Tools 1. እግዚኣብሄር ድማ ንሙሴ ኸምዚ ኢሉ ተዛረቦ፥

Tools 2. ንደቂ እስራኤል ከምዚ ኢልካ ተዛረቦም፥ ሓደ ሰብ፡ ካብቲ እግዚኣብሄር፥ ኣይትግበርዎ፡ ኢሉ ዝኣዘዞ ዅሉ፡ ሓደ ብምግባሩ ብዘይ ፍልጠት ሓጢኣት እንተ ገበረ፡

Tools 3. እቲ እተቐብኤ ኻህን እንተ ዀይኑ ሓጢኣት ዝገበረ፡ እሞ በዚ ነቲ ህዝቢ በዳሊ እንተ ገበሮ፡ ስለቲ ዝገበሮ ሓጢኣቱ ንመስዋእቲ ሓጢኣት ጐደሎ ዜብሉ ዝራብዕ ንእግዚኣብሄር የቕርበሉ።

Tools 4. ነቲ ዝራብዕ ናብ ቅድሚ እግዚኣብሄር ናብ ኣፍ ደገ ድንኳን ምርኻብ የምጽኣዮ፡ ኢዱ ኣብ ልዕሊ ርእሲ እቲ ዝራብዕ የንብር እሞ ኣብ ቅድሚ እግዚኣብሄር ይሕረዶ።

Tools 5. እቲ ቕቡእ ካህን ድማ ካብ ደም እቲ ዝራብዕ ወሲዱ ናብ ድንኳን ምርኻብ የእትዎ።

Tools 6. እሞ እቲ ኻህን ኣጻብዑ ኣብቲ ደም ይጥማዕ፡ ካብቲ ደም ከኣ ኣብ ቅድሚ እግዚኣብሄር፡ ኣብ ቅድሚ መጋረጃ መቕደስ ሾብዓተ ሳዕ ይንጸግ።

Tools 7. እቲ ኻህን ድማ ካብቲ ደም ኣብ ኣቕርንቲ እቲ ኣብ ቅድሚ እግዚኣብሄር፡ ኣብ ድንኳን ምርኻብ ዘሎ መሰውኢ ምኡዝ ዕጣን ይግበር። ኲሉ ደም እቲ ዝራብዕ ከኣ ኣብ እግሪ እቲ ኣብ ኣፍ ደገ ድንኳን ምርኻብ ዘሎ መሰውኢ ምሕራር ይኽዐዎ።

Tools 8. ካብቲ ዝራብዕ መስዋእቲ ሓጢኣት ኲሉ ስብሒ፥ እቲ ንናውቲ ኸብዲ ዚኸድን ስብሕን እቲ ኣብ ናውቲ ኸብዲ ዘሎ ዂሉ ስብሕን የልዕል፡

Tools 9. ድማ ክልቲኤን ኲሊትን እቲ ኣብ ሽምጢ ውሽጢ ዘሎ ስብሔንን እቲ ኣብ ጥቓ ዀለሊት ዘሎ ስብሒ ኸብድን የልዕል፡

Tools 10. ከምቲ ኻብ ዝራብዕ መስዋእቲ ምስጋና ዚለዐል፡ ነዚ እቲ ኻህን ኣብ መሰውኢ ምሕራር የሕርሮ።

Tools 11. ቈርበት እቲ ዝራብዕን ኲሉ ስጋኡን ምስናይ ርእሱን መሓውሩን ናውቲ ኸብዱን ፈርሱን፡

Tools 12. እቲ ዝራብዕ ብምሉኡ ኻብ ሰፈር ናብ ጽርይቲ ቦታ፡ ናብታ ሓመዂስቲ ዚጐሐፋ የምጽኣዮ። ኣብ ልዕሊ ዕጨይቲ ገይሩ ብሓዊ የሕርሮ። ኣብታ ሓመዂስቲ ዚጐሐፋ ይሕረር።

