Tools 1. ንኣዛዝ ቤቱ ድማ፡ ንዓያብቲ እዞም ሰባት ኪወስድዎ ኸም ዚኽእሉ ጌርካ እኽሊ ምልኣሎም። ገንዘብ ነፍሲ ወከፍ ድማ ኣብ ኣፍ ዐዓይበቱ ኣንብር።

Tools 2. ነታ ጽዋኤይ ድማ፡ እታ ጽዋእ ብሩር፡ ምስቲ ገንዘብ እኽሉ ጌርካ ናብ ኣፍ ዓይበት እቲ ንእሽቶ ግበራ፡ ኢሉ አዘዞ። ከምቲ ዮሴፍ ዝበሎ ቓል ከኣ ገበረ።

Tools 3. ንግሆ ምስ በርሄ፡ ነቶም ሰባት ምስ ኣእዱጎም ይኺዱ ሐደግዎም።

Tools 4. ንሳቶም ካብ ከተማ ወጺኦም፡ ገና ኸይረሐቑ፡ ዮሴፍ ንኣዛዝ ቤቱ በሎ፥ ተንስእ፡ ደድሕሪ እዞም ሰባት ስዐብ እሞ፡ ምስ ኣርከብካዮም፡ ከመይ ኣብ ክንዲ ጽቡቕ ክፉእ ፈዴኹም፧

Tools 5. እታ ጐይታይ ዚሰትየላን ብእኣ ድማ ምስጢር ዚፈልጠላን ጽዋእ እዚኣዶ ኣይኰነትን፧ እዚ ምግባርኩም ክፉእ ጌርኩም፡ በሎም።

Tools 6. ንሱ ኸኣ ኣርከቦም፡ እዚ ነገርዚ ድማ ተዛረቦም።

Tools 7. ንሳቶም ከኣ፥ ጐይታይ፡ ስለምንታይ ከምዚ ኢልካ ትዛረብ፥ ከምዚ ዝበለ ነገር ምግባርሲ ኻብ ገላዉኻ የርሕቆ፡

Tools 8. እቲ ኣብ ኣፍ ዓያብትና ዝረኸብናዮ ገንዘብ እኳ፡ እንሆ፡ ካብ ምድሪ ኸንኣን መሊስናልካ። ካብ ቤት ጐይታኻ ግዳ ኸመይ ጌርና ብሩር ኰነ ወይ ወርቂ ኽንሰርቕ፧

Tools 9. ካብ ገላዉኻ እቲ እተረኽበቶ ይሙት፡ ንሕና ኸኣ ባሮት ጐይታይ ንኹን፡ በልዎ።

Tools 10. ንሱ ኸኣ፥ ሕጂ ኸም ዝበልኩሞ ይኹን። እቲ እተረኽበቶ፡ ንሱ ባርያይ ይኹን፡ ንስኻትኩም ግና ንጹሃት ኢኹም፡ በለ።

Tools 11. ቀልጢፎም ከኣ ነፍሲ ወከፍ ዐዓይበቶም ናብ ምድሪ ኣውረዱ፡ ነፍሲ ወከፍ ድማ ዓይበቱ ኸፈተ።

Tools 12. ንሱ ኸኣ በቲ ዓብዪ ጀሚሩ በቲ ንእሽቶ ኽሳዕ ዚውድእ ጐርጐሮም። እታ ጽዋእ ድማ ኣብ ዓይበት ብንያም ተረኽበት።

Tools 13. ሽዑ ኽዳውንቶም ቀደዱ፡ ነፍሲ ወከፍ ኣድጉ ጽዒኑ ድማ ናብ ከተማ ተመልሱ።

Tools 14. ይሁዳን ኣሕዋቱን ከኣ ናብ ቤት ዮሴፍ ኣተዉ። ንሱ ገና ኣብኣ ነበረ። ኣብ ቅድሚኡ ድማ ናብ ምድሪ ተደፍኡ።

Tools 15. ዮሴፍ ከኣ፡ እዚ ዝገበርኩምዎ እንታይ ግብሩ እዩ፧ ከማይ ዝበለ ሰብ ፈላጢ ኸም ዝዀነስ ኣይትፈልጡንዶ፧ በሎም።

Tools 16. ይሁዳ ድማ፥ ንጐይታይ እሞ እንታይ ክንብል ኢና፡ እንታይስ ክንዛረብ፧ ከመይ ጌርናኸ ርእስና ኸነጽድቕ፧ ኣምላኽ በደል ባሮትካ ረኸበ፡ እኔና ንሕናን እቲ ኣብ ኢዱ ጽዋእ እተረኽበቶን ባሮት ጐይታይ ኢና፡ በለ።

Tools 17. ንሱ ግና፥ ከምዚ ዝበለ ምግባርሲ ኻባይ ይርሐቕ፡ እቲ ኣብ ኢዱ ጽዋእ እተረኽበቶ ሰብኣይ፡ ንሱ ባርያይ ይኹን፡ ንስኻትኩም ግና ናብ ኣቦኹም ብሰላም ደይቡ፡ በለ።

