Tools 1. ድማ ካብ ሰማያውን ሕብሪ ደምን ጽሩይ ቀይሕን ኣብ መቕደስ ዜገልግሉሉ ኣልባስ ኣገልግሎት ኣጸቢቖም ገበሩ። ከምቲ እግዚኣብሄር ንሙሴ ዝኣዘዞ ድማ ንኣሮን ቅዱሳት ኣልባስ ገበሩሉ።

Tools 2. ነቲ ኤፎድ ካብ ወርቅን ሰማያውን ሕብሪ ደምን ጽሩይ ቀይሕን እተፋሕሰ ልሕጺ እንጣጢዕን ገበሮ።

Tools 3. ነቲ ወርቂ ቐጥቂጦም ኣርቀቕዎ፡ ምስ ሰማያውን ሕብሪ ደምን ጽሩይ ቀይሕን ልሕጺ እንጣጢዕን ብናይ ፈላጥ ብልሓት ኪእለም፡ ከም ፈትሊ ገይሮም ቀደድዎ።

Tools 4. ንሓድሕዱ እተላገበ መናኩብ ገበሩሉ፡ ንሓድሕዱ ብኽልቲኡ ወሰኑ ተላገበ።

Tools 5. እቲ ኣብ ልዕሊ ኤፎድ ዝነበረ እሞ ዝዕጠቕ ብብልሓት እተገብረ ቕናት ድማ ሓደ ዓይነት ዝስራሑ ምስኡ ብሓደ ነበረ። ከምቲ እግዚኣብሄር ንሙሴ ዝኣዘዞ፡ ካብ ወርቅን ሰማያዊ ሕብሪ ደምን ጽሩይ ቀይሕን እተፋሕሰ ልሕጺ እንጣጢዕን ተገብረ።

Tools 6. ኣዕናቝ እምኒ ብትትዖ ወርቂ እተኸበ፡ ከም ኣቓራርጻ ማሕተም ስም ደቂ እስራኤል እተቐርጾ ገበሩ።

Tools 7. ከምቲ እግዚኣብሄር ንሙሴ ዝኣዘዞ ድማ፡ እቲ ኣእማን ንመዘከርታ ደቂ እስራኤል ኪኸውን፡ ኣብ መንኵብ ኤፎድ ገበሮ።

Tools 8. ነቲ ሳንቃ ኣፍ ልቢ ድማ ብብልሓት ፈላጥ እተገብረ፡ ከምቲ ስራሕ ኤፎድ ገይሩ ኻብ ወርቅን ሰማያዊ ሕብሪ ደምን ጽሩይ ቀይሕን እተፋሕሰ ልሕጺ እንጣጢዕን ገበሮ።

Tools 9. ኣርባዕቲኡ መኣዝኑ ማዕረ ነበረ፡ ነቲ ሳንቃ ኣፍ ልቢ ድርብ ገበርዎ፡ ምንዋሑ ስድሪ፡ ወርዱ ኸኣ ስድሪ፡ ድርብ ነበረ።

Tools 10. ኣርባዕተ መስርዕ ኣዕናቝ ከኣ ኣዛነቑሉ። ኣብ ቀዳማይ መስርዕ፥ ሳርድዮንን ቶጳዝዮንን ስመራግዶስን።

Tools 11. ኣብ ካልኣይ መስርዕ ድማ፥ ሰመንጉንን ሰፊሮስን ኣልማዝን።

Tools 12. ኣብ ሳልሳይ መስርዕ ከኣ፥ ህያክቶስን ኣካትን ኣሜቲስጦስን።

Tools 13. ኣብ ራብዓይ መስርዕ ድማ፥ ክሪሶሊትን ኦኒክስን ያስጲስን። ኣብቲ መዛነቒኡ ብትትዖ ወርቂ ተኸቢቡ ነበረ።

Tools 14. እቲ ኣእማን ድማ ከምቲ ስማት ደቂ እስራኤል፡ ከምቲ ስሞም ዓሰርተው ክልተ ነበረ። ነቶም ዓሰርተው ክልተ ነገድ ነፍሲ ወከፍ በብስሙ ኸም ቅርጺ ማሕተም ተቐርጸ።

