Tools 1. ኮነ ድማ፡ ብሳልሰይቲ መዓልቲ ኣስቴር ልብሰ መንግስቲ ተኸድነት፡ ናብቲ ኣብ መንጽር ቤት ንጉስ ዘሎ ውሽጣዊ መካበብያ ቤት ንጉስ ደው በለት። እቲ ንጉስ ከአ ኣብ መንጽር ደገ ቤቱ፡ ኣብ ዝፋን መንግስቱ ኣብ ቤተ መንግስቲ ኾፍ ኢሉ ነበረ።

Tools 2. ኮነ ኸኣ፡ እቲ ንጉስ ንግስቲ ኣስቴር ኣብቲ መካበብያ ደው ኢላ ምስ ረአያ፡ ኣብ ቅድሚ ዓይኑ ሞገስ ረኸበት፡ እቲ ኣብ ኢዱ ዝነበረ ዛንጊ ወርቂ ድማ ዘርግሓላ። ኣስቴር ከአ ቅርብ ኢላ፡ ርእሲ ዘንጉ ተነከየት።

Tools 3. ሽዑ ንጉስ፡ ንግስቲ ኣስቴር፡ እንታይ ዃንኪ ኢኺ፡ እንታይሲ ትደልዩ፡ ክሳዕ ፍርቂ መንግስተይ እኳ እንተ ዀይኑ ኺወሀበኪ እዩ፡ በላ።

Tools 4. ኣስቴር ከአ፡ ንጉስ እንተ ደኣ ፈትዩስ፡ ናብቲ ኣዳልየዮ ዘለኹ ምሳሕ፡ ንጉስ ምስ ሃማን ዀይኑ ሎሚ ይምጻእ በለት።

Tools 5. እቲ ንጉስ ድማ፡ ኣስቴር ዝበለቶ ምእንቲ ኺግበርሲ፡ ንሃማን ቀልጢፍኩም ጸውዕዎ፡ በለ። ንጉስን ሃማንን ድማ ናብቲ ኣስቴር ዘዳለወቶኦ ምሳሕ መጹ።

Tools 6. ነቲ ወይኒ ኺሰትዮ ኸለው፡ ንጉስ ንኣስቴር ልማኖኺ እንታይ እዩ፡ ኪወሀበኪ እዩ፡ እንታይ እዩ ድላይኪ፡ ክሳዕ ፍርቂ መንግስቲ እንተ ኾነ እኳ፡ ይኹነልኪ እዩ፡ በላ።

Tools 7-8. ኣስቴር ከአ፡ ኣብ ኣዒንቲ ንጉስ ሞገስ እንተ ደኣ ረኺበ፡ ንጉስ ከአ ልማኖይ ኪህበንን ድላየይ ኪገብርን ኣንተ ደኣ ፈትዩስ፡ ናብቲ ዝገበረሎም ምሳሕ፡ ንጉስ ምስ ሃምን ይምጻእ፡ ጽባሕ ድማ ከምቲ ንጉስ ዝበሎ ኽገብር እየ፡ ልማኖይን ድላየይን እዚ እዩ፡ ኢላ መለሰት።

Tools 9. በታ መዓልቲ እቲኣ ድማ ሃማን ባህ ኢልዎ፡ ልቡ ኸኣ ተሓጉሱ ወጸ። ግናኸ ሃማን ንማርዶካይ ኣብ ደገ ንጉስ ሓፍ ከይበለ ኻብኡውን ከይተነቓነቐ ኾፍ ኢሉ ምስ ረአዮ፡ ኣብ ልዕሊ ማርዶካይ ቊጥዓ መልኦ።

Tools 10. ሃማን ግና ንርእሱ ዝግ ኣበለ። ናብ ቤቱ ምስ አተወ ኸኣ፡ ልኢኹ ንገተውቱን ንዘረሽ ሰበይቱን ኣምጽኦም።

Tools 11. ሃማን ከአ ዕቤት ሃብቱን ብዝሒ ደቁን፡ ንጉስ ብኹሉ ኸመይ ገይሩ ኸም ዘዕበዮን ኣብ ልዕሊ ሓላቑን ገላው ንጉስን ክብ ከም ዘበሎን ነገሮም።

Tools 12. ሃማን ድማ ወሲኹ በለ፡ ንግስቲ ኣስቴር ከአ ናብቲ ዝገበረቶ ምሳሕ ምስ ንጉስ ብጀካይ ኣይጸውዔትን። ንጽባሕ ድማ ምስ ንጉስ ተጸውዔ አሎኹ።

Tools 13. እዚ ዅሉ ግና፡ ማርዶካይ እቲ ኣይሁዳዊ ኣብ ደገ ንጉስ ኮፍ ኢሉ ኽሳዕ ዝርእዮስ ባህ ኣይበለንን እዩ፡ በለ።

Tools 14. ሽዑ ዘረሽ ሰበይቱን እቶም ፈተውቱ ዅላቶምን ኮይኖም፡ ሓምሳ እመት ዝምንዋሑ ጉንዲ ኣዳሉ፡ ማርዶካይ ኣብኡ ኺስቀልሲ፡ ጽባሕ ንግሆ ንንጉስ ንገሮ። ድሕርቲ ምስ ንጉስ ናብቲ ምሳሕ ደስ ኢሉካ ትኸይድ፡ በለቶ። እዚ ነገር ንሃማን ባህ ኣበሎ እሞ፡ ጉንዲ ኸም ዜዳልው ገበረ።