Tools 1. በሳልኤል ድማ ካብ ዕጨይቲ ሽጢም ታቦት ገበረ፡ ምንዋሑ ክልተ እመትን ፈረቓን፡ ምግፋሑ ኸኣ እመትን ፈረቓን፡ ምብራኹውን እመትን ፈረቓን ነበረ።

Tools 2. ውሽጡን ግዳሙን ድማ ብጹሩይ ወርቂ ለበጦ። ዙርያኡ ኸኣ ኣኽሊል ወርቂ ገበረሉ።

Tools 3. ኣርባዕተ ቐለበት ወርቂ ኣፍሲሱ ኣብ ኣርባዕቲኡ እግሩ፡ ክልተ ቐለበት ብሓደ ሸነኽ፡ ክልተ ቐለበት ከኣ ብኻልኣይ ሸነኹ ገበሮ።

Tools 4. መሰላታት ከኣ ካብ ዕጨይቲ ሽጢም ገይሩ ብወርቂ ለበጦ።

Tools 5. እቲ ታቦት ብእኡ ምእንቲ ኺጽወር ድማ፡ ነቲ መሰላታት ናብቲ ኣብ ጎቦታት ታቦት ዘሎ ቐላብቲ ኣእተዎ።

Tools 6. መኽደን መተዓረቒ ኸኣ ካብ ጽሩይ ወርቂ፡ ክልተ እመትን ፈረቓን ዝምንዋሑ፡ እመትን ፈረቓን ዝምግፋሑ ገበረ።

Tools 7. ክልተ ኪሩቤል ድማ ካብ ወርቂ ገበረ። ብምቕጥቃጥ ሰሪሑ፡ ንመኽደን መተዓረቒ ኣብ ክልተ ወሰኑ ገበሮም።

Tools 8. ሓደ ኪሩቤል በዚ ወሰንዚ፡ ሓደ ኪሩቤል ከኣ በቲ ወሰንቲ፡ ነቶም ኪሩቤል ምስቲ መኽደን መተዓረቒ ብሓደ ገይሩ፡ ኣብ ክልቲኡ ወሰኑ ገበሮም።

Tools 9. እቶም ኪሩቤል ከኣ ንሓድሕዶም ገጽ መሊሶም፡ ኣኽናፎም ልዕል ኣቢሎም ዘርጊሖም፡ ንመኽደን መተዓረቒ በኽናፎም ከወልዎ። ገጽ እቶም ኪሩቤል ናብ መኽደን መዓረቒ ኣቢሉ ነበረ።

Tools 10. ሰደቓ ድማ ካብ ዕጨይቲ ሽጢም ገበረ፡ ምንዋሑ ኽልተ እመት፡ ምግፋሑውን እመት፡ ምብራኹ ኸኣ እመትን ፈረቓን ነበረ።

Tools 11. ብጽሩይ ወርቂ ለበጦ፡ ነቲ ዙርያኡ ድማ ኣኽሊል ወርቂ ገበረሉ።

Tools 12. ነቲ ዙርያኡ ኸኣ ጋት ዝምግፋሑ ክቡስ ገበረሉ፡ ነቲ ኽቡስ ከኣ ኣብ ዙርያኡ ኣኽሊል ወርቂ ገበረሉ።

Tools 13. ኣርባዕተ ቐለበት ወርቂ ኣፍሰሰሉ፡ ነተን ቀላብቲ ድማ ኣብቲ ኣርባዕተ እግሩ ዘሎ ኣርባዕተ መኣዝኑ ገበረን።

Tools 14. እቲ ቐላብቲ፡ መሰላታት ምእንቲ ኺኣትዎ እሞ እቲ ሰደቓ ብእኡ ኺጽወር፡ ኣብ ጥቓ እቲ ኽቡስ ነበረ።

Tools 15. እቲ ሰደቓ ብእኡ ኺጽወር፡ ነቲ መሰላታት ካብ ዕጨይቲ ሽጢም ገበሮ ብወርቂ ድማ ለበጦ።

Tools 16. እቲ ኣብ ሰደቓ ዚንበር ኣቓሑ፡ ሒላባውቱን ጭሔሎታቱን ጽዋኣቱን እቲ መስዋእቲ መስተ ዚኽዕዉሉ ዅስኵስትታትን፡ ካብ ጽሩይ ወርቂ ገበሮ።

