Tools 1. እቲ ጥሜት ከኣ ኣብታ ሃገር በርትዔ።

Tools 2. ኰነ ድማ፡ እቲ ኻብ ግብጺ ዘምጽእዎ እኽሊ በሊዖም ምስ ወድኡ፡ ኣቦኦም፡ ተመሊስኩም ሒደት እኽሊ ሸምቱልና፡ በሎም።

Tools 3. ይሁዳ ኸኣ፡ እቲ ሰብኣይ ኣሕሚሙ፡ ሓውኩም ምሳኻትኩም እንተ ዘየሎ፡ ገጸይ ኣይትርእዩን ኢኹም፡ በለና።

Tools 4. ንሓውና ምሳና ትሰዶ እንተ ዄንካ፡ ወሪድና እኽሊ ኽንሽምተልካ ኢና።

Tools 5. ዘይትሰዶ እንተ ዄንካ ግና፡ እቲ ሰብኣይ፡ ሓውኩም ምሳኻትኩም እንተ ዘየሎ፡ ገጸይ ኣይትርእዩን ኢኹም፡ ኢሉና እዩ እሞ፡ ኣይንወርድን ኢና፡ በሎ።

Tools 6. እስራኤል ከኣ፥ ስለምንታይ ነቲ ሰብኣይ ገና ሓደ ሓው አሎና ኢልኩም ብምንጋርኩም ኣኽፋእኩምለይ፧ በለ።

Tools 7. ንሳቶም ድማ፡ እቲ ሰብኣይ ብዛዕባናን ብዛዕባ ወለዶናን፡ ኣቦኹም ገናዶ ብህይወቱ አሎ፧ ካልእ ሓውከ አሎኩምዶ፧ ኢሉ ኣጸቢቑ ሓተተና። ንሕና ኸኣ ከምቲ ዘረባኡ ነገርናዮ። ንሓውኩም ኣውርድዎ ኸምዚብለናዶ ፈሊጥና ኔርና፧ በሉ።

Tools 8. ይሁዳ ድማ ነቦኡ እስራኤል፡ ንሕናን ንስኻን ሕጻናትናን ክንነብር እምበር፡ ከይንመውት፡ ተንሲእና ኽንከይድሲ፡ ነዚ መንእሰይ ምሳይ ስደዶ።

Tools 9. ኣነ እውሐሶ፡ ካብ ኢደይ ድለዮ። ናባኻ ኣምጺኤ ኣብ ቅድሜኻ ደው እንተ ዘየበልክዎ፡ ብዅሉ ዘበን ንኣኻ ሓጢኣት ከም ዝገበርኩ እኹን።

Tools 10. ክሳዕ ሕጂ እንተ ዘይንድንጕስ፡ ኤረ ኻልኣይ እዋን እኳ ተመሊስና ምሀሎና ኔርና፡ በሎ።

Tools 11. ሽዑ ኣቦኦም እስራኤል፥ እዚ እንተ ደኣ ዀይኑስ፡ ከምዚ ግበሩ፡ ካብ ፍረ እዛ ምድሪ ጸጽቡቑ ኣብ ዓያብትኹም ውሰዱ፡ ነቲ ሰብኣይ ዚኸውን ገጽ በረኸት፡ ሒደት ቀመም፡ ሒደት መዓር፡ ሽቱን ከርበን ካዕካዕን ለውዝን ተማልኡሉ።

Tools 12. ገንዘብ ድማ ካዕበት ጌርኩም ኣብ ኢድኩም ውሰዱ፡ እቲ ኣብ ኣፍ ዓያብትኹም እተመልሰ ገንዘብ ከኣ፡ ምናልባሽ ናይ ጌጋ ኸይከውን፡ ብኢድኩም ምለስዎ።

Tools 13. ንሓውኩምውን ውሰድዎ፡ ተንሲእኩም ከኣ ናብቲ ሰብኣይ ተመለሱ።

Tools 14. ነቲ ሓደ ሓውኩምን ንብንያምን ምሳኻትኩም ምእንቲ ኺሰዶም፡ እቲ ዅሉ ዚኽእል ኣምላኽ ኣብ ቅድሚ እቲ ሰብኣይ ምሕረት ይሀብኩም። ኣነ ውሉድ እንተ ሰኣንኩ፡ ውሉድ እስኣን፡ በሎም።

Tools 15. እቶም ሰብ ድማ ነዚ ገጽ በረኸት እዚ ወሰዱ፡ ዕጽፊ ገንዘብ ከኣ ኣብ ኢዶም፡ ንብንያምውን ሒዞም ተንስኡ፡ ናብ ግብጺ ወሪዶም ድማ ኣብ ቅድሚ ዮሴፍ ደው በሉ።

Tools 16. ዮሴፍ ከኣ ንብንያም ምሳታቶም ምስ ረአዮ፡ ንኣዛዝ ቤቱ፥ እዞም ሰባት እዚኣቶም ቀትሪ ምሳይ ኪምስሑ እዮም እሞ፡ ነዞም ሰባት ናብ ቤተይ ኣእትዎም፡ ሕሩድ ሐሪድካውን ኣዳሉ፡ በሎ።