Tools 15. ኣብ ሳንቃ ኣፍ ልቢ ድማ ሰንሰላታት ካብ ጽሩይ ወርቂ ኸም ኣገባብራ ገመድ ብምጥዋይ ገበሩ።

Tools 16. ክልተ ትትዖ ወርቅን ክልተ ቐለቤት ወርቅን ገበሩ እሞ ነቲ ኽልተ ቀለቤት ኣብ ክልተ መኣዝን ሳንቃ ኣፍ ልቢ ገበርዎ።

Tools 17. ነቲ ኽልተ ትትዖ ወርቂ ድማ ኣብቲ ኽልተ ቐለቤት ኣብ ወሳስን ሳንቃ ኣፍ ልቢ ገበርዎ።

Tools 18. ኽልተ ኻልእ ኣምፊ ናይቲ ኽልተ ትትዖ ድማ ኣብቲ ኽልተ መዛነቒ ኣጋጢሞም፡ ኣብቲ ኽልተ መንኩብ ኤፎድ ብሸነኽ ቅድሚት ገበርዎ።

Tools 19. ክልተ ቐለቤት ወርቂ ሰሪሖም ድማ ናብቲ ኽልተ ወሰን ሳንቃ ኣፍ ልቢ ኣብ ሸነኽ ኤፎድ ዘሎ ውሽጣዊ ጥርዚ ገበርዎ።

Tools 20. ድማ ክልተ ቐለቤት ወርቂ ገበሩ እሞ ኣብ ክልቲኡ መንኩብ ኤፎድ ብታሕቲ ብሸነኽ ቅድሚት ኣብ ልዕሊ እቲ ብብልሓት እተገብረ ቕናት ኤፎድ ኣብ ጥቓ እቲ ዚጋጠመሉ ገበርዎ።

Tools 21. እቲ ሳንቃ ኣፍ ልቢ ኣብ ልዕሊ እቲ ብብልሓት እተገብረ ቕናት ኤፎድ ኪኸውን፡ ካብቲ ኤፎድ ድማ ከይፈስስ፡ ነቲ ሳንቃ ኣፍ ልቢ ብቐላብቱ ምስ ቀላብቲ ኤፎድ ብሰማያዊ ገመድ ኣሰርዎ። ከምቲ እግዚኣብሄር ንሙሴ ዝኣዘዞ ገበሩ።

Tools 22. ነቲ ናይ ኤፎድ ቀምሽ ላዕሊ ድማ ኵሉ ብሰማያዊ ኻብ እተኣልመ ዓለባ ገበሮ።

Tools 23. እቲ ኣብ ማእከል እቲ ቐምሽ ዘሎ ኣፍ ምእንቲ ኸይቅደድ፡ ከም ኣፍ ድርዒ ገይሩ ነቲ ኣፍ ዙርያኡ ቐምቀሞ።

Tools 24. ነቲ ቐምሽ ከኣ ኣብ ታሕታይ ዘፈሩ ኻብ ሰማያውን ሕብሪ ድምን ጽሩይ ቀይሕን እተፋሕሰ ልሕጺ እንጣጢዕን ሮማናት ገበሩሉ።

Tools 25. ቃጽላት ካብ ጽሩይ ወርቂ ገይሮም ድማ፡ ነቲ ቓጽላት ኣብ መንጎ እቲ ሮማናት፡ ኣብ ዘፈር እቲ ቐምሽ ዙርያኡ ኣብ መንጎ ሮማናት ገበርዎ።

Tools 26. ምእንቲ ኼገልግሉሉ፡ ሓደ ቓጽልን ሓደ ሮማንን፡ ሓደ ቓጽልን ሓደ ሮማንን ኣብ ዘፈር እቲ ቐምሽ ብዙርያኡ ገበሩ። ከምቲ እግዚኣብሄር ንሙሴ ዝኣዘዞ ገበሩ።

Tools 27. ንኣሮንን ንደቁን ድማ ካብ ልሕጺ እንጣጢዕ ብማእለማ እተኣለመ ቐመውሽ ታሕትን፡

Tools 28. መጠምጠምያ ኸኣ ካብ ልሕጺ እንጣጢዕ፡ ጌጸኛ ቀበውዕ ድማ ካብ ልሕጺ እንጣጢዕ፡ ስሬታትውን ካብ እተፋሕሰ ልሕጺ እንጣጢዕ፡

