Tools 1. ብዘሎ ኣኼባ ደቂ እስራኤል ከኣ በታ ቐዳመይቲ ወርሒ ናብ በረኻ ጺን ኣተዉ፡ ኣብ ቃዴስ ድማ ጸንሑ። ሚርያም ከኣ ኣብኡ ሞተት፡ ኣብኡውን ተቐብረት።

Tools 2. እቲ ኣኼባ ድማ ማይ ኣይነበሮን፡ ሽዑ ኣብ ልዕሊ ሙሴን ኣብ ልዕሊ ኣሮንን ተኣከቡ።

Tools 3. እቶም ህዝቢ ኸኣ ንሙሴ፡ እቲ ኣሕዋትና ኣብ ቅድሚ እግዚኣብሄር ኪሞቱ ኸለዉ እንተ ንመውት፡ መን ምሀበና፡

Tools 4. ንሕናን ከብትናን ድማ ኣብኡ ኽንመውት፡ ስለምንታይ ንማሕበር እግዚኣብሄር ናብዚ በረኻ እዚ ኣምጻእኩምዎ፧

Tools 5. ስለምንታይከ ናብዛ ኽፍእቲ ቦታ ኸተምጽኡና ኻብ ግብጺ ኣደየብኩምና፧ ናይ ዘርኢ ወይ ናይ በለስ ወይ ናይ ወይኒ ወይ ናይ ሮማን ቦታ ኣይኰነትን፡ ዚስተ ማይውን የብላን፡ ኢሎም ተቛየቚዎ።

Tools 6. ሙሴን ኣሮንን ከኣ ካብ ቅድሚ ማሕበር ናብ ኣፍ ድንኳን ምርኻብ ከዱ፡ ብገጾም ድማ ተደፍኡ። ክብሪ እግዚኣብሄር ከኣ ተራእዮም።

Tools 7. እግዚኣብሄር ድማ ንሙሴ ኸምዚ ኢሉ ተዛረቦ፡

Tools 8. ነታ በትሪ ውሰዳ፡ ንስኻን ሓውካ ኣሮንን ከኣ ነቲ ኣኼባ ኣክብዎ፡ ኣብ ቅድሚኦም ድማ ነቲ ኸውሒ ተዛረብዎ፡ ንሱ ኸኣ ማዩ ይህብ። ንስኻውን ካብቲ ኸውሒ ማይ ተውጽኣሎም፡ ነቲ ኣኼባን ንኸብቶምን ከኣ ተስቲ።

Tools 9. ሙሴ ድማ ኸምቲ ዝአዘዞ ነታ በትሪ ኻብ ቅድሚ እግዚኣብሄር ወሰዳ፡

Tools 10. ሙሴን ኣሮንን ድማ ነታ ማሕበር ኣብ ቅድሚ እቲ ኸውሒ ኣኪቦም፡ ኣቱም ዓለወኛታት፡ ሕጂ ስምዑ፡ ካብዚ ኸውሒ እዚዶ ማይ ከነውጽኣልኩም ኢና፧ በሎም።

Tools 11. ሙሴ ድማ ኢዱ ኣልዒሉ ነቲ ኸውሒ ብበትሩ ኽልተ ሳዕ ወቕዖ፡ ብዙሕ ማይ ከኣ ወጸ፡ እቲ ኣኼባን ከብቶምን ሰተዩ።

Tools 12. እግዚኣብሄር ድማ ንሙሴን ንኣሮንን፡ ኣብ ቅድሚ ደቂ እስራኤል ክትቅድሱኒ ብኣይ ስለ ዘይአመንኩም፡ ስለዚ ነዛ ማሕበር እዚአ ናብታ ዝሀብክዎም ምድሪ ኣይተእትውዎምን ኢኹም፡ በሎም።

Tools 13. እዚ ማይ መሪባ፡ እቲ ደቂ እስራኤል ምስ እግዚኣብሄር እተቛየቑሉ፡ ንሱ ኸኣ ኣባታቶም እተቐደሰሉ እዩ።

Tools 14. ሙሴ ድማ ካብ ቃዴስ ናብ ንጉስ ኤዶም፡ ሓውካ እስራኤል ከምዚ ይብል፡ እቲ ዝረኸበና ዅሉ መከራ ንስኻ ትፈልጥ አሎኻ፡

