Tools 1. ኰነ ኸኣ፡ ያቢን ንጉስ ሓጾር እዚ ምስ ሰምዔ፡ ናብ ዮባብ ንጉስ ማዶንን ናብ ንጉስ ሺምሮንን ናብ ንጉስ ኣክሻፍውን፡

Tools 2. ናብቶም ብሰሜን ኣብ ኣኽራንን ኣብ ጐልጐልን ብደቡብ ኪነሮት ድማ ኣብ ቈላን ኣብ ምዕራብን በረኽቲ ዶር ናብ ዝነበሩ ነገስታት፡

Tools 3. ብምብራቕን ብምዕራብን ናብ ዝነበሩ ከነኣናውያን፡ ናብ ኣሞራውያንን ሔታውያንን ፈረዛውያንን፡ ኣብ ኣኽራን ናብ ዝነበሩ ይቡሳውያንን ኣብ እግሪ ሄርሞን ኣብ ምድሪ ሚጽጳ ናብ ዝነበሩ ሃዋውያንን ለኣኸ።

Tools 4. ንሳቶምን ኵሎም ሰራዊቶምን ምሳታቶም፡ ከምቲ ኣብ ገምገም ባህሪ ዘሎ ሑጻ ዝምብዛሁ ብዙሕ ህዝቢ፡ ምስ ኣዝዩ ብዙሕ ፈረስን ሰረላን ወጹ።

Tools 5. እዞም ነገስታት እዚኣቶም ኵሎም ከኣ ተኣከቡ፡ ምስ እስራኤል ኪዋግኡ መጺኦም ድማ፡ ኣብ ማይ ሜሮም ብሓደ ሰፈሩ።

Tools 6. እግዚኣብሄር ድማ ንእያሱ፡ ጽባሕ ከምዛ ጊዜ እዚኣ፡ ኣነ ንዅሎም ቅቱላት ገይረ ኣብ ቅድሚ እስራኤል ኣሕሊፈ ኽህቦም እየ እሞ፡ ብእኦም ኣይትፍራህ፡ ኣፍራሶም ክትቅንጅብ፡ ሰረገላታቶምውን ብሓዊ ኸተንድድ ኢኻ፡ በሎ።

Tools 7. እያሱ፡ ብዘሎ እቲ ተዋጋኢ ህዝቢ ኸኣ ምስኡ፡ ኣብ ማይ ሜሮም መጺኡ፡ ብድንገት ሓደጋ ወደቖም።

Tools 8. እግዚኣብሄር ድማ ኣብ ኢድ እስራኤል ሀቦም፡ እሞ ወቕዕዎም፡ ክሳዕ እታ ዓባይ ሲዶን፡ ክሳዕ ሚስረፎት-ማይም ድማ፡ ብሸነኽ ምብራቕውን ክሳዕ ለሰ ሚጺጳ ሰጐጕዎም። ሓደ እኳ ከየትረፉሎም ቀተልዎም።

Tools 9. እያሱ ድማ ከምቲ እግዚኣብሄር ዝበሎ ገበሮም፡ ኣፍራሶም ቀንጀበ፡ ሰረገላታቶምዉ ብሓዊ ኣንደደ።

Tools 10. ሓጾር ድማ ነዘን ኵለን መንግስትታት እዚ ኣተን ቀደም ርእሲ ኸተማኤን ነበረት እሞ፡ እያሱ በታ ጊዜ እቲኣ፡ ተመሊሱ ንሓጾር ሓዛ፡ ንንጉሳ ኸኣ ሰየፎ።

Tools 11. ኣብኣ ንዘለዉ ዅሎም ነፍሳት ብስሕለት ሴፍ ወቒዖም ፈጺሞም ኣጥፍእዎም፡ ትንፋስ ዘላቶ ሓደ እኳ ኣይተረፈን። ንሓጾርውን ብሓዊ ኣንደዳ።

