Tools 1. እግዚኣብሄር ድማ ንሙሴ ኸምዚ ኢሉ ተዛረቦ፡

Tools 2. ነታ ኣነ ንደቂ እስራኤል ዝህቦም ምድሪ ኸነኣን ዚስልዩ ሰባት ስደድ፡ ከካብ ነገድ ኣቦታቶም ሓደ ሰብ፡ ኲሎም ካብቶም ሹማምቶም ይስደዱ።

Tools 3. ሙሴ ድማ ከምቲ ትእዛዝ እግዚኣብሄር ካብ በረኻ ጳራን ሰደዶም። እዞም ሰባት እዚኦም ኲሎም ሓላቑ ደቂ እስራኤል ነበሩ።

Tools 4. ስሞም ከኣ እዚ እዩ፡ ካብ ነገድ ሮቤል ሻሙዓ ወዲ ዛኩር፡

Tools 5. ካብ ነገድ ስምኦን ሻፋት ወዲ ሖሪ፡

Tools 6. ካብ ነገድ ይሁዳ ካሌብ ወዲ የፋነ፡

Tools 7. ካብ ነገድ ይሳኮር ይግኣል ወዲ ዮሴፍ፡

Tools 8. ካብ ነገድ ኤፍሬም ሆሸዓ ወዲ ነዌ፡

Tools 9. ካብ ነገድ ብንያም ጳልጢ ወዲ ራፋ፡

Tools 10. ካብ ነገድ ዛብሎን ጋዲኤል ወዲ ሶዲ፡

Tools 11. ካብ ነገድ ዮሴፍ፡ ማለት ካብ ነገድ ምናሴ፡ ጋድ ወዲ ሱሲ፡

Tools 12. ካብ ነገድ ዳን ዓሚኤል ወዲ ግማሊ፡

Tools 13. ካብ ነገድ እሴር ስቱር ወዲ ሚካኤል፡

Tools 14. ካብ ነገድ ንፍታሌም ናሕቢ ወዲ ዎፍሲ፡

Tools 15. ካብ ነገድ ጋድ ግዉኤል ወዲ ማኪ።

Tools 16. ስም እቶም ነታ ምድሪ ኺስልይዋ ሙሴ ዝሰደዶም ሰባት እዚ እዩ። ሙሴ ንሆሼዓ ወዲ ነዌ፡ እያሱ ኣውጽኣሉ።

Tools 17. ሙሴ፡ ምድሪ ኸነኣን ኪስልዩ፡ ሰደዶም። በሎም ከኣ፡ ካብዚ ንደቡብ ኬድኩም ናብ ኣኽራን ደይቡ፡

Tools 18. እታ ሃገር ድማ ንሳ ኸመይ ከም ዝዀነት፡ እቲ ኣብኣ ዚነብር ህዝቢውን ሓያል እንተ ዀይኑ ወይ ድኹም፡ ሒደት እንተ ዀይኑ ወይ ብዙሕ፡

Tools 19. እታ ዚነብርዋ ምድሪ ድማ ኸመይ ምዃና፡ ንሳ ጽብቕቲ እንተ ዀይና ወይ ሓማቕ፡ እተን ዚነብሩለን ከተማታት ከኣ ከመይ ምዃነን፡ ሰፈር እንተ ዀይነን ወይ ዕርድታት፡

Tools 20. እታ ምድሪውን ከመይ ምዃና፡ ንሳ ረጓድ እንተ ዀይና ወይ ረቃቕ፡ ኣእዋም እንተለዋ ወይ እንተ ዜብላ፡ ርአዩ። ትብዑ ኸኣ ካብ ፍረ እታ ምድሪ ድማ ኣምጽኡ። እተን መዓልትታት እቲኤን ከኣ እቲ ቐዳማይ ፍረ ወይኒ ዚበስለለን ግዝያት ነበራ።