Tools 15. ኣቦታትና ናብ ግብጺ ኸመይ ከም ዝወረዱ፡ ኣብ ግብጺ ኸኣ ነዊሕ ዘበን ተቐመጥና፡ ግብጻውያን ድማ ንኣናን ነቦታትናን ሐሰሙና።

Tools 16. ናብ እግዚኣብሄር ምስ ኣእዌና፡ ንሱ ቓልና ሰምዔ፡ መልኣኽ ሰዲዱ ድማ ካብ ግብጺ ኣውጽኣና። እንሆ ኸኣ፡ ንሕና ኣብ ወሰን ዶብካ ኣብ ዘላ ኸተማ ቃዴስ አሎና።

Tools 17. በጃኻ፡ ብምድርካ ኣሕልፈና፡ ብግርሁን ብቦታ ወይንን ኣይንሐልፍን፡ ማይ ዔላ ኸኣ ኣይንሰትን፡ ዶብካ ኽሳዕ እንሐልፍ ንየማን ወይ ንጸጋም ኣይነግልስን፡ ብጐደና ንጉስ ንኸይድ፡ ኢሉ ልኡኻት ሰደደሉ።

Tools 18. ኤዶም ግና፡ ወጺኤ ብሴፍ ከይቃባበለካ፡ ብኣይ ኣይትሕለፍ፡ በሎ።

Tools 19. ደቂ እስራኤል ከኣ፡ ብጐደና መገዲ ንድይብ፡ ኣነን ከብተይን ካብ ማይካ እንተ ሰቴና ድማ፡ ዋጋ እህብ። ጥራይ እንግረይ ነገር ዜልቦ ኣሕልፈኒ፡ በልዎ።

Tools 20. ንሱ ድማ፡ ኣይትሓልፍን፡ በለ። ኤዶም ድማ ምስ ብዙሕ ህዝብን ብሓያል ኢድን ኪቃባበሎ ወጸ።

Tools 21. በዚ ኸምዚ ኤዶም ንእስራኤል ብዶቡ ምሕላፍ ምስ ከልኦ፡ እስራኤል ካብኡ ኣግለሰ።

Tools 22. ካብ ቃዴስ ድማ ተጓዕዙ፡ ብዘሎ እቲ ኣኼባ ደቂ እስራኤል ከኣ ናብ ከረን ሆር መጸ።

Tools 23. እግዚኣብሄር ድማ ንሙሴን ንኣሮንን ኣብ ከረን ሆር፡ ኣብ ወሰን ምድሪ ኤዶም፡ ከምዚ ኢሉ ተዛረቦም፡

Tools 24. ኣብ ማይ መሪባ ንትእዛዘይ ስለ ዝአቤኹምዎ፡ ኣሮን ናብቲ ንደቂ እስራኤል ዝሀብክዎም ምድሪ ኣይኣቱን እዩ እሞ፡ ናብ ሰቡ ይተአከብ።

Tools 25. ንኣሮንን ንኣልኣዛር ወዱን ውሰድ፡ ናብ ከረን ሆር ድማ ኣደይቦም።

Tools 26. ንኣሮን ከኣ ኣልባሱ ግፈፎ ንኣልኣዛር ወዱ ድማ ክደኖ። ኣሮን ከኣ ናብ ህዝቡ ይተኣከብ፡ ኣብኡውን ይሙት።

Tools 27. ሙሴ ኸኣ ከምቲ እግዚኣብሄር ዝአዘዞ ገበረ፡ ብዘሎ እቲ ኣኼባ እናረአዮምውን ናብ ከረን ሆር ደየቡ።

Tools 28. ሙሴ ድማ ንኣሮን ኣልባሱ ገፊፉ ንኣልኣዛር ወዱ ኸደኖ። ኣሮን ከኣ ኣብኡ ኣብ ርእሲ እቲ ኸረን ሞተ። ሙሴን ኣልኣዛርን ድማ ካብቲ ኸረን ወረዱ።

Tools 29. ኲሉ እቲ ኣኼባ፡ ኣሮን ከም ዝሞተ ምስ ረአየ፡ ብዘለዉ ቤት እስራኤል ንኣሮን ሰላሳ መዓልቲ በኸዩሉ።