Tools 1. ሰብ ኤፍሬም ድማ፡ እቲ ምስ ሚድያን ክትዋጋእ ክትከይድ ከሎኻ ዘይጸዋዕካና፡ እዚ ዝገበርካናስ እንታይ ነገር እዩ፧ በልዎ። ብሓይሊ ኸኣ ተኻራኸርዎ።

Tools 2. ንሱ ድማ፡ ክንዲ እቲ ናታትኩም እንታይ ገይረ እየ፧ ካብ ምቚራጽ ወይኒ ኣቢዔዘርስ ቀሪም ዘለላ ኤፍሬምዶ ኣይበልጽን፡

Tools 3. ኣምላኽ ነቶም ሹማምቲ ሚድያን ዖሬብን ዝኤብን ኣብ ኢድኩም ሂቡኩም እዩ። ክንዲ እቲ ናታትኩም እንታይ ክገብር ከአልኩ፧ ሽዑ እዚ ዘረባዚ ምስ ተዛረበ፡ ዅራኦም ሀድኤ።

Tools 4. ጊዴዎን ድማ ናብ ዮርዳኖስ መጸ እሞ፡ ንሱን እቶም ምስኡ ዝነበሩ ስለስተ ሚእቲ ሰብኣይን ተሳገሩ፡ ደኺሞም ከለዉ እኳ ይሰጉ ነበሩ።

Tools 5. ንሰብ ሱኮት ከኣ፡ ኣነ ደድሕሪ ዜባሕን ጻልሙናን፡ ነገስታት ሚድያን፡ እሰጕግ አሎኹ፡ እዞም ዚስዕቡኒ ህዝቢ ድማ ደኺሞም እዮም እሞ፡ በጃኹም እንጌራ ሀብዎም፡ በሎም።

Tools 6. እቶም ሹማምቲ ሱኮት ግና፡ ንሰራዊትካ እንጌራ ኽንህቦምሲ፡ ኢድ ዜባሕን ጻልሙናን ሕጂዶ ኣብ ኢድካ ኣለዋ፧ በሉ።

Tools 7. ጊዴዎን ከኣ፡ ግዲ የልቦን፡ እግዚኣብሄር ንዜባሕን ጻልሙናን ኣብ ኢደይ ምስ ሀበኒ፡ ንስጋኹም ብእሾዅ በረኻን ብዳንዴርን ክዘብጠኩም እየ፡ በለ።

Tools 8. ካብኡ ናብ ፋኑኤል ደይቡ ኸኣ ንኣታቶም ከምኡ ኢሉ ተዛረቦም። እቶም ሰብ ፋኑኤል ድማ ከምቲ ናይ ሰብ ሱኮት ገይሮም መለሱሉ።

Tools 9. ንሰብ ፋኑኤል ከኣ፡ ብሰላም ምስ ተመለስኩ፡ ነዚ ግምቢ እዚ ኸፍርሶ እየ፡ በሎም።

Tools 10. ዜባሕን ጻልሙናን፡ ምሳታቶም ከኣ እቶም ካብ ብዘሎ ሰራዊት ሰብ ምብራቕ ዝተረፈ ሰራዊቶም ኣስታት ዓሰርተው ሓሙሽተ ሽሕ ዚኸውን ሰብ ኣብ ቃርቆር ነበሩ፡ እቶም ወዲቖም ዝነበሩ ድማ ሚእትን ዕስራን ሽሕ ሴፍ ዚመልሑ ሰብ ነበሩ።

Tools 11. ጊዴዎን ድማ ብመገዲ እቶም ኣብ ምብራቕ ኖባን ዮግበሃን ኣብ ድንኳን ዚነብሩ ደዪቡ፡ ነቲ ኣብ ሰፈር ሀዲኡ ዘሎ ሰራዊት ወቕዖ።

Tools 12. ዜባሕን ጻልሙናን ድማ ሀደሙ፡ ንሱ ግና ስዒቡ ሰጐጎም፡ ንኽልቲኦም ነገስታት ሚድያን፡ ንዜባሕን ጻልሙናን ማረኾም፡ ንብዘሎ ሰራዊትውን አሸበሮ።

Tools 13. ጊዴዎን ወዲ ዮኣስ ካብ ውግእ፡ ካብ ዓቐበት ሔረስ ተመልሰ።

Tools 14. ካብ ሰብ ሱኮት ሓደ መንእሰይ ሒዙ ሐተቶ፡ ንሱ ኸኣ ናይ ሱኮት ሹማምትን ዓበይትን ሰብዓን ሾብዓተን ሰብ ጸሐፈሉ።

Tools 15. ናብ ሰብ ሱኮት መጺኡ ድማ፡ ነቶም ድኹማት ሰብካ እንጌራ ኽንህቦምሲ፡ ኢድ ዜባሕን ጻልሙናን ሕጂዶ ኣብ ኢድካ ኣለዋ፧ ኢልኩም ዘባጮኹምለይሲ፡ ዜባሕን ጻልሙናን እነዉ፡ በሎም።

Tools 16. ነቶም ዓበይቲ እታ ኸተማ ሒዙ፡ እሾኹ በረኻን ዳንዴርን ድማ ወሲዱ፡ ንሰብ ሱኮት ብእኡ ቐጽዖም።

Tools 17. ንግምቢ ፋኑኤልውን ኣፍረሶ፡ ንሰብ እታ ኸተማ ኸኣ ቀተሎም።

Tools 18. ንዜባሕን ንጻልሙናን ድማ፡ እቶም ኣብ ታቦር ዝቐተልኩምዎ ሰባት ከመይ ዝበሉ ነበሩ፧ በሎም። ንሳቶም ከኣ፡ ከማኻ ዝበሉ እዮም፡ ነፍሲ ወከፍ ውቃቤኦም ደቂ ንጉስ ይመስሉ፡ ኢሎም መለሱሉ።