Tools 13. ብዘሎ እቲ ኣኼባ እስራኤል እንተ ሰሐተ፡ እቲ ነገር ከኣ ካብ ኣዒንቲ ማሕበር እንተ ተኸወለ እሞ ካብቲ እግዚኣብሄር፥ ኣይትግበርዎ፡ ኢሉ ዝኣዘዞ ዂሉ፡ ሓደ ብምግባሮም እንተ በደሉ፡

Tools 14. እቲ ዝገበርዎ ሓጢኣት ምስ ተፈለጠ፡ እታ ማሕበር ንመስዋእቲ ሓጢኣት ሓደ ዝራብዕ ተቕርብ፡ ናብ ቅድሚ ድንኳን ምርኻብ ከኣ ተምጽኣዮ።

Tools 15. እቶም ዓበይቲ እቲ ኣኼባ ድማ ኣብ ቅድሚ እግዚኣብሄር ኣእዳዎም ኣብ ልዕሊ ርእሲ እቲ ዝራብዕ የንብሩ፡ እቲ ዝራብዕ ከኣ ኣብ ቅድሚ እግዚኣብሄር ይተሐረድ።

Tools 16. እቲ እተቐብኤ ኻህን ድማ ካብ ደም ዝራብዕ ናብ ድንኳን ምርኻብ የምጽእ፡

Tools 17. እቲ ኻህን ከኣ ኣጻብዑ ኣብቲ ደም ጠሚዑ ኣብ ቅድሚ እግዚኣብሄር፡ ናብ ቅድሚ መጋረጃ ሾብዓተ ሳዕ ይንጸግ።

Tools 18. ካብቲ ደም ከኣ ኣብ ኣቕርንቲ እቲ ኣብ ቅድሚ እግዚኣብሄር፡ ኣብ ድንኳን ምርኻብ ዘሎ መሰውኢ ይግበር። ንዂሉ እቲ ደም ከኣ ኣብ እግሪ እቲ ኣብ ቅድሚ ኣፍ ደገ ድንኳን ምርኻብ ዘሎ መሰውኢ ምሕራር ይኽዐዎ።

Tools 19. ንዅሉ እቲ ስብሒ ድማ ካብኡ ኣልዒሉ ኣብ መሰውኢ የሕርሮ።

Tools 20. እዚ ነቲ ዝራብዕ ይግበር፡ ነቲ ዝራብዕ መስዋእቲ ሓጢኣት ከም ዝገበሮ፡ ነዚ ኸኣ ከምኡ ይግበሮ። ከምኡ እቲ ኻህን የተዐርቆም፡ ሽዑ ይሕደገሎም።

Tools 21. ነቲ ዝራብዕ ድማ ካብቲ ሰፈር ንወጻኢ የውጽኣዮ፡ ነቲ ቐዳማይ ዝራብዕ ከም ዘሕርሮ፡ የሕርሮ። እዚ ናይቲ ኣኼባ መስዋእቲ ሓጢኣት እዩ።

Tools 22. ሓደ ሹም ከኣ ከይፈለጠ ኻብቲ እግዚኣብሄር ኣምላኹ፡ ኣይትግበርዎ፡ ኢሉ ዝኣዘዞ ዅሉ፡ ሓደ ብምግባሩ በዲሉ እንተ ሓጥኤ፡

Tools 23. እቲ ዝገበሮ ሓጢኣት ድማ እንተ ተፈለጦ፡ ንመስዋእቱ ኻብ ኣጣሉ ሓደ ተባዕታይ ጐደሎ ዜብሉ ድቤላ የምጽእ።

Tools 24. ኢዱ ኣብ ርእሲ እቲ ድቤላ የንብር፡ ኣብታ ኣብ ቅድሚ እግዚኣብሄር ዚሐርር መስዋእቲ ዚሐርዱላ ቦታ ኸኣ ይሕረዶ። ንሱ መስዋእቲ ሓጢኣት እዩ።

