Tools 1. ከምዚ ዚብል ቃል እግዚኣብሄር ከኣ መጸኒ፣

Tools 2. ኣታ ወዲ ሰብ፣ ንጢሮስ መልቀስ ኣልቅሰላ፣

Tools 3. ንጢሮስ በላ፡ ኣቲ ኣብ መእተዊ ባሕሪ እትነብሪ፡ ምስቶም ኣብ ብዙሕ ደሴታት ዘለዉ ህዝብታት ከኣ እትነግዲ፡ ከምዚ ይብል እግዚኣብሄር ኣምላኽ፡ ኣቲ ጢሮስ፡ ባዕልኺ፡ ብመልክዕ ፍጽምቲ ኣነ እየ በልኪ።

Tools 4. ወሰንኪ ኣብ ልቢ ባሕሪ እዩ፣ እቶም ሃነጽትኺ ነቲ መልክዕኪ ፈጸምዎ።

Tools 5. ንጐቦታትኪ ብጽሕዲ ሰኒር ሰርሕዎል ደቐል መራኽብ ኪገብሩልኪ ካብ ሊባኖስ ኣእዋም ወሰዱ።

Tools 6. መቕዘፊታትኪ ኻብ ኣውሒ ባሳን ገበሩ፡ ኰፍ መበሊታትኪ ብስኒ ሓርማዝ ሰሊሞም፡ በቲ ኻብ ደሴታት ኪቲም ዝመጻ ኣእዋም ገበሩ።

Tools 7. እቲ ንሰንደቕ ዕላማ ዚዀነኪ ጋንጽላኺ ብልሕጺ እንጣጢዕ እተገብረ ቀጢን እተጠልፈ ዓለባ ኻብ ግብጺ ነበረ። ካብ ደሴታት ኤሊሻ ሰማያዊ ሃርን ጁዅን መጋረጃኺ ነበረ።

Tools 8. ኣቲ ጢሮስ፣ እቶም ዚቐዝፋልክስ ሰብ ሲዶናን ሰብ ኣርዋድን ነበሩ፣ እቶም ኣባኺ ዘለዉ ጠቢባንኪ መራሕቲ መራኽብኪ ዀኑ።

Tools 9. እቶም ሽማግሌታት ጌባልን እቶም ጠቢባናን ነቲ እተሰብረ ኬታጥኡስ ኣብ ማእከልኪ ነበሩ። ኵላተን መራኽብ ባህርን ባሕረኛታትን፣ ንግዶም ኪለዋወጡኺ፣ ኣባኺ ነበሩ።

Tools 10. ፋርስን ሉድን ፉጥን ኣብ ሰራዊትኪ ዓቀይትኺ ነበሩ። ዋላቱን ቍራዕ ርእስን ሰቐሉልኪ፣ ንሳቶም ጌጽ ሀቡኺ።

Tools 11. ደቂ ኣርዋድን ሰራዊትክን ኣብ ከባቢ ቐጽርኺ፡ ሰብ ገማድያ ኸኣ ኣብ ግምብታትኪ ነበሩ፡ ዋላቱኦም ኣብ ወሰነወሰን መናድቕኪ ሰቐሉ፡ ንመልክዕኪ ፈጸምዎ።

Tools 12. ተርሲስ ስለ ብዙሕ ዓይነት ሃብቲ ምሳኺ ትነግድ ነበረት፡ ብብሩርን ሃጺንን ቈርቈሮን ዓረርን ገይራ ዋጋኡ ፈደየትኪ።

Tools 13. ያዋንን ቱባልን ሜሴክን ነጋዶኺ ነበሩ፣ ናብ ዕዳጋኺ ባሮትን ኣቓሑ ነሃስን ኣምጽኡ።

Tools 14. ካብ ቤት ቶጋርማ በፍራስን በፍራስ ውግእን በባቕልን ገይሮም ለውጢ ነግድኺ ሀቡኺ።

Tools 15. ደቂ ዴዳን ኣባኺ ነገዱ፣ ብዙሓት ደሴታት ብኢድኪ ነግዶም ኣመሓላለፉ፣ ስኒ ሓርማዝን ዝበን ከኣ ገጽ በረኸት ኣምጽኡልኪ።

Tools 16. ስለ ብዝሒ ግብሪ ብልሓትኪ ሶርያ ምሳኺ ነገደት፣ ብክቡር ዕንቍን ብጁዅን ብተጠልፈ ዓለባን ብልሕጺ እንጣጢዕ እተገብረ ዓለባን ብዘዓጐልን ብሮኖስን ገይሮም፣ ለውጢ ነግድኺ ሀቡኺ።

Tools 17. ይሁዳን ሃገር እስራኤልን ምሳኺ ነገዱ፣ ንዕዳጋኺ በቲ ኻብ ምኒት ዝመጸ ስርናይን ብሕብስትን መዓርን ዘይትን ቅዲትን መልእዋ።

