Tools 1. ሕጊ መስዋእቲ በደል ድማ እዚ እዩ፥ ንሱ ቅዱስ ቅዱሳን እዩ።

Tools 2. ነቲ መስዋእቲ በደል ኣብታ ዚሐርር መስዋእቲ ዚሕረዱላ ቦታ ይሕረድዎ። ደሙ ኸኣ ኣብ ልዕሊ መሰውኢ ኣብ ዙርያኡ ይንጸጎ።

Tools 3. ብዘሎ ስብሒ ኸኣ፡ ኰልኰሉን ቋንጡጡን፡

Tools 4. ክልቲኤን ኲሊት ምስቲ ኣብ ሽምጢ ውጽጢ ዘሎ ስብሔንን፡ እቲ ኻብ ጥቓ ዀለሊት ዚፈልዮ ስብሒ ኸብድን፡

Tools 5. እቲ ኻህን ነዚ መስዋእቲ ሓዊ ንእግዚኣብሄር ኣብ መሰውኢ የሕርሮ፡ ንሱ መስዋእቲ በደል እዩ።

Tools 6. ነፍሲ ወከፍ ተባዕታይ፡ ካህን ዝዀነ፡ ይብልዓዮ፡ ኣብ ቅዱስ ቦታ ይበላዕ። ንሱ ቅዱስ ቅዱሳን እዩ።

Tools 7. እቲ መስዋእቲ በደል ከምቲ መስዋእቲ ሓጢኣት እዩ፡ ንኽልቲኡ ሕጊ ሓደ እዩ፡ ናይቲ ብእኡ ዜተዐርቕ ካህን ይኹን።

Tools 8. እቲ ኻህን ናይ ማንም ዚሐርር መስዋእቲ ዜቕርቦ፡ ቈርበት እቲ ዘቕርቦ ዚሐርር መስዋእቲ ነቲ ኻህን ይኹን።

Tools 9. ኲሉ መስዋእቲ ብልዒ ድማ ኣብ እቶን ዝበሰለ፡ ኲሉ ኣብ ቊራዕን ኣብ መቕሎን እተገብረ፡ ነቲ ዜቕርቦ ኻህን ይኹን።

Tools 10. ኲሉ ዘይቲ እተሐወሶ ወይ ንቑጽ መስዋእቲ ብልዒ ንዂሎም ደቂ ኣሮን፡ ነቲ ሓደ ኸምቲ ሓደ ይኹን።

Tools 11. እቲ ንእግዚኣብሄር ዚቕረብ መስዋእቲ ምስጋና ድማ ሕጉ እዚ እዩ፥

Tools 12. ንምስጋና እንተ ኣቕረቦ፡ ምስቲ መስዋእቲ ምስጋና ዘይቲ እተሐወሶ ዘይበዂዔ ቕጫታት፡ ዘይቲ እተለኸየ ዘይበዂዔ ረቂቕ ቅጫታትን ካብ ድኹም ሓርጭ እተቘምጥዔ ዘይቲ እተሐወሶ ቕጫታትን የቕርብ።

Tools 13. እቲ ንምስጋና ዜቕርቦ ናይ ምስጋና መስዋእቱ ምስ ዝበዂዔ እንጌራ የቕርቦ።

Tools 14. ካብ ኲሉ እዚ መስዋእትታት ሓደ ግደ ንእግዚኣብሄር ዚለዐል መስዋእቲ የቕርበሉ። እዚ ነቲ ደም መስዋእቲ ምስጋና ዚነጽግ ካህን ይኹን።

Tools 15. ስጋ እቲ ንምስጋና ዜቕርቦ ናይ ምስጋና መስዋእቱ በታ እተሰውኣላ መዓልቲ ይበላዕ፡ ካብኡ ገለ እኳ ኽሳዕ ብጊሓት ኣየትርፍ።

Tools 16. እቲ ዚቐርብ መስዋእቲ ናይ መብጽዓ ወይ ናይ ፍቓድ እንተ ዀነ ኸኣ፡ በታ መስዋእቱ ዘቕረበላ መዓልቲ ይበላዕ፡ እቲ ኻብኡ ዝተረፈ ድማ ንጽብሒቱ ይበላዕ።

Tools 17. ካብቲ ስጋ መስዋእቲ ኽሳዕ ሳልሰይቲ መዓልቲ ዝተረፈ ግና፡ ብሓዊ ይንደድ።

Tools 18. ካብቲ ስጋ ናይ ምስጋና መስዋእቱ ኣብ ሳልሰይቲ መዓልቲ እንተ ተበልዔ፡ እቲ መስዋእቲ ቕቡል ኣይኰነን፡ ነቲ ዘቕረቦውን ከም ቊርባን ኣይቚጸረሉን፡ ፍንፉን ይኸውን። እታ ኻብኡ እትበልዕ ነፍሲ ኸኣ በደላ ትጸውር።

Tools 19. ርኹስ ዝተንከዮ ስጋ ድማ ኣይበላዕ፡ ብሓዊ ደኣ ይንደድ። ብዛዕባ ስጋ ግና፡ ንጹህ ዝዀነ ዂሉ ይብልዓዮ።

Tools 20. እታ ረኺሳ ኸላ፡ ካብቲ ናይ እግዚኣብሄር ስጋ መስዋእቲ ምስጋና እትበልዕ ነፍሲ ድማ፡ እታ ነፍሲ እቲኣ ኻብ ህዝባ ኽትምንቈስ እያ።