Tools 12. እያሱ ድማ ንዅለን ከተማታት እዞም ነገስታት እዚኣቶምን ንዅሎም ነገስታትንን ሐዘ። ከምቲ ሙሴ ባርያ እግዚኣብሄር ዝአዘዞ ኸኣ፡ ብስሕለት ሴፍ ወቒዑ ፈጺሙ ኣጥፍኦም።

Tools 13. ብጀካ እታ እያሱ ዘንደዳ ሓጾር ጥራይ፡ እስራኤል ነተን ኣብ ኵርባታት ዘለዋ ኸተማታት ኣየንደደን።

Tools 14. ኵሉ ምርኮ እተን ከተማታት እዚኤንን ማልን ደቂ እስራኤልን ንርእሶም ማረኽዎ። ንዅሉ ሰብ ግና ክሳዕ ዜጥፍእዎም ብስሕለት ሴፍ ቀተልዎም። ትንፋስ ዘላቶ ሓደ እኳ ኣየትረፉን።

Tools 15. ከምቲ እግዚኣብሄር ንሙሴ ባርያኡ ዝአዘዞ፡ ከምኡ ሙሴ ንእያሱ ኣዘዞ፡ እያሱውን ከምኡ ገበረ። ንሱ ኻብቲ እግዚኣብሄር ንሙሴ ዝአዘዞ ዅሉ ሓደ ነገር እኳ ኣይሐደገን።

Tools 16. እያሱ ኸኣ ንብዘላ እታ ሃገር፡ ምድሪ ኣኽራንን ኵሉ ደቡብን ብዘላ ምድሪ ጐሼንን ቈላን ጐልጐልን ኣኽራን እስራኤልን ቈላኡን ሐዘ።

Tools 17. ካብቲ ናብ ሰዒር ዜደይብ መላጥ ከረን ሒዙ፡ ክሳዕ እቲ ኣብ ጐልጐል ሊባኖስ ኣብ እግሪ ሄርሞን ዘሎ በዓል-ጋድ፡ ንዅሎም ነገስታቶም ሐዘ፡ ወቒዑ ድማ ቀተሎም።

Tools 18. እያሱ ምስ እዞም ኵሎም ነገስታት እዚኣቶም ነዊሕ ዘበን ተዋግኤ።

Tools 19. ብጀካ እቶም ኣብ ጊብዖን ዚነብሩ ሃዋውያንሲ፡ ምስ እስራኤል እተዐርቀት ከተማ ኣይነበረትን፡ ንዅለን ተዋጊኦም ሐዝወን።

Tools 20. ምእንቲ ፈጺሙ ኼጥፍኦም እሞ ምሕረት ከይረኽቡ፡ ከምቲ እግዚኣብሄር ንሙሴ ዝአዘዞ፡ ምእንቲ ኼጥፍኦም፡ ምስ ደቂ እስራኤል ኪዋግኡ ምትራር ልቦም ካብ እግዚኣብሄር ኰነ።

Tools 21. በታ ጊዜ እቲኣ እያሱ መጺኡ ነቶም ዓናቃውያን ካብ ኣኽራን፡ ካብ ኬብሮን፡ ካብ ደቢር፡ ካብ ዓናብ፡ ድማ ካብ ብዘሎ ኣኽራን ይሁዳን ካብ ብዘሎ ኣኽራን እስራኤልን ኣጥፍኦም። እያሱ ፈጺሙ ምስ ከተማታቶም ኣጥፍኦም።

Tools 22. ኣብ ሃገር ደቂ እስራኤል ገለ ዓናቃውያንን ኣይተረፉን። ኣብ ጋዛን ኣብ ጋትን ኣብ ኣሽዶድን ጥራይ ተረፉ።

Tools 23. ከምኡ ድማ እያሱ፡ ከምቲ እግዚኣብሄር ንሙሴ እተዛረቦ ዅሉ፡ ንብሃገራ ሓዛ፡ እያሱ ድማ ንእስራኤል ከከም ክፍሎምን ከከም ነገዶምን ርስቲ ሀቦም። እታ ሃገር ድማ ካብ ውግእ ዐረፈት።