Tools 25. እቲ ኻህን ድማ ካብቲ ደም መስዋእቲ ሓጢኣት በጻብዑ ይውሰድ፡ ኣብ ልዕሊ ቐርኒ መሰውኢ ምሕራርውን ይግበሮ። ነቲ ደሙ ኸኣ ኣብ እግሪ መሰውኢ ምሕራር ይኽዐዎ።

Tools 26. ንዂሉ እቲ ስብሑ ድማ፡ ከምቲ ንስብሒ መስዋእቲ ምስጋና ዚግበር፡ ኣብ መሰውኢ የሕርሮ። እቲ ኻህን ድማ ካብ ሓጢኣቱ የተዐርቆ፡ ይሕደገሉ ኸኣ።

Tools 27. ካብ ህዝቢ እታ ሃገር ሓንቲ ነፍሲ፡ ከይፈለጠት ካብቲ እግዚኣብሄር፡ ኣይትግበርዎ፡ ኢሉ ዝኣዘዞስ ሓደ ብምግባራ በዲላ እንተ ሓጥኤት፡

Tools 28. እቲ ዝገበሮ ሓጢኣቱ እንተ ተፈለጦ፡ ስለ እቲ ዝገበሮ ሓጢኣቱ መስዋእቱ ጐደሎ ዜብላ ኣንስተይቲ ጤል የምጽእ።

Tools 29. ኢዱ ድማ ኣብ ልዕሊ ርእሲ እታ መስዋእቲ ሓጢኣት የንብር፡ ነታ መስዋእቲ ሓጢኣት ኣብ ቦታ እቲ ዚሐርር መስዋእቲ ይሕረዳ።

Tools 30. እቲ ኻህን ድማ ካብ ደማ በጻብዑ ወሲዱ፡ ኣብ ልዕሊ ቐርኒ መሰውኢ ምሕራር ይግበር፡ ንዂሉ እቲ ደም ከኣ ኣብ እግሪ መሰውኢ ይኽዐዎ።

Tools 31. ከምቲ ኻብ መስዋእቲ ምስጋና ዚፍለ ስብሒ፡ ንዂሉ እቲ ስብሒ ይፍለ፡ እቲ ኻህን ድማ ንእግዚኣብሄር ንጥዑም ጨና ኣብ መሰውኢ የሕርሮ። እቲ ኻህን ድማ የተዐርቆ፡ ይሕደገሉ ኸኣ።

Tools 32. ንመስዋእቲ ሓጢኣቱ ገንሸል እንተ ኣምጽኤ ኸኣ፡ ጐደሎ ዜብላ ኣንስተይቲ የምጽእ።

Tools 33. ኢዱ ድማ ኣብ ልዕሊ ርእሲ እታ መስዋእቲ ሓጢኣት የንብር፡ ኣብታ ዚሐርር መስዋእቲ ዚሐርዱላ ቦታ ንመስዋእቲ ሓጢኣት ይሕረዳ።

Tools 34. እቲ ኻህን ድማ ካብ ደም እታ መስዋእቲ ሓጢኣት በጻብዑ ወሲዱ፡ ኣብ ልዕሊ ቐርኒ መሰውኢ ምሕራር ይግበር። ንዀሉ ደማ ኸኣ ኣብ እግሪ መሰውኢ ይኽዐዎ።

Tools 35. ከምቲ ኻብ ገንሸል መስዋእቲ ምስጋና ዚፍለ ስብሒ፡ ንዂሉ እቲ ስብሒ ይፍለ እሞ እቲ ኻህን ኣብ ልዕሊ እቲ ንእግዚኣብሄር ብሓዊ ዚግበር መስዋእቲ፡ ኣብ መሰውኢ የሕርሮ። እቲ ኻህን ድማ ብዛዕባ እቲ ዝገበሮ ሓጢኣቱ የተዐርቆ፡ ይሕደገሉ ኸኣ።