Tools 1. ዳዊት ድማ ናብቲ ኻህን ኣሂሜሌክ ናብ ኖብ መጸ፡ ኣሂሜሌክ ከኣ ራዕራዕ እናበለ ንዳዊት ኪቃባበሎ መጸ፡ ከምዚ ኢሉውን ጠየቖ፡ ስለምንታይ ኢኻ ሰብ ዜብልካ በይንኻ፧ በሎ።

Tools 2. ዳዊት ድማ ንኻህን ኣሂሜሌክ፡ ንጉስ፡ እቲ ኣነ ዝለአኽኩኻ ነገርን እቲ ዝአዝዝኩኻን ሓደ ሰብ እኳ ኣይፍለጦ፡ ኢሉ ኣዚዙኒ እዩ እሞ ነቶም ኣጕባዝ ናብ ከምዝን ከምዝን ዝበለ ቦታ ኣመልከትክዎም።

Tools 3. ሕጂ ኸኣ ኣብ ኢድካ እንታይ አሎ፧ ሓሙሽተ እንጌራ ወይ እተረኽበ ኣብ ኢደይ ሀበኒ፡ በሎ።

Tools 4. እቲ ኻህን ድማ ንዳዊት፡ ማንም ዚበልዖ እንጌራ ኣብ ኢደይ የልቦን፡ እቶም ኣጕባዝ ካብ ኣንስቲ እንተ ተሐልዮም ግና፡ ቅዱስ እንጌራ አሎ፡ ኢሉ መለሰሉ።

Tools 5. ዳዊት ከኣ ነቲ ኻህን፡ ብሓቂ ኣንስትስ ካብ ትማልን ቅድሚ ትማልን ካባና ፍሉያት እየን፡ ኣቓሑ እቶም ኣጕባዝ ድማ በታ ዝወጻእኩላ ጊዜ ቅዱስ ነበረ፡ እታ መገዲ እኳ ዘይቅድስቲ እንተ ዀነት፡ ሎምስ በቲ ኣቓሑ ትቕደስ እያ፡ ኢሉ መለሰሉ።

Tools 6. እቲ ኻህን ከኣ፡ ብዘይ እቲ ኻብ ቅድሚ እግዚኣብሄር እተላዕለ እንጌራ ምርአይ፡ በታ እተላዕለላ መዓልቲ ውዑይ እንጌራ ምእንቲ ኼንብሩ፡ ኣብኡ ኻልእ እንጌራ ስለ ዘይነበረ፡ እቲ ቅዱስ እንጌራ ሀቦ።

Tools 7. በታ መዓልቲ እቲኣ ድማ ካብ ገላዉ ሳኦል ዶኤግ ዝስሙ ኤዶማዊ፡ ኣብ ቅድሚ እግዚኣብሄር ዚሕሎ ኣብኡ ነበረ፡ ንሱ ሓለቓ ጓሶት ሳኦል ነበረ።

Tools 8. ዳዊት ድማ ንኣሂሜሌክ፡ እቲ ናይ ንጉስ ነገር ስለ ዝሀወኸ፡ ሴፈይን ኣጽዋረይን ኣይተማላእኩን እሞ፡ ገለ ዅናት ወይ ሴፍ ኣብዚ ኣብ ኢድካዶ የልቦን፧ በሎ።

Tools 9. እቲ ኻህን ድማ፡ ሴፍ እቲ ንስኻ ኣብ ለሰ ድዋ ዝቐተልካዮ ጐልያድ፡ እቲ ፍልስጥኤማዊ፡ እንሆ፡ ንሱ ብዓለባ ተሸፊኑ ኣብ ድሕሪ ኤፎድ፡ ኣብኡ አሎ፡ ኣብዚ ብጀካኡ ኻልእ የልቦን እሞ፡ ክትወስዶ እንተ ደሌኻስ፡ ውሰዶ፡ በለ። ዳዊት ከኣ፡ ከምኡ ዝበለ የልቦን፡ ሀበኒ፡ በለ።

Tools 10. ዳዊት ድማ ተንሲኡ በታ መዓልቲ እቲኣ ኻብ ቅድሚ ሳኦል ሀዲሙ፡ ናብ ኣኪሽ ንጉስ ጋት መጸ።

Tools 11. ንኣኪሽ ከኣ እቶም ገላዉኡ፡ እዝስ ዳዊት፡ ንጉስ እታ ሃገር ደይኰነን፧ እቲ፡ ሳኦል ሽሑ፡ ዳዊት ከኣ እልፉ ቐተለ፡ ኢለን እናሳዕሰዓ ዝደረፋሉ፡ እዚ ደይኰነን፧ በልዎ።

Tools 12. ዳዊት ድማ ነዚ ዘረባ እዚ ኣብ ልቡ ኣንበሮ፡ ንኣኪሽ ንጉስ ጋት ከኣ ኣዝዩ ፈርሆ።

Tools 13. ኣብ ቅድሚኦም ከኣ ህልዋቱ ለወጠ፡ ኣብ ኢዶም ድማ ከም ዕቡድ ኰነ፡ ንመዓጹ እቲ ደገውን ሐንፈጦ፡ ልዛዩ ኸኣ ብጭሕሙ ጀበብ ይብል ነበረ።

Tools 14. ሽዑ ኣኪሽ ንገላዉኡ፡ እንሆ፡ እዚ ሰብኣይ እዚ ዕቡድ ምዃኑ ትርእይዎ አሎኹም፡ ስለምንታይ ናባይ ኣምጻእኩምዎ፧

Tools 15. ኣብ ቅድመይ ኪዐብድ ዘምጻእኩምለይሲ፡ ዕቡዳትዶ ስኢነ እየ፧ እዚዶ ናብ ቤተይ ይአቱ፧ በሎም።