Tools 1. ኰነ ኸኣ፣ ኣብታ ሳብዐይቲ ዓመት ኣብ ዓስረይቲ መዓልቲ ኣብቲ ሓምሳይ ወርሒ ሓያሎ ሰባት ካብ ዓበይቲ እስራኤል ንእግዚኣብሄር ኪጥይቑ መጺኦም ኣብ ቅድመይ ተቐመጡ።

Tools 2. ከምዚ ዚብል ቃል እግዚኣብሄር ከኣ መጸኒ፣

Tools 3. ኣታ ወዲ ሰብ፣ ነቶም ዓበይቲ እስራኤል፣ ክትሐቱኒዶ መጺእኩም፡ ይብል እግዚኣብሄር ኣምላኽ፣ ኣነ ህያው እየ፣ ብኣኻትኩም ኣይሕተትን እየ፣ ይብል እግዚኣብሄር ኣምላኽ፣ ኢልካ ንገሮም።

Tools 4. ክትፈርደሎም ዲኻ፡ ኣታ ወዲ ሰብ፣ ክትፈርደሎም ዲኻ፣ ጽያፍ ኣቦታቶም ኣፍልጦም።

Tools 5. በሎምውን፣ እግዚኣብሄር ኣምላኽ ከምዚ ይብል አሎ፣ በታ ንእስራኤል ዝሐሬኹላ መዓልቲ፣ ሽዑ ንዘርኢ ቤት ያእቆብ ኢደይ ኣልዐልኩ፣ ኣብ ሃገር ግብጺ ድማ ተገለጽኩሎም። ኣነ እግዚኣብሄር ኣምላኽኩም እየ፣ ኢለውን ኢደይ ኣልዐልኩሎም።

Tools 6. በታ መዓልቲ እቲኣ ኻብ ሃገር ግብጺ ኸውጽኦም፣ ናብታ ኣነ ዝሐሬኹሎም ጸባን መዓርን ዚውሕዛ፣ ካብ ኵለን ሃገራት እትበልጽ ሃገር ክእትዎም፣ ኢለ ኢደይ ኣልዐልኩሎም።

Tools 7. ኣነ ኸኣ፣ ነፍሲ ወከፍኩም ጽያፍ ዓይኑ ይደርቢ፣ ብጣኦታት ግብጺ ድማ ኣይትርከሱ፣ ኣነ እግዚኣብሄር ኣምላኽኩም እየ፣ በልክዎም።

Tools 8. ንሳቶም ግና ተጻረሩኒ፣ ምስማዔይ ከኣ ኣበዩ፣ ነፍሲ ወከፎም ጽያፍ ዓይኑ ኣይደርበየን፣ ጣኦታት ግብጺውን ኣይሐደገን። ሽዑ ኣብ ማእከል ሃገር ግብጺ ሃና ዅራይ ክወጸሎምሲ፣ ነደረይ ኣብ ልዕሊኦም ክኽዑ እየ፣ በልኩ።

Tools 9. ግናኸ እዚ ዝገበርዎስ ምእንቲ ስመይ ኣብ ቅድሚ እቶም ኣብ ማእከሎም ዝነብሩ እሞ ኣነ ንኣታቶም ካብ ሃገር ግብጺ ብምውጽኤይ ኣብ ቅድሚኦም እተፈለጥኩሎም ህዝብታት፣ ከይትሐስር ኢለ እየ ዝገበርክዎ።

Tools 10. ካብ ሃገር ግብጺ ኸኣ ኣውጻእክዎም፣ ናብ በረካውን ኣምጻእክዎም።

Tools 11. ሕጋጋተይ ሀብክዎም፣ ነቲ ሰብ እንተ ገበሮ ብህይወት ዚነብረሉ፣ ፍርደይ ከኣ ኣፍለጥክዎም።

Tools 12. ኣብ ርእሲ እዚ ኸኣ እቲ ዚቕድሶም ኣነ እግዚኣብሄር ምዃነይ ኪፈልጡስ፣ ኣብ መንጎይን ኣብ መንጎኦምን ትእምርቲ ምእንቲ ኪዀና ኢለ፣ ሰናብተይ ሀብክዎ።

