Tools 1. ካብ መበል ዓሰርተው ክልተ ወርሒ፡ ንሳ ኸኣ ወርሒ ኣዳር፡ ብመበል ዓሰርተው ሰለስተ መዓልቲ፡ እቲ ቓል ንጉስን ትእዛዙን ዚፍጸመሉ መዓልቲ፡ እቶም ጸላእቲ ኣይሁድ ኣብ ልዕሊኦም ኪስልጥኑ ተስፋ ዚገብሩላ ዝነበሩ መዓልቲ፡ ብእኣ እቶም ኣይሁድ ደኣ ኣብ ልዕሊ ጸላእቶም ኪስልጥኑ፡ እቲ ነገር ተለወጠ።

Tools 2. እቶም ኣይሁድ ኣብ ኩለን ሃገራት ንጉስ ኣሓሽዌሮስ፡ ናብቶም ክፉእ ኪገብርዎም ዚደልዩ ዝነበሩ ኢዶም ክዝርግሑ፡ ናብ ከተማታቶም ተአከቡ፡ ፍርሃቶም ከአ ኣብ ኲሎም ህዝብታት ወዲቑ ነበረ እሞ፡ ሰብ ናብ ቅድሚኦም ደው ኪብል ኣይከአለን።

Tools 3. ፍርሃት ማርዶካይ ድማ ኣብ ልዕሊኦም ወዲቑ ነበረ እሞ፡ ኲሎም ሹማምቲ እተን ሀገራትን መኳንንትን ራእስታትን ኵላቶም ዕዮ ንጉስ ዚዐዩን ንኣይሁድ ሐገዙ።

Tools 4. ማርዶካይ ኣብ ቤት ንጉስ ዓብዩ ነበረ እሞ፡ ወሪኡ ናብ ኩለን ሃገራት ወጸ። እዚ ሰብ እዚ ማርዶካይ እዚ እናዐበየ ኸደ።

Tools 5. ኣይሁድ ንዅላቶም ጸላእቶም ብስሕለት ሴፍ ወቒዖም ቀተልዎም፡ ኣጥፍእዎምውን። ንዅላቶም ጸላእቶም ከም ዝደለዩ ገበርዎም።

Tools 6. ኣብ ኣደራሽ ሱሳን እቶም ኣይሁድ ንሓሙሽተ ሚእቲ ሰብ ቀቲሎም ኣጥፍእዎም።

Tools 7. ጳርሻን ዳታን ደልፎንን ኣስጳታን፡

Tools 8. ጳራታን ኣዳልያን ኣሪዳታን፡

Tools 9. ጳርማሽታን ኣሪሳይን ኣሪዳይን ዋይዛታን፡

Tools 10. ነቶም ዓሰርተ ደቂ ሃማን፡ ወዲ ሃመዳታ ጸላእ ኣይሁድ ቀተልዎም፡ ኣብቲ ምርኮ ግና ኣእዳዎም ኣይዘርግሑን።

Tools 11. በታ መዓልቲ እቲኣ ቑጽሪ እቶም ኣብ ኣደራሽ ሱሳን እተቐትሉ ናብ ቅድሚ ንጉስ መጸ።

Tools 12. ንጉስ ድማ ንንግስቲ ኣስቴ፡ ኣይሁድሲ ኣብ ኣደራሽ ሱሳን ሓሙሽተ ሚእቲ ሰባት ነቶም ዓሰርተ ደቂ ሃማንን ሐረድዎምን ኣጥፍእዎምን፡ ኣብተን ካልኦት ሃገራት ንጉስ ደኣ ኸምይ ገይሮም ይኹኑ፡ ሕጂኸ እንታይ እዩ ልማኖኺ፡ ኺወሀበኪ እዩ፡ እንታይከ እዩ ድላይኪ፡ ኪኾነልኪ እዩ፡ በላ።

