Tools 1. ሙሴ ድማ ንዅሉ ኣኼባ ደቂ እስራኤል ኣኪቡ፡ እቲ እግዚኣብሄር ኪግበር ዝኣዘዞ ነገር እዚ እዩ፡ በሎም።

Tools 2. ሽዱሽተ መዓልቲ ዕዮ ይተዐየ፡ እታ ሳብዐይቲ መዓልቲ ግና ናይ እግዚኣብሄር ሰንበት ዕረፍቲ እያ እሞ፡ ቅድስቲ ትኹነልኩም። ብእኣ ዕዮ ዝዐየየ ዅሉ ይሙት።

Tools 3. ኣብ እትነብርዎ ዅሉ ብመዓልቲ ሰንበት ሓዊ ኣይተንድዱ።

Tools 4. ሙሴ ድማ ንብዘሎ ኣኼባ ደቂ እስራኤል ከምዚ ኢሉ ተዛረበ፡ እቲ እግዚኣብሄር ከምዚ ኢሉ ዝኣዘዞ ነገር እዚ እዩ፡

Tools 5. ካባኻትኩም ንእግዚኣብሄር ህያብ ውሰዱ። ነፍሲ ወከፍ ፍታው ልቢ ዘለዎ ንእግዚኣብሄር ህያብ የምጽእ፡ ወርቅን ብሩርን ኣስራዝን፡

Tools 6. ሰማያውን ሕብሪ ደምን ጽሩይ ቀይሕን ልሕጺ እንጣጢዕን ጸጕሪ ጤልን፡

Tools 7. እተቐረጸ ቘራብቲ ደዓውልን ቈራብቲ ተሃስን ዕጨይቲ ሽጢምን፡

Tools 8. ዘይቲ ንቐንዴልን ቀመማት ድማ ንዚቕባእ ዘይትን ንሙእዝ ዕጣንን፡

Tools 9. ኣእማን ዕንቍን ንኤፎድን ንሳንቃ ኣፍ ልብን ዚዛነቕ ኣእማንን።

Tools 10. ኣባኻትኩም ጥበበኛ ልቢ ዘለዎም ኵላቶም ይምጽኡ፡ እግዚኣብሄር ዝኣዘዞ ዅሉ ድማ ይግበሩ።

Tools 11. እቲ ማሕደር፡ እቲ ድንኳኑን መደረብታኡን ኣቝላፉን ኣልዋሑን ጋድማቱን ኣዕኑዱን ኣእጋሩ ድማ፡

Tools 12. ታቦትን እቲ መሰላታቱን መኽደን መተዓረቕን ዚጋረድ መጋረጃን፡

Tools 13. ሰደቓን እቲ መሰላታቱን ዅሉ ኣቓሑኡን እንጌራ ምርኣይን፡

Tools 14. እቲ ዜብርህ ቀዋሚ ቐንዴልን ኣቓሑኡን፡ ቀልዒ ቐንዴልን ንምብራህ ዚኸውን ዘይትን፡

Tools 15. መሰውኢ ዕጣንን እቲ መሰላታቱን፡ ዘይቲ ንመቕብእን፡ ምኡዝ ዕጣንን መጋረጃ ኣፍ ደገ ነቲ ደገ ማሕደርን፡

Tools 16. መሰውኢ ምሕራርን እቲ ናይ ኣስራዚ መጋረዲኡን መሰላታቱን ኵሉ ኣቓሑኡን፡ እቲ ገበራ ምስ ኣጋሮኡ፡

Tools 17. መጋረጃታት ኣጸድን ኣዕኑድን ኣእጋሩን፡ መጋረጃ ኣፍ ኣጸድ ከኣ፡

Tools 18. ሸኻውልቲ ማሕደርን ሸኻውልቲ ኣጸድ እቲ ኣግማዱን፡

Tools 19. ኣብ መቕደስ ዜገልግሉሉ ኣልባስ ኣገልግሎት፡ ቅዱሳት ኣልባስ ንኣሮን ካህንን ብኽህነት ዜገልግሉሉ ኣልባስ ደቁን ከኣ።