Tools 18. ሽዑ ይሁዳ ናብኡ ቐሪቡ በለ፡ በል ጐይታይ፡ ጊልያካ ሓንቲ ቓል ኣብ እዝኒ ጐይታይ ክዛረብ እልምነካ አሎኹ፡ ንስኻ ከም ፈርኦን ኢኻ እሞ፡ ኵራኻ ኣብ ጊልያኻ ኣይንደድ።

Tools 19. ጐይታይ ንገላውኡ፡ ኣቦ ወይ ሓውከ ኣሎኩምዶ፧ ኢሉ ሐተቶም።

Tools 20. ንሕና ኸኣ ንጐይታይ፡ ኣረጊት ኣቦ አሎና፡ ኣብ እርግናኡ ዝወለዶ ንእሽቶ ቘልዓ ድማ፡ ሓዉ ኸኣ ሞይቱ፡ እዚ ድማ ካብ ደቂ ኣዲኡ በይኑ ተሪፉ፡ ኣቦኡ ኸኣ ይፈትዎ እዩ፡ በልናካ።

Tools 21. ሽዑ ንስኻ ንገላውኻ፡ ዓይነይ ክርእዮ ናባይ ኣውርድዎ፡ በልካና።

Tools 22. ንሕና ድማ ንጐይታይ፡ እቲ ወዲ ኣቦኡ ኽሐድጎ ኣይክእልን፡ ነቦኡ እንተ ሐደጎስ፡ ኣቦኡ ኺመውት እዩ፡ በልናዮ።

Tools 23. ንገላዉኻ ድማ፡ እቲ ንእሽቶ ሓውኩም ምሳኻትኩም እንተ ዘይወረደ፡ ደጊም ገጸይ ኣይትርእዩንን ኢኹም፡ በልካና።

Tools 24. ኰነ ኸኣ፡ ንሕና ናብ ጊልያኻ ኣቦይ ምስ ደየብና፡ ዘረባ ጐይታይ ነገርናዮ።

Tools 25. ኣቦና ድማ፡ ተመሊስኩም ሒደት እኽሊ ሸምቱልና፡ በለ።

Tools 26. ንሕና ኸኣ፡ ክንወርድ ኣይንኽእልን። እዚ ንእሽቶ ሓውና ምሳና እንተ ዘየሎ፡ ገጽ እቲ ሰብኣይ እቲ ኽንርኢ ኣይንኽእልን ኢና እሞ፡ እዚ ንእሽቶ ሓውና ምሳና እንተሎ ግና፡ ንወርድ፡ በልና።

Tools 27. ኣቦይ ጊልያኻ ድማ፡ ሰበይተይ ክልተ ወዲ ኸም ዝወለደትለይ፡ ንስኻትኩም ትፈልጡ ኢኹም።

Tools 28. እቲ ሓደ ኻባይ ወጸ፡ ኣነ ኸኣ፡ ብሓቂ ተበሊዑ እዩ፡ በልኩ። ክሳዕ ሕጂ ድማ ኣይርኤኽዎን።

Tools 29. ነዚ ኸኣ ካብ ቅድመይ እንተወሰድክምዎ እሞ ድንገት እንተ ረኸቦ፡ ንሽበተይ ብጓሂ ናብ ሽኦል ከተውርድዎ ኢኹም፡ በለና።

Tools 30. ሕጂ ኸኣ ኣነ ናብ ኣቦይ ጊልያኻ እንተ መጻእኩ እሞ፡ እዚ ወዲ ምሳና እንተ ዘየሎ፡ ነፍሱ ምስ ነፍሲ ወዱ ስለ እተጣበቐት፡

Tools 31. ኪኸውን ድማ እዩ፡ እዚ ወዲ ኸም ዘየሎ እንተ ረአየ፡ ኪመውት እዩ። ገላውኻ ኸኣ ንሽበት ኣቦና ጊልያኻ ብጓሂ ናብ ሽኦል የውርዱ።

Tools 32. ጊልያኻ ነዚ ወዲ ኣብ ቅድሚ ኣቦይ፡ ናባኻ እንተ ዘየምጻእክዎ፡ ብዅሉ ዘበን ነቦይ ሓጢኣት ከም ዝገበርኩ እኸውን፡ ኢሉ ተዋሒስዎ እዩ።

Tools 33. ሕጂ ድማ፡ ጊልያኻ ኣብ ክንዲ እዚ ወዲ ንጐይታይ ባርያ ዀይኑ ኪቕመጥ፡ እልምነካ አሎኹ። እዚ ወዲ ኸኣ ምስ ኣሕዋቱ ይደይብ።

Tools 34. እዚ ወዲ ምሳይ ካብ ዘይህሉስ፡ ከመይ ኢለ ደኣ ናብ ኣቦይ ክድይብ እየ፧ እቲ ነቦይ ዚረኽቦ ኽፉእሲ ኣየርእየኒ።