Tools 17. ቀዋሚ ቐንደል ድማ ካብ ጽሩይ ወርቂ ገበረ። ንቐዋሚ ቐንዴል ምስ እግሩን ዘንጉን ብምቕጥቃጥ ገበሮ። ጽዋኣቱን ከበብቱን ዕምባባታቱን ምስኡ ብሓደ ነበረ።

Tools 18. ካብ ጎቦታቱ ሹድሽተ ጨንፈር፡ ካብቲ ቐዋሚ ቐንዴል ብሓደ ጎቦኡ ሰለስተ ጨንፈር፡ ካብቲ ቐዋሚ ቐንዴል ብኻልኣይ ጎቦኡ ድማ ሰለስተ ጨንፈር ወጹ።

Tools 19. ኣብ ሓደ ጨንፈር፡ ዕምባባ ለውዚ ዚመስል ሰለስተ ጽዋእ መምስ ክበብን ዕምባባን፡ ኣብቲ ኻልኣይ ጨንፈር ድማ ዕምባባ ለውዚ ዚመስል ሰልስተ ጽዋእ መምስ ክበቡን ዕምባባን ነበረ። ኣብቲ ኻብ ቀዋሚ ቐንዴል ዝወጸ ሹድሽቲኡ ጨንፈር ከምኡ ነበረ።

Tools 20. ኣብቲ ቐዋሚ ቐንዴል ከኣ ዕምባባ ለውዚ ዚመስል ኣርባዕተ ጽዋእ መምስ ክበቡን ዕምባባታቱን ነበረ።

Tools 21. ኣብ ትሕቲ እቲ ኻብኡ ዝወጸ ኽልተ ጨንፈር ሓደ ኽበብ፡ ኣብ ትሕቲ እቲ ኻብኡ ዝወጸ ኽልተ ጨንፈር ከኣ ሓደ ኽበብ፡ ኣብ ትሕቲ እቲ ኻብኡ ዝወጸ ኽልተ ጨንፈር ድማ ሓደ ኽበብ። እሞ እቲ ኻብኡ ዝወጸ ሹድሽተ ጨንፈር ከምኡ ነበረ።

Tools 22. ከበብቶምን ጨናፍሮምን ምስኡ ሓደ ነበረ። ኵሉ ኻብ ጽሩይ ወርቂ ብምቕጥቃጥ ሓደ ዀይኑ ተሰርሔ።

Tools 23. ሾብዓተ ቕልዒ ቐንዴል ድማ ገበረሉ፡ መሳቐዪኡን መዋህለል ርስሓቱን ካብ ጽሩይ ወርቂ ገበረሉ።

Tools 24. ንእኡን ንዅሉ ኣቓሑኡን ብሓደ ታለንት ጽሩይ ወርቂ ገበሮ።

Tools 25. መሰውኢ ዕጣን ድማ ካብ ዕጨይቲ ሽጢም ገበረ። ምንዋሑ እመት፡ ምግፋሑ ኸኣ እመት፡ በርባዕቲኡ ወገን ማዕረ፡ ምብራኹ ድማ ክልተ እመት፡ ኣቕርንቱ ኸኣ ምስኡ ሓደ ነበረ።

Tools 26. ላዕላዩን ጎቦታት ዙርያኡን ኣቕርንቱን ብጽሩይ ወርቂ ለቦጦ፡ ዙርያኡ ድማ ኣኽሊል ወርቂ ገበረሉ።

Tools 27. ክልተ ቐለቤት ወርቂ ገይሩ ኸኣ ብኽልተ ጎቦኡ ኣብ ትሕቲ እቲ ኣኽሊል ገበሮ። እቲ መሰላታት ምእንቲ ኺኣትዎ ብእኡ ኺጽወር፡ ብኽልተ ሸነኹ ኣጥበቖ።

Tools 28. ነቲ መሰላታት ከኣ ካብ ዕጨይቲ ሽጢም ገይሩ፡ ብወርቂ ለበጦ።

Tools 29. ነቲ ቅዱስ ዘይቲ ቕብኣትን ነቲ ጽሩይ ምኡዝ ዕጣንን ድማ ከም ብልሓት እቶም ገበርቲ ጥዑም ጨና ገበሮ።