Tools 20. ኵሉ እቲ ኣኼባ ደቂ እስራኤል ከኣ ካብ ቅድሚ ሙሴ ወጹ።

Tools 21. ነፍሲ ወገፍ ልቡ ዝደፍኦ መጸ፡ ኵሉ መንፈሱ ፍቓድ ዘልዐለሉ ንመስርሒ ድንኳን ምርኻብን ንዅሉ ኣገልግሎቱን ንቕዱሳት ኣልባስን ንእግዚኣብሄር ህያብ ኣምጽኤ።

Tools 22. ፍታው ልቡ ዘለዎም ዘበሉ ሰብኡትን ኣንስትን መጺኦም፡ ኣቝላፍን ቀላብቲ እዝንን ቀላብቲ ኣጻብዕን ኣምባውርትን ኵሉ ኣቓሑ ወርቅን ሀቡ። ነፍሲ ወከፍ ንእግዚኣብሄር ህያብ ወርቂ ኣቕረበ።

Tools 23. ሰማያውን ሕብሪ ደምን ጽሩይ ቀይሕን ልሕጺ እንጣጢዕን ጸጕሪ ጤልን እተቐረጸ ቘራብቲ ደዓውልን ቈራብቲ ተሃስን እተረኽቦ ዘበለ ሰብ ኣምጽኦ።

Tools 24. ነፍሲ ወከፍ ህያብ ብሩርን ኣስራዝን ዝሀበ፡ ህያቡ ንእግዚኣብሄር ኣምጽኤ። ነፍሲ ወከፍ ዕጨይቲ ሽጢም ዝነበሮ ንዝዀነ ዕዮ ኣገልግሎት ኪኸውን ኣምጽኦ።

Tools 25. ጥበበኛ ልቢ ዘለወን ኵለን ኣንስቲ ድማ በእዳወን ፈቲለን፡ እቲ ዝፈተላኦ ሰማያውን ሕብሪ ደምን ጽሩይ ቀይሕን ልሕጺ እንጣጢዕን ኣምጽኣኦ።

Tools 26. ኵለን ኣንስቲ ልበን ብጥበብ ዘልዐለን ከኣ ጸጕሪ ጤል ፈተላ።

Tools 27. እቶም ሓላቑ ድማ ኣእማን ዕንቍን ኣብ ኤፎድን ኣብ ሳንቃ ኣፍ ልብን ዚዛነቕ ኣእማንን፡

Tools 28. ቀመማትን ዘይቲ ንምብራህ ንዘይቲ ቅብኣትን ንምኡዝ ዕጣንን ዚኸውን ኣምጽኡ።

Tools 29. ደቂ እስራኤል ንፍሲ ወከፍ ሰብኣይን ሰበይትን ነቲ እግዚኣብሄር ኪግበር ብሙሴ ዝኣዘዞ ዅሉ ግብሪ ዚኸውን ኪህብ ልቡ ዘልዐሎ፡ ብፍታው ህያብ ንእግዚኣብሄር ኣምጽኡ።

Tools 30. ሙሴ ድማ ንደቂ እስራኤል በሎም፡ ርኣዩ፡ እግዚኣብሄር ንበሳልኤል ወዲ ኡሪ፡ ወዲ ሁር ካብ ነገድ ይሁዳ፡ ብስሙ ጸውዖ።

Tools 31. ንእኡ ድማ ብመንፈስ ኣምላኽ መልኦ፡ ብጥበብን ብምስትውዓልን ብፍልጠትን ብዅሉ ዕዮን፡

Tools 32. ንምሕሳብ ብልሓት፡ ብወርቅን ብብሩርን፡ በስራዝን ንምዕያይ፡

Tools 33. ዚዛነቕ ኣእማን ንምውቃርን ንምጽራብ ዕጨይትን፡ ኵሉ ዓይነት ዕዮ ብልሓት ንምዕያይ፡

Tools 34. ንእኡን ንኦሆልያብ፡ ወዲ ኣሂሳማክ ካብ ነገድ ዳንን፡ ኪምህሩ ኣብ ልቦም ሀቦም።

Tools 35. ንኣታቶም ኵሉ ዕዮ ብልሓትን ምቕራጽን ንምዕያይ፡ ካብ ሰማያውን ሕብሪ ደምን ጽሩይ ቀይሕን ልሕጺ እንጣጢዕን ከኣ ብብልሓት ንምእላምን ንምጥላፍን ንዕዮ ማእለማን ኵሉ ዓይነት ዕዮ ብልሓት ንምሕሳብን ብጥበባት ልቢ መልኦም።