Tools 13. ግናኸ ቤት እስራኤል ኣብ በርካ ኸድዑኒ፣ ከም ትእዛዛተይ ኣይተመላለሱን። ነቲ፣ ሰብ እንተ ገበሮ ብህይወት ዚነብረሉ፣ ፍርደይ ከኣ ኣበይዎ፣ ንሰናብተይውን ኣዝዮም ኣርከስዎ። ሽዑ ኣብቲ በረኻ ኸጥፍኦምሲ፣ ነድረይ ደኣ ክኽዕወሎም በልኩ።

Tools 14. ግናኸ ምእንቲ ስመይ ኣብ ቅድሚ ዓይኒ እቶም ኣብ ቅድሚኦም ዘውጻእክዎም ህዝብታት ከይትሐስር ኢለ እየ ኣገበርክዎ።

Tools 15-16. ልቦም ንጣኦታቶም ስለ ዝሰዐበ፣ ፍርደይ ኣብዮም ከም ሕጋጋተይ ከኣ ኣይተመላለሰኡን፣ ሰናብተይ ድማ ኣርኪሶም እዮም እሞ፣ ናብታ ዝሀብክዎም፡ ጸባን መዓርን እተውሕዝ ካብ ኵላተን ሃገራት ከኣ እትበልጽ ሃገር ኣይከኣትዎምን እየ ኢለ ኣብ በረኻ እኳ ኢደይ ኣልዐልኩሎም።

Tools 17. ግናኸ ዓይነይ ነሐፈቶም እሞ ኣየጥፋእክዎምን፣ ኣብቲ በረኻ ጠሪሰ ኣይወዳእክዎምን።

Tools 18. ኣብ በረካ ኸኣ ንደቆም፣ ከምቲ ሕጋጋት ኣቦታትኩም ኣይትመላለሱ፣ ፍርዶም ድማ ኣይትሐልዉ፣ ብጣኦታቶምውን ኣይትርከሱ፣ በልክዎም።

Tools 19. ኣነ እግዚኣብሄር ኣምላኽኩም እየ፣ ከም ሕጋጋተይ ተመላለሱ፣ ፍርደይ ከኣ ሐልዉ ግበርዎውን።

Tools 20. ንሰናብተይ ቀድሱ፣ ኣነ እግዚኣብሄር ኣምላኽኩም ምዃነይ ክትፈልጡስ፣ ኣብ መንጎይን ኣብ መንጎኹምን ትእምርቲ ኪዀና እየን።

Tools 21. ግናኸ እቶም ደቂ ኸድዑኒ፣ ከም ሕጋጋተይ ኣይተመላለሱን፣ ነቲ ሰብ እንተ ገበሮ ብህይወት ዚነብረሉ፣ ፍርደይ ኪገብርዎ ኢሎም ኣይሐለውዎን፣ ንሰናብተይውን ኣርከሱ። ሽዑ ኣብቲ በረኻ ሃና ቝጥዓይ ከውጸሎም ነድረይውን ክኽዕወሎም እየ፣ በልኩ።

Tools 22. ኣነ ግና ኢደይ መለስኩ፣ ምእንቲ ስመይ፣ ኣብ ቅድሚ ዓይኒ እቶም ኣብ ቅድሚኦም ዘውጻእክዎም ህዝብታት፣ ከይትሐስር ኢለ እየ ዝገበርክዎ።

Tools 23-24. ሕጋጋተይ ኣበዩ፣ ንሰናብተይ ኣርከሱ፣ ኣዒንቶም ንጣኦታት ኣቦታቶም ሰዐባ እምበር፣ ፍርደይ ኣይገበሩን እዮም እሞ፣ ኣነ ኣብ ህዝብታት ፋሕ ከብሎም፣ ናብ ሃገራት ክዘርዎም እየ ኢለ፣ ኣብቲ በረኻ እኳ ኢደይ ኣልዐልኩሎም።

Tools 25. ምስናይ እዚ ኣነውን ጽቡቕ ዘይኰነ ትእዛዛት፣ ብህይወት ኪነብሩሉ ዘይከኣሎም ፍርድታት ሀብክዎም።

Tools 26. ኣነ እግዚኣብሄር ምዃነይ ምእንቲ ኺፈልጡስ፣ ከባድሞም ኢለ፣ በቲ ማሕጸን ኣዲኡ ዝኸፈተ ዅሉ ብሓዊ ዘሕለፍዎ መባኦም ገይረ ኣርከስክዎም።