Tools 19. ንሱ ኸኣ፡ ኣሕዋተይ፡ ደቂ እኖይ እምበር እዮም፡ ህያው እግዚኣብሄር እዩ፡ ብህይወት እንተ ትሐድግዎምሲ ኣይምቐተልኩኹምን፡ በለ።

Tools 20. ንየተር በዅሪ ወዱ፡ ተንሲእካ ቕተሎም፡ በሎ። እቲ ወዱ ግና፡ ንእሽቶ ነበረ እሞ፡ ፈሪሁ ሴፉ ኣይመሰተን።

Tools 21. ሽዑ ዜባሕን ጻልሙናን፡ ሰብ ከምቲ ዘለዎ ሓይሉ ድማ ከምኡ እዩ እሞ፡ ንስኻ ግዳ ተንሲእካ ውደቐና፡ በሉ። ጊዴዎን ከኣ ተንሲኡ ንዜባሕን ንጻልሙናን ቀተሎም፡ እቲ ኣብ ክሳድ ኣግማሎም ዝነበረ ዳቋታት ከኣ ወሰደ።

Tools 22. ሽዑ ሰብ እስራኤል ንጊዴዎን፡ ካብ ኢድ ሚድያን ኣድሒንካና ኢኻ እሞ፡ ንስኻን ወድኻን ወዲ ወድኻን ግዝኡና፡ በልዎ።

Tools 23. ጊዴዎን ከኣ፡ ኣነስ ኣይገዝኣኩምን፡ ወደይውን ኣይገዝኣኩምን፡ እግዚኣብሄር ደኣ ይግዛእኩም፡ በሎም።

Tools 24. ጊዴዎን ድማ፡ ካባኻትኩም ግዳ ሓደ ልማኖ እልምን አሎኹ፡ ነፍሲ ወከፍ እቲ ዝማረኾ ቐላብቲ ሀቡኒ፡ በሎም። - ንሳቶም እስማኤላውያን ነበሩ እሞ፡ ስለዚ ቐላብቲ ወርቂ ነበሮም -።

Tools 25. ንሳቶም ከኣ፡ ተሐጒስና ንህበካ፡ በሉ። ክዳን ድማ ዘርግሑ፡ ነፍሲ ወከፍ ከኣ እቲ ዝማረኾ ቐላብቲ ናብኡ ደርበየ።

Tools 26. ብጀካ እቲ ኣብ ነገስታት ሚድያን ዝነበረ ድሪን ኵትሻን ግምጃ ኽዳውንትን፡ ብጀካ እቲ ኣብ ክሳውዲ ኣግማሎም ዝነበረ ደቋታት፡ እቲ ዝመለኖ ቐላብቲ ወርቂ ሚዛኑ ሽሕን ሾብዓተ ሚእትን ሲቃል ወርቂ ዀነ።

Tools 27. ጊዴዎን ድማ ንእኡ ኤፉድ ገይሩ፡ ኣብ ከተማኡ ኣብ ዖፍራ ኣንበሮ። ብዘለዉ እስራኤል ከኣ ደድሕሪኡ ኣብኡ ዘመወ። እዚ ኸኣ ንጊዴዎንን ንቤቱን መፈንጠራ ዀነ።

Tools 28. ሚድያን ከኣ ኣብ ቅድሚ ደቂ እስራኤል ተዋረዱ፡ መሊሶም ከኣ ርእሶም ኣየልዐሉን። እታ ሃገር ድማ ብዘበን ጊዴዎን ኣርብዓ ዓመት ዐረፈት።

Tools 29. የሩብ-በዓል ወዲ ዮኣስ ከኣ ከይዱ ኣብ ቤቱ ተቐመጠ።

Tools 30. ጊዴዎን ድማ፡ ብዙሓት ኣንስቲ ነበራኦ እሞ፡ ካብ ሕቜኡ ዝወጹ ሰብዓ ኣወዳት ነበርዎ።

Tools 31. እታ ኣብ ሴኬም ዝነበረት ሰበይቲ ወሰኑ፡ ንሳ ድማ ወዲ ወለደትሉ፡ ስሙ ኸኣ ኣቢሜሌክ ኣውጽኣሉ።

Tools 32. ጊዴዎን ወዲ ዮኣስ ብጽቡቕ እርግና ሞተ፡ ኣብታ ናይ ኣቢዔዝራውያን ዖፍራ ኣብ መቓብር ኣቦኡ ዮኣስ ከኣ ተቐብረ።

Tools 33. ኰነ ድማ፡ ጊዴዎን ምስ ሞተ፡ ደቂ እስራኤል ተመሊሶም ደድሕሪ በዓሊም ዘመዉ፡ ንበዓል-በሪት ኣምላኾም ገበርዎ።

Tools 34. ደቂ እስራኤል ነቲ ኻብ ኢድ እቶም ኣብ ዙርያኦም ዚነብሩ ዅሎም ጸላእቶም ዘድሐኖም እግዚኣብሄር ኣምላኾም ኣይዘከርዎን።

Tools 35. ንቤት የሩብ-በዓል፡ ማለት ጊዴዎን፡ ከምቲ ንሱ ንእስራኤል ዝገበረሎም ኵሉ ጽቡቕ ነገርሲ፡ ገለ ሞያ እኳ ኣይገበሩሉን።