Tools 21. ንሳቶም ከኣ ደይቦም ነታ ምድሪ ኻብ በረኻ ጺን ክሳዕ እታ ኣብ መእተዊ ሃማት ዘላ ሬሖብ ሰለይዋ።

Tools 22. ናብ ደቡብ ከኣ ደየቡ፡ ናብ ኬብሮንውን ኣተዉ፡ ኣብአ ድማ ኣሒማን፡ ሼሻይን ታልማይን ደቂ ዓናቅ ነበሩ። ኬብሮን ከኣ ሾብዓተ ዓመት ቅድሚ እታ ኣብ ግብጺ ዘላ ጾዓን ተሰርሔት።

Tools 23. ናብ ርባ ኤሽኮል ከኣ መጹ፡ ካብኣ ድማ ሓደ ጨንፈር ምስ ሓደ ኣስካል ወይኒ ቘሪጾም፡ ክልተ ዀይኖም ብመሰላ ጾርዎ። ካብ ሮማንን ካብ በለስን ከኣ ተማልኡ።

Tools 24. እታ ቦታ እቲኣ፡ ብዛዕባ እቲ ደቂ እስራኤል ካብኣ ዝቘረጽዎ ኣስካል፡ ለሰ ኤሽኮል ተባህለት።

Tools 25. ኣብ መወዳእታ ኣርብዓ መዓልቲ ድማ ካብ ምስላይ እታ ምድሪ ተመልሱ።

Tools 26. ከይዶም ከኣ ኣብ በረኻ ጳራን ኣብ ቃዴስ ናብ ሙሴን ናብ ኣሮንን ናብ ብዘሎ ኣኼባ ደቂ እስራኤልን መጹ። ንኣታቶምን ንብዘሎ ኣኼባን እቲ ነገር ኣዛረብዎም፡ ፍረ እታ ምድሪውን ኣርኣይዎም።

Tools 27. ከምዚ ኢሎም ድማ ኣዘንተዉሉ፡ ናብታ ዝሰደድካና ሃገር በጻሕና፡ ብሓቂ ኸኣ ንሳ ጸባን መዓርን እተውሕዝ እያ፡ ፍሬኣ ኸኣ እዚ እዩ።

Tools 28. ኣብታ ሃገር ዚነብር ህዝቢ ግና ሓያል እዩ፡ እተን ከተማታት ከኣ እተዐርዳን ኣዝየን ዓበይትን እየን፡ ኣብኡ ድማ ደቂ ዓናቅ ርኤና።

Tools 29. ኣብ ሃገር ደቡብ ኣማሌቅ ይነብር አሎ፡ ኣብ ኣኽራን ከኣ ሔታውያንን ይቡሳውያንን ኣሞራውያንን ይነብሩ አለዉ፡ ኣብ ጥቓ ባሕርን ብሸነኽ ዮርዳኖስን ድማ ከነኣናውያን ይነብሩ አለዉ።

Tools 30. ካሌብ ከኣ ነቲ ህዝቢ ኣብ ቅድሚ ሙሴ ኣህድኦ፡ ኣጸቢቕና ንኽእላ ኢና እሞ፡ ንደይብ ደኣ ነታ ምድሪ ንውረሳ፡ ድማ በለ።

Tools 31. እቶም ምስኡ ደይቦም ዝነበሩ ሰባት ግና፡ ንሱ ኻባና ዚሕይል እዩ እሞ፡ ናብቲ ህዝቢ እቲ ኽንድይብ ኣይንኽእልን ኢና፡ በሉ።

Tools 32. ብዛዕባ እታ ዝሰለይዋ ምድሪ ኸኣ ንደቂ እስራኤል ከምዚ ኢሎም ክፉእ ነገር ኣውረዩሎም፡ እታ ኽንስልያ ዝሐለፍናያ ምድሪ፡ ንሳ ነቶም ዚነብርዋ እትውሕጥ ምድሪ እያ፡ እቶም ኣብኣ ዝርኤናዮም ኲሎም ህዝቢ ኸኣ ነዋሕቲ ሰባት እዮም።

Tools 33. ኣብኣ ድማ ካብ ንጉዓት ዓሌት፡ ንጉዓት ደቂ ዓናቅ ርኤና። ንሕና ኣብ ዓይንና ኸም ኣምበጣ ዀንና፡ ኣብ ኣዒንቶም ከኣ ከምኡ ነበርና።