Tools 27. ስለዚ ኣታ ወዲ ሰብ፣ ንቤት እስራኤል፣ እግዚኣብሄር ኣምላኽ ከምዚ ይብል አሎ፣ ኢልካ ንገሮም፣ በዚ ድማ ኣቦታትኩም ንኣይ ብምጥላሞም ጸረፉኒ።

Tools 28. ናብታ ኽህቦም እየ ኢለ ኢደይ ዘሎለኩላ ሃገር ምስ ኣእቶኽዎም፣ ኣብኡ ንዅሉ በሪኽ ኵርባን ንዅሉ ልሙዕ ኦምን ጠመቱ፣ መስዋእቶም ድማ ኣብኡ ሰውኡ፣ ኣብኡ ኸኣ ዜዀሪ መባእ ኣቕረቡ፣ ኣብኡ ድማ ጥዑም መኣዛኦም ዐጠኑ፣ ኣብኡውን መስዋእቲ መስቲኦም ከዐዉ።

Tools 29. ኣነ ኸኣ፣ እዚ ናብኡ እትኸድዎ ዘሎኹም በሪኽ እንታይ እዩ፡ በልክዎም። በዚ ኸምዚ ስሙ ኽሳዕ ሎሚ ባማ ይሰምይዎ አለዉ።

Tools 30. ስለዚ ንቤት እስራኤል፣ እግዚኣብሄር ኣምላኽ ከምዚ ይብል አሎ፣ ኢልካ ንገሮም፣ ንስኻትኩም ከም መገዲ ኣቦታትኩም እናኸድኩም ረኽስኩም፣ ነቲ ፍንፉን ነገሮም እናሰኦአብኩም ዘሞኹም።

Tools 31. መባእኩም ከተቕርቡ ውሉድኩም ድማ ብሓዊ ኸተሕልፉ ኸሎኹም፣ ክሳዕ ሎሚ ብዅሉ ጣኦታትኩም ትረኽሱ አሎኹም። ኣቱም ቤት እስራኤል፣ እሞከ ኣነዶ ብኣካትኩም ክሕተት እየ፡ ኣነ ህያው እየ፣ ይብል እግዚኣብሄር ኣምላኽ፣ ብኣኻትኩም ኣይክሕተትን እየ።

Tools 32. ንሕና፣ ከምቶም ህዝብታትን ኦኣሌታት ሃገራትን፣ ንዕጭን እምንን ከነምልኽ፣ ኢልኩም ኣብ ሓሳብኩም ጠብላህ ዚብለኩም ከቶ ኣይኪኸውንን እዩ።

Tools 33. ኣነ ህያው እየ፣ ይብል እግዚኣብሄር ኣምላኽ፣ ብብርቱዕ ኢድን ብእተዘርግሔት ቅልጽምን ብእተኻዕወ ነድርን ርግጽ ከነግሰኩም እየ።

Tools 34. ብብርቱዕ ኢድን ብእተዘርግሔት ቅልጽምን ብእተኻዕወ ነድርን ካብቶም ህዝብታት ከውጽኣኩም ካብቲ እተዘሮኹምዎ ሃገራትውን ክእክበኩም እየ።

Tools 35. ናብ በረኻ ህዝብታት ከኣ ክወስደኩም፣ ኣብእውን ገጽ ንገጽ ናብ ፍርዲ ክንኣቱ ኢና።

Tools 36. ከምቲ ምስ ኣቦታትኩም ኣብ በረኻ ሃገር ግብጺ እተፋረድኩ፣ ከምኡ ድማ ምሳኻትኩም ክፋራረድ እየ፣ ይብል እግዚኣብሄር ኣምላኽ።

Tools 37. ብትሕቲ በትረይ ከሕልፈኩም፣ ናብ መኣስር ኪዳን ከኣ ከእትወኩም እየ።

Tools 38. ነቶም ካባይ ዝዐለዉን ዝኸድዑን ካባኻትኩም ክፈልዮም ካብቲ ጓና ዀይኖምዎ ዘለዉ ሃገር ከኣ ከውጽኦም እየ። ግናኸ ናብ ሃገር እስራኤልሲ ኣይኪኣትዉን እዮም። ንስኻትኩም ድማ ኣነ እግዚኣብሄር ምዃነይ ክትፈልጡ ኢኹም።