Tools 17. እቲ ሰብኣይ ድማ ከምቲ ዮሴፍ ዝበሎ ገበረ፡ እቲ ሰብኣይ ከኣ ነቶም ሰባት ናብ ቤት ዮሴፍ ኣእተዎም።

Tools 18. እቶም ሰባት ድማ፡ ናብ ቤት ዮሴፍ ስለ ዘእተዎም፡ ፈርሁ፡ ብዛዕባ እቲ በታ ቐዳመይቲ ጊዜ ኣብ ዓያብትና እተመልሰ ገንዘብ እዩ ንኣና ናብዚ ዘእተወና፡ ጐይዩ ሓደጋ ኺወድቀና እሞ፡ ባሮት ክንከውን፡ ንኣናን ነእዱግናን ኪወስድ እዩ፡ ከኣ በሉ።

Tools 19. ናብቲ ሰብኣይ፡ ኣዛዝ ቤት ዮሴፍ፡ ቀሪቦም ድማ፡ ኣብ ደገ ቤት ምስኡ ተዛረቡ፡

Tools 20. በል ጐይታይ፡ ብቐዳማይ እኽሊ ኽንሽምት ወሪድና ነበርና።

Tools 21. ኰነ ኸኣ፡ ኣብ መሕደሪ ምስ በጻሕና፡ ዓያብትና ኸፈትና፡ እንሆ ኸኣ፡ ገንዘብ ነፍሲ ወከፍ ከም ሚዛኑ ኣብ ኣፍ ዐዓይበቱ ነበረ፡ ኣብ ኢድና ኸኣ መሊስናዮ አሎና።

Tools 22. እቲ ገንዘብ ድማ ናብ ዓያብትና መን ከም ዘእተዎ ኣይንፈልጥን፡ ካልእ ገንዘብውን መሸመት እኽሊ ዚኸውን ኣብ ኢድና ኣምጺእና አሎና፡ በሉ።

Tools 23. ንሱ ድማ፡ ኣጆኹም ኣይትፍርሁ። ኣብ ዓያብትኹም መዝገብ ዝሀበኩም ኣምላኽኩምን ኣምላኽ ኣቦኹም እዩ፡ ገንዘብኩምሲ አትዩኒ እዩ፡ በለ። ንስምኦን ከኣ ናባታቶም ኣውጽኦ።

Tools 24. እቲ ሰብኣይ ነቶም ሰባት ናብ ቤት ዮሴፍ ኣእቲዩ ኣእጋሮም ኪሕጸቡ ማይ ሀቦም፡ ነእዱጎም ድማ ድርቋ ሀበን።

Tools 25. ኣብኡ ኸም ዚምስሑ ሰሚዕም ነበሩ እሞ ዮሴፍ ቀትሪ ኽሳዕ ዚመጽእ ነቲ ገጽ በረኸት ኣዳለዉዎ።

Tools 26. ዮሴፍ ናብ ቤት ምስ መጸ፡ እቲ ኣብ ኢዶም ዘሎ ገጽ በረኸት ናብ ቤት ኣምጽኡሉ፡ ኣብ ምድሪ ተደፊኦም ከኣ ሰገዱሉ።

Tools 27. ንሱ ድማ ብዛዕባ ጥዕናኦም ሐተቶም፡ እቲ ብዛዕብኡ እተዛረብኩምኒ ኣረጊት ኣቦኹምከ ደሓንዶ አሎ፧ ገናዶ ብህይወቱ አሎ፧ ከኣ በሎም።

Tools 28. ንሳቶም ድማ፥ ኣቦና ጊልያኻ ደሓን እዩ፡ ብህይወቱ አሎ፡ በሉ፡ ድንን ኢሎም ድማ ሰገዱሉ።

Tools 29. ዓይኑ ቛሕ ኣቢሉ ንብንያም ሓዉ ወዲ ኣዲኡ ርእዩ ድማ፥ እዝስ እቲ ብዛዕባኡ እተዛረብኩምኒ ንእሽቶ ሓውኩም ድዩ፧ በለ። ወደይ፡ እግዚኣብሄር ሞገስ ይሀብካ፡ ከኣ በሎ።

Tools 30. ዮሴፍ ድማ ብዛዕባ ሓዉ ኣምዑቱ ትዅስኵስ ኢልዎ ተሀወኸ፡ ዚበኽየሉ ስፍራ ደልዩ ናብ ሕልፍኝኡ አተወ፡ ኣብኡ ኸኣ በኸየ።

Tools 31. ገጹ ተሐጺቡ ወጸ፡ ልቡ ቐጥ ኣቢሉ ኸኣ፡ እንጌራ ኣቕርቡ፡ በለ።

Tools 32. ሽዑ ንእኡ ንበይኑ፡ ንኣታቶም ድማ ንበይኖም፡ ነቶም ምስኡ ዚበልዑ ግብጻውያን ከኣ ንበይኖም ኣቕረቡሎም። ንግብጻውያን ምስ እብራውያን እንጌራ ምብላዕ ነውሪ እዩ እሞ፡ ስለዚ ግብጻውያን ምስኦም ኪበልዑ ኣይኽእሉን እዮም።

Tools 33. እቲ በዅሪ ኸም ብዅርናኡ፡ እቲ ንእሽቶ ኸኣ ከም ምንኣሱ ኣብ ቅድሚኡ ተቐመጡ። እቶም ሰባት ድማ ንሓድሕዶም ተደነቑ።

Tools 34. ካብቲ ኣብ ቅድሚኡ ዝነበረ መብልዕ ከኣ ግዲኦም ኣቕረበሎም። ንብንያም ድማ ሓለፋ ግደ ዅሎም ሓሙሽተ ኢድ ኣቕረበሉ። ሰትዮም ድማ ምስኡ ተሐጐሱ።