Tools 29. እቲ ኻብ እተፋሕሰ ልሕጺ እንጣጢዕን ሰማያውን ሕብሪ ደምን ጽሩይ ቀይሕን ብምጥላፍ እተዐየ ቕናት ድማ ከምቲ እግዚኣብሄር ንሙሴ ዝኣዘዞ ገበሩ።

Tools 30. ነቲ ቅዱስ ኣኽሊል ድማ ወርቂ ብሊቃ ገበሩሉ፡ ኣብኡ ኸኣ ከም ኣቓራርጻ ማሕተም ገይሮም፡ ንእግዚኣብሄር እተቐደሰ፡ ዚብል ጽሕፈት ጸሐፉሉ።

Tools 31. ከምቲ እግዚኣብሄር ንሙሴ ዝኣዝዞ ኸኣ፡ ኣብ ልዕሊ እቲ መጠምጠምያ ኺእሰር፡ ኣብኡ ሰማያዊ ፍሕሶ ገበሩሉ።

Tools 32. ከምኡ ዅሉ ዕዮ ማሕደር ድንኳን ምርኻብ ተወድኤ። ደቂ እስራኤል ከምቲ እግዚኣብሄር ንሙሴ ዝኣዘዞ ዅሉ ገበሩ፡ ከምኡ ገበሩ።

Tools 33. ድማ ነቲ ማሕደር፡ ነቲ ድንኳንን ኵሉ ኣቓሑኡን ኣቑላፉን ኣልዋሑን ጋድማቱን ኣዕኑዱን ኣእጋሩን ናብ ሙሴ ኣምጽእዎ።

Tools 34. እቲ መደረብታ እተቐርጸ ቘራብቲ ደዓውልን እቲ መደረብታ ቘራብቲ ተሃስን እቲ ዚጋረድ መጋረጃን፡

Tools 35. ታቦት ምስክርን መሰላታቱን መኽደን መተዓረቕን፡

Tools 36. እቲ ሰደቓ ምስ ኵሉ ኣቓሑኡን እንጌራ ምርኣይን፡

Tools 37. እቲ ጽሩይ ቀዋሚ ቐንዴል ምስ ቅልዒ ቐነዲሉ፡ እቲ ዚዳሎ ቕልዒ ቐነዲልን ኵሉ ኣቓሑኡን ዘይቲ ንቐዋሚ ቐንዴልን፡

Tools 38. መስውኢ ወርቅን ዘይቲ ቕብኣትን ምኡዝ ዕጣንን መጋረጃ ኣፍ ደገ ድንኳንን፡

Tools 39. መሰውኢ ኣስራዚ፡ እቲ መጋረዲኡ ኣስራዚ፡ መሰላታቱን ኵሉ ኣቓሑኡን ገበራን ኣጋሮኡን፡

Tools 40. መጋረጃታት ኣጸድ፡ ኣዕኑዱን ኣእጋሩን መጋረጃ ኣፍ ደገ ኣጸድን፡ ኣግማዱን ሸኻውልቱን ኵሉ ኣቓሑ ንኣገልግሎት ማሕደር ንድንኳን ምርኻብ።

Tools 41. እቲ ንኣገልግሎት መቕደስ ዚኸውን ኣልባስ ኣገልግሎት፡ ቅዱሳት ኣልባስ ኣሮን፡ ካህንን ናይ ደቁ ኣልባስ ክህነትን፡

Tools 42. ከምቲ እግዚኣብሄር ንሙሴ ዝኣዘዞ ዅሉ፡ ደቂ እስራኤል ንዅሉ ዕዮ ኸምኡ ገበርዎ።

Tools 43. ሙሴ ድማ ንዅሉ ዕዮ ረኣዮ፡ እንሆ ኸኣ ገይሮምዎ፡ ከምቲ እግዚኣብሄር ዝኣዘዞ፡ ከምኡ ገበሩ። ሙሴ ድማ መረቖም።