Tools 39. ኣቱም ቤት እስራኤል፣ እግዚኣብሄር ኣምላኽ ከምዚ ይብል አሎ፣ ምስማዕ ካብ ኣቤኹምንስል ኪዱ፣ ነፍሲ ወከፍኩም ንጣኦታትኩም ኣምልኹ። ድሕርዚ ግና ንቅዱስ ስመይ ብመባእኩምን ብጣኦታትኩምን ኣይከተርክስዎን ኢኹም።

Tools 40. ኣብቲ ቅዱስ ከረነይ፣ ኣብቲ በሪኽ ከረን እስራኤል፣ ቤት እስራኤል ዘበሉ ዅሎም ኣብታ ሃገር ኬምልኹኒ እዮም። ኣብኡ ተሐጕሰ ክቕበሎም እየ፣ ኣብኡውን ንመስዋእትኹምን ነቲ በዂሪ እቶት መባእኩምን ንስ ኲሉ እተቐደሰ ነገርኩም ክደልዮ እየ፣ ይብል እግዚኣብሄር ኣምላኽ።

Tools 41. ካብ ህዝብታት ምስ ኣውጻእኩኹም፣ ካብቲ ፋሕ ኢልኩምዎ ዝነበርኩም ሃገራት ድማ ምስ ኣከብኩኹም፣ ከም ምኡዝ ሽታ ብኣካትኩም ባህ ክብል፣ ኣብ ቅድሚ ዓይኒ እቶም ህዝብታት ከኣ ብኣኻትኩም ክቕደስ እየ።

Tools 42. ንስኻትኩምውን፣ ናብ ሃገር እስራኤል፣ ናብቲ ነቦታትኩም ክህቦም እየ ኢለ ኢደይ ዘልዐልኩሉ ሃገር ምስ ኣእቶኹኹም፣ እግዚኣብሄር ምዃነይ ክትፈልጡ ኢኹም።

Tools 43. ኣብኡ ኸኣ ንመገድታትኩምን ነቲ ዝረኸስኩምሉ ግብርኹምን ክትዝክሩ ኢኹም፣ በቲ ዝገበርክምዎ ዘበለ ዅሉ እከይ ድማ ነፍስኹም ኬስካሕክሕ እዩ።

Tools 44. ኣቱም ቤት እስራኤል፣ ከምቲ እኩይ መገድኹምን ከምቲ ብልሽዊ ግብርኹምን ዘይኰነስ፣ ምእንቲ ስመይ ኢለ ምስ ገበርኩልኩም፣ ሽዑ ኣነ እግዚኣብሄር ምዃነይ ክትፈልጡ ኢኹም፣ ይብል እግዚኣብሄር ኣምላኽ።

Tools 45. ከምዚ ዚብል ቃል እግዚኣብሄር ድማ መጸኒ፣

Tools 46. ኣታ ወዲ ሰብ፣ ገጽካ ናብ ደቡብ ኣቢልካ ምለስ፣ ናብ ደቡብ ከኣ ቃልካ ኣንጠብጥብ፣ ነቲ ኣብ ደቡብ ዘሎ ዱር መሮር ድማ ተነበየሉ።

Tools 47. ነቲ ዱር ደቡብ ከኣ፣ ቃል እግዚኣብሄር ስማዕ፣ ኢልካ ንገሮ። እግዚኣብሄር ኣምላኽ ከምዚ ይብል አሎ፣ እንሆል ኣባኻ ሓዊ ኽኣጕድ እየ፣ ነተን ኣባኻ ዘለዋ ዅለን ጥሉላት ኣእዋምን ንዅሉ ንቑጻት ኣእዋምን ሞዅ ኬብለን እዩ። እቲ ነዳዲ ሃልሃልታ ድማ ኣይኪጠፍእን፣ ካብ ደቡብ ክሳዕ ሰሜን ከኣ ኵሉ ገጽ ብእኡ ኺነድድ እዩ።

Tools 48. ኵሉ ስጋውን፣ እቲ ዝኣጐዶስ ኣነ እግዚኣብሄር ከም ዝዀንኩ፣ ኪርኢ እዩ። ኣይኪጠፍእን እዩ።

Tools 49. ሽዑ ኣነ፣ ኣየ፣ ኣት እግዚኣብሄር ኣምላኽ፣ ንሳቶም ብዛዕባይ፣ እዝስ ምስላታት እዩ ዚምስል፣ ይብሉ አለዉ፣ በልኩ።