱ ወዲ ነዌን፡ ንሓላቑ ማይ ቤት ኣቦታት ነገዳት ደቂ እስራኤልን ብዛዕባኦም ኣዘዘ።

Tools 29. ሙሴ ኸኣ፡ ደቂ ጋድን ደቂ ሮቤልን ንውግእ ኣጽዋር ዝሐዙ ዅሎም ኣብ ቅድሚ እግዚኣብሄር ኪዋግኡ፡ ምሳኻትኩም ዮርዳኖስ እንተ ተሳገሩ፡ እታ ሃገር ድማ ኣብ ቅድሜኹም እንተ ተገዝኤት፡ ሽዑ ምድሪ ጊልኣድ ርስቲ ሀብዎም።

Tools 30. ኣጽዋር ሒዞም ምሳኻትኩም እንተ ዘይተሳገሩ ግና፡ ኣብ ምድሪ ከነኣን ኣብ ማእከልኩም ይረስተዩ፡ በሎም።

Tools 31. ደቂ ጋድን ደቂ ሮቤልን ድማ፡ ከምቲ እግዚብሄር ንገላዉኻ ዝበሎም፡ ከምኡ ንገብር።

Tools 32. ንሕና ኣጽዋር ሒዝና ኣብ ቅድሚ እግዚኣብሄር ንምድሪ ከነኣን ንሳገር፡ እቲ እንርስተዮ ርስቲ ኸኣ ኣብዚ ኣብ ክነጀው ዮርዳኖስ ይኹነልና፡ ኢሎም መለሱ።

Tools 33. ሙሴ ኸኣ ንኣታቶም ንደቂ ጋድን ንደቂ ሮቤልን ንፈረቓ ነገድ ምናሴ ወዲ ዮሴፍን፡ መንግስቲ ሲሆን ንጉስ ኣሞራውያን፡ መንግስቲ ዖግ ንጉስ ባሳን፡ እታ ሃገር፡ ከተማታታ ምስ ከባቢኤን፡ ናይታ ኣብ ዙርያ ዘላ ሃገር ከተማታት ድማ ሀቦም፡

Tools 34. ደቂ ጋድ ድማ፡ ዲቦንን ዓጣሮትን ዓሮዔርን፡

Tools 35. ዓጥሮት-ሾፋንን ያዕዜርን ዮግብሃን፡

Tools 36. ቤት-ኒምራን ቤት-ሃራንን፡ እተዐርዳ ከተማታት፡ ደምቤታት ኣባጊዕ ከኣ ሰርሑ።

Tools 37. ደቂ ሮቤል ድማ ሔስቦንን ኤልዓለን ቂርያታዪምን፡

Tools 38. ኔቦን በዓል-ሜዖንን ሰርሑ፡ - ስመን ከኣ ተለወጠ፡ - ሲብማውን ሰርሑ። ነተን ዝሰርሕወን ከተማታት ከኣ ካልእ ስም ኣውጽኡለን።

Tools 39. ደቂ ማኪር ወዲ ምናሴ ድማ ናብ ጊልኣድ ከይዶም ሐዝዋ፡ ነቶም ኣብኣ ዝነበሩ ኣሞራውያን ከኣ ሰጐጕዎም።

Tools 40. ሙሴ ድማ ንማኪር ወዲ ምናሴ ጊልኣድ ሀቦ፡ ኣብኣ ኸኣ ተቐመጠ።

Tools 41. ያኢር ወዲ ምናሴ ድማ ከይዱ ዓድታቶም ሐዘ፡ ዓድታት ያኢር ኢሉ ኸኣ ሰመየን።

Tools 42. ኖባ ድማ ከይዱ ንቔናትን ኣቚሻታን ሓዛ፡ ብስሙ ኸኣ ኖባ ኣውጽኣላ።