Tools 13. ሽዑ ኣስቴር፡ ንጉስ እንተ ደኣ ፈትዩስ፡ ነቶም ኣብ ሱሳን ዘለዉ ኣይሁድ፡ ጽባሕ ድማ ከምዚ ናይ ሎሚ ዝበለ ትእዛዝ ኪገብሩ፡ እቶም ዓሰርተ ደቂ ሃማን ድማ ኣብ ጉንዲ ኺስቀሉ፡ ፍቓድ ይወሀብ፡ በለት።

Tools 14. ንጉስ ከአ፡ ከምኡ ይገበር በለ። እቲ ትእዛዝ ድማ ኣብ ሱሳን ተዋህበ እሞ፡ እቶም ዓሰርተ ደቂ ሃማን ኣብ ጉንዲ ተሰቕሉ።

Tools 15. እቶም ኣብ ሱሳን ዝነበሩ ኣይሁድ ኣብ ወርሒ ኣዳር ብመበል ዓሰርተው ኣርባዕተ መዓልቲ ተአከቡ፡ ኣብ ሱሳን ሰለስተ ሚእቲ ሰብ ቀተሉ፡ ኣብ ምርኮ ግና ኣእዳዎም ኣይዘርግሑን።

Tools 16. እቶም ኣብተን ሃገራት ንጉስ ዝነበሩ ኻልኦት ኣይሁድ ድማ ተአኪቦም ንህይወቶም ተኸላኸሉላ እሞ፡ ካብ ጸላእቶም ዕረፍቲ ረኸቡ። ካብቶም ዚጸልእዎም ድማ ሰብዓን ሓሙሽተን ሽሕ ቀተሉ። ኣእዳዎም ግና ኣብ ምርኮ ኣይዘርግሑን።

Tools 17. እዚ ኣብ ወርሒ ኣዳር ብመበል ዓሰርተው ሰለስተ መዓልቲ ዀነ። ብመበል ዓሰርተው ኣርባዕተ መዓልቲ ግና ዐረፉ፡ መዓልቲ መስተን ሓጐስን ከአ ገበርዋ።

Tools 18. እቶም ኣብ ሱሳን ዝነበሩ ኣይሁድ ግና፡ ኣብታ ወርሒ እቲኣ ብመበል ዓሰርትው ሰለስተን ዓሰርተው ኣርባዕተን መዓልቲ ተአከቡ። ብመበል ዓሰርተው ሓሙሽተ መዓልቲ ኸኣ ዐረፉ። ንእኣ መዓልቲ መስተን ሓጐስን ገበርዋ።

Tools 19. ስለዚ እቶም ኣብ ዓድታትን ኣብ ዘይትዐርዳ ኸተማታትን ዚነብሩ ኣይሁድ ብወርሒ ኣዳር ብመበል ዓሰርተው ኣርባዕተ መዓልቲ ናይ ሓጐስን መስተን ጽብቕቲ መዓልቲ የብዕሉ፡ ንሓድሕዶም ከአ ህያብ ይለኣአኹ ኣለው።

Tools 20. ማርዶካይ ድማ ነዚ ነገር እዚ ጽሒፉ ኣብ ኩለን ሃገራት ንጉስ ኣሓሽዌሮስ፡ ኣብ ቀረባን ኣብ ርሑቕን ናብ ዘለዉ ዅላቶም ኣይሁድ ደብዳቤታት ሰደደ።

Tools 21. ኣብ ወርሒ ኣዳር፡ መበል ዓሰርተው ኣርባዕተ መዓልትን ብመበል ዓሰርተው ሓሙሽተ መዓልትን ኣብ ዐዐመት ኬብዕልወን ኣዘዞም።

Tools 22. እተን ኣይሁድ ካብ ጸላእቶም ዝዐረፉለን መዓልትታት፡ በዛ ወርሒ እዚኣ ጭንቆም ኣብ ሓጐስ፡ ሐዘኖም ድማ ኣብ ጽቡቕ መዓልቲ እተለወጠሉ፡ ነተን መዓልትታት እቲኤን መዓልትታት መስተን ሓጐስን ኪገብርወን፡ ንሓድሕዶም ከአ ህያባት ኪላኣአኹ፡ ንድኻታት ድማ ምጽዋት ኪምጽውቱ ሐገገሎም።