Tools 21. ነፍሲ ገለ ርኹስ ነገር እንተ ተንከየት፡ ርኽሰት ሰብ ወይ ርኹስ እንስሳ ወይ ዝዀነ ጽዩፍ ርኽሰት፡ ካብቲ ናይ እግዚኣብሄር ስጋ መስዋእቲ ምስጋና ኸኣ እንተ በልዔት፡ እታ ነፍሲ እቲኣ ኻብ ህዝባ ኽትምንቈስ እያ።

Tools 22. እግዚኣብሄር ድማ ንሙሴ ኸምዚ ኢሉ ተዛረቦ፥

Tools 23. ንደቂ እስራኤል ከምዚ ኢልካ ተዛረቦም፥ ገለ ስብሒ፡ ናይ ብዕራይ ኰነ ወይ ናይ በጊዕ ወይ ናይ ጤል፡ ኣይትብልዑ።

Tools 24. ስብሒ ዝሐለቐትን ናይ ኣራዊት ዝቐተላን ንዝዀነ ውራይኩም ግበርዎ፡ ምብላዕ ግና ኣይትብልዕዎ።

Tools 25. ካብ ስብሒ እቲ እንስሳ፡ ካብኡ መስዋእቲ ሓዊ ንእግዚኣብሄር ዜቕርብዎ፡ ዝበልዔ ዘበለ፡ እታ ዝበልዔት ነፍሲ ኻብ ህዝባ ኽትምንቈስ እያ።

Tools 26. ኣብ እትነብርዎ ዂሉ ኸኣ፡ ናይ ዑፍ ኰነ ናይ ማል፡ ደም ዘበለ ኣይትብልዑ።

Tools 27. ዝዀነ ደም ዝበልዔት ዘበለት ነፍሲ፡ እታ ነፍሲ እቲኣ ኻብ ህዝባ ኽትምንቈስ እያ።

Tools 28. እግዚኣብሄር ድማ ንሙሴ ኸምዚ ኢሉ ተዛረቦ፥

Tools 29. ንደቂ እስራኤል ከምዚ ኢልካ ተዛረቦም፥ እቲ ናይ ምስጋና መስዋእቱ ንእግዚኣብሄር ዜቕርብ፡ ካብቲ ናይ ምስጋና መስዋእቱ ኣልዒሉ ህያቡ ናብ እግዚኣብሄር የምጽኣዮ።

Tools 30. ነቲ ናይ እግዚኣብሄር መስዋእቲ ሓዊ በእዳዉ የምጽኣዮ። እቲ ሓኸለ ኣብ ቅድሚ እግዚኣብሄር መስዋእቲ ምውዝዋዝ ኪውዝወዝሲ፡ ስብሑን ሓከሊኡን የምጽኣዮ።

Tools 31. እቲ ኻህን ድማ ነቲ ስብሒ ኣብ ልዕሊ መሰውኢ የሕርሮ፡ እቲ ሓኸለ ኸኣ ንኣሮንን ንደቁን ይኹን።

Tools 32. ካብቲ ናይ ምስጋና መስዋእትኹም ንዚልዐል መስዋእቲ የማነይቲ እግሪ ነቲ ኻህን ሀብዎ።

Tools 33. ነቲ ኻብ ደቂ ኣሮን ደም መስዋእቲ ምስጋናን ስብሕን ዜቕርብ፡ የማነይቲ እግሪ ግዲኡ ትኹን።

Tools 34. ካብ መስዋእቲ ምስጋና ደቂ እስራኤል ሓኸለ ምውዝዋዝን ዚልዐል እግርን ወሲደዮ እየ እሞ፡ ካብ ደቂ እስራኤል ንስርዓት ዘለኣለም ንኻህን ኣሮንን ንደቁን ሂበዮም አሎኹ።

Tools 35-36. በታ ኻህናት እግዚኣብሄር ኪዀኑ ዘቕረቦም መዓልቲ፡ በታ ዝቐብኦም መዓልቲ፡ ካብ መስዋእቲ ሓዊ እግዚኣብሄር ደቂ እስራኤል ክህብዎም እግዚኣብሄር ዝአዘዞምም፡ ግደ ምቕባእ ኣሮንን ግደ ምቕባእ ደቁን እዚ እዩ። ንውሉድ ወለዶኦም ስርዓት ዘለኣለም እዩ።

Tools 37-38. በታ ንደቂ እስራኤል መስዋእቶም ንእግዚኣብሄር ኣብ በረኻ ሲና ኬቕርቡ ዝኣዘዘላ መዓልቲ፡ እግዚኣብሄር ንሙሴ ኣብ ከረን ሲና ዝኣዘዞ ሕጊ፡ ዚሐርር መስዋእትን መስዋእቲ ብልዕን መስዋእቲ ሓጢኣትን መስዋእቲ በደልን መስዋእቲ ምቕዳስን መስዋእቲ ምስጋናን እዚ እዩ።