Tools 18. ደማስቆ ብብዝሒ እትዋትክን ስለ እቲ ብዙሕ በብዓይነቱ ዝዀነ ሃብትን ብነቢት ካብ ሄልቦንን ብጸምርን መናግድኺ ነበረት።

Tools 19. ዌዳንን ያዋንን ሙዛልን ንዕዳጋኺ ብስሩሕ ሓጺንን ሽቱን ቀረፋን ኣዐመሩ።

Tools 20. ዴዳን ብኽቡር መረሻታት ምሳኺ ነግዳ ገበረት።

Tools 21. ዓረብን ኵላቶም መሳፍንቲ ቄዳርን ብኢድኪ ነገዱ። ምሳኺ ኺነግዱስ ገነሽልን ደዓውልን ኣጣልን ኣምጽኡ።

Tools 22. እቶም ነጋዶ ሰባን ራዕማን መናግድኺ ነበሩ። ብብሉጽ ቀመምን ብኽቡር ኣእማን ዘበለን ብወርቅን ተላዋወጡኺ።

Tools 23. ካራንን ካኔን ኤድንን፣ ነጋዶ ሳባን ኣሶርን ኪልማትን ነጋዶኺ ነበሩ።

Tools 24. ብብሉጽ ኣልባሳትን ብሰማያዊ ሃርን ብወርቀዘቦ እተጠልፈ ባርኖስን፣ ብኦም ሊባኖስ እተገብረን በግማድ እተኣሰረን፣ ክቡር ኦኣለባ ዝመልኤ ሳጻውን ገይሮም ምሳኺ ይነግዱ ነበሩ።

Tools 25. መራክብ ተርሲስ ከኣ ቃፍላይ ነግድኺ ነበሩ። መላእኪ እሞ ኣብ ልቢ ባሕሪ ኣዚኺ ኸበርኪ።

Tools 26. እቶም ዚቐዝፉልኪ ናብ ብዙሕ ማያት ወሰዱኺ፣ ንፋስ ምብራቕ ከኣ ኣብ ልቢ ባሕሪ ሰበረኪ።

Tools 27. ሃብትኽን መነጋገድያኽን መለዋወጢኽን ባህረኛታትክን፣ መራሕቲ መራኽብክን፣ መጣታእቲ ስቡርክን ነጋዶኽን ኣባኺ ዘልዉ ዅሎም ጭግራ ውግእክን፣ እቶም ኣባኺ ዘለዉ ዅሎም ሰብኡትን በታ መዓልቲ ውድቀትኪ ኣብ ልቢ ባሕሪ ኺወድቁ እዮም።

Tools 28. ካብ ኣውያት እቶም መራሕቲ መራክብኪ እተላዕለ እቶም ኣብ ከባቢኺ ዘለዉ ራዕራዕ ኪብሉ እዮም።

Tools 29. ኵላቶም ብመቕዘፍ ዚቐዝፉን ባሕርኛታትን ኵላቶም መራሕቲ መራክብን ካብ መራክቦም ኪወርዱ ኣብ ምድሪ ኸኣ ኪቐሙ እዮም።

Tools 30. ብዛዕባኺ ድምጾም ኬስምዑ፣ ኣምሪሮም ድማ ኪበኽዩልኪ እዮም። ኣብ ርእሶም ሓመድ ኪንስንሱ፣ ኣብ ሓመዅስቲውን ጠንቀላዕላዕ ኪብሉ እዮም።

Tools 31. ርእሶም ኪላጽዩልኪ፣ ከሊ ኺኦጠቑልኪ፣ ብምረት ነፍሶም መሪር ብኽያት ኪበኽዩልኪ እዮም።

Tools 32. እናሕዘንዘኑ ብቝዝማ፣ ከምታ ኣብ ማእከል ባሕሪ ትም ዘበለዋ፣ ከም ጢሮስ መን ነበረት፡ ኢሎም ዚቝዝሙልኪ እዮም።

Tools 33. ኣቓሑ ነግድኺ ኻብ ባሕሪ ምስ ወጸ፣ ንብዙሓት ህዝብታት ኣጽገብክዮም። በቲ ብዙሕ ሃብትኽን ነግድኽን ንነገስታት ምድሪ ኣሀብተምክዮም።

Tools 34. በታ ኣብ ባሕሪ፣ ኣብቲ ኦኣሚቝ ማያት እተሰበርክላ ግዜ፣ ነግድኽን ኵሉ ህዝብኽን ኣብ ማእከልኪ ወደቐ።

Tools 35. እቶም ኣብ ደሴታት ዚነብሩ ዅሎም ብኣኺ ኺስክሑ፣ ነገስታቶም ከኣ ኪርዕዱ እዮም፣ ገጾምውን ኪኽፋእ እዩ።

Tools 36. እቶ ነጋዶ ህዝብታት ኪፋጽዩልኪ እዮም። መሰክሒ ዀንኪ፣ ንዘለኣለም ኣይክትህልውን ኢኺ።