Tools 23. እቶም ኣይሁድ ድማ ነቲ ዝጀመርዎን ነቲ ማርዶካይ ዝጸሐፈሎምን ኪገብርዎ ተቐበልዎ።

Tools 24. ሃማን፡ ወዲ ሃመዳታ እቲ ኣጋጋዊ፡ ጸላእ ኵላቶም ኣይሁድ፡ ንኣይሁድ ኬጥፍኦም ኢለ ተተናኸሎሎም፡ ኪድምሶሶን ኬጥፍኦምን ከአጱር ማለት ዕጭ ኣውደቐሎም።

Tools 25. እዚ ኣብ ቅድሚ ንጉስ ምስ መጸ ግና፡ ንሱ ብደብዳበ ገይሩ እቲ ሃማን ንኣይሁድ እተተናኸሎሎም ሕሱም ተንኮል ኣብ ርእሱ ይመለስ፡ ንሱን ደቁን ድማ ኣብ ጉንዲ ይሰቐሉ፡ ኢሉ አዘዘ።

Tools 26. ስለዚ እዘን መዓልትታት እዚኤን፡ ከምቲ ስም ጵር ጵኡሪም ኢሎም ሰመይወን። እምበርኣርሲ ኸምቲ ኣብዛ መልእኽቲ እዚኣ እተጻሕፈ ዅሉ ቓላትን፡ ከምቲ ብዛዕባ እዚ ነገር እዚ ዝረአይዎን፡ ከምቲ ዝረኸቦም ኵሉን፡

Tools 27. እቶም ኣይሁድ ንርእሶምን ንዘርኦምን ንዅሉ ናባታቶም እተጸግዔን እዘን ክልተ መዓልቲ እዚኤን፡ ከምቲ ተጽሒፉ ዘሎ፡ በብእዋኑ በብዓመቱን ከየዝበሉ ኼብዕሉ ተቐቢሎም ኣጽንዕዎ።

Tools 28. እዘን መዓልትታት እዚኤን ኣብ ኵሉ ወለዶታት ኣብ በብዓሌቱን ኣብ ሀሃገርን ኣብ ከከተማኡን ኪዝከራን ኪባዐላን፡ እዘን መዓልትታት ጵሪም እዚኤን ኣብ ማእከል ኣይሁድ ምብዓለን ኣይኪተርፍን ዝኸረን ድማ ካብ ዘርኦም ከቶ ኣይኪጠፍእን እዩ።

Tools 29. ንግስቲ ኣስቴር ጓል ኣቢሓይልን ማርዶካይ ኣይሁዳውን፡ እታ ብዛዕባ ጲሪም እተዛረብ፡ ካልአይቲ ደብዳበ ብምሉእ ሓይሎም ኬጽንዕዋ ኢሎም ጸሐፉ።

Tools 30. ነተን ደብዳቤተትን ናብ ኵላቶም ኣይሁድ፡ ናብተን ሚእትን ዕስራን ሾብዓተን ሃገር መንግስቲ ኣሓሽዌሮስ፡ ብዘረባ ሰላምን እምነት ገይሩ፡ ዝለአኸንሲ፡

Tools 31. እዘን መዓልትታት ጲሪም፡ ከምቲ ማርዶካይ ኣይሁዳውን ንግስቲ ኣስቴርን ዝሐገግዎ፡ ኣብቲ እተመደበለን ጊዜ ኽጸንዓ፡ ከምቲ ንርእሶምን ንዘርኦምን ብናይ ጾምን ምህልላን ዝሰርዕዎ ኸኣ ኺጸንዕ ኢሉ እዪ።

Tools 32. በዚ ኸምዚ ትእዛዝ ኣስቴር ነዚ ናይ ጵሪም ነገር ኣጽንዖ። እዚ ኸኣ ኣብ መጽሓፍ ተጻሕፈ።