መዓድኒ ጸሓይ
ኣንቲ ጸሓይ
ተትወርዲ ካብቲ ሰማይ
ተትኾኒ ሰብ ከምዚ ከማይ
ተዝነብረኪ ድሌት ፍቃድ
አንተትውንኒ ናትኪ ሓሳብ
ተዝህልወኪ ኣእምሮ
ተትሓስቢ ከምቲ ሰብ ዝገብሮ
ምኾንኪ ዶ ከምዚ ዘለኽዮ
ንፍቓድ ኣምላኽ ኩሉ ትነብርዮ
ንሓሳቡ ኣባኺ ካብ ጥንቲ
ትፍጽሚ ኩሉ በብሓንቲ
ወይስ ምኾንኪ ከምዚ ከማይ
እተብዝሒ ጽባሕ ዳሕራይ
ምበልኪ ዶ ኣሎ እዋን ኣሎ ግዜ
ቁሩብ ነዕርፍ ቁሩብ ንዋዘ
ዶስ ምበልኪ ዕዮ ኣሎኒ
ኩሉ ይጽናሕ ይትረፈኒ
አቲ ሰሓቕ አቲ ዋዛ
አቲ ጣዕሳ እቲ ትከዛ
ኩሉ ይጽናሕ
ኣሎ ዘየብል ንጽባሕ
እወ ምበልኪ
ኣምላኽ እኮ ክፈጥረኒ ከሎ
ኢሉ አኳንዩ ንጸልማት ከብርሆ
ንለይቲ ካብ ቀትሪ ክፈልዮ
ሂቡኒ አኳንዩ አቲ ዓቕሚ
ከውዕሎ ንኹሉ ኣብ ጥቕሚ
ይፈልጥየ ሎሚ ምዃና ናተይ
ክትስእ ደኣ ከሽርፍ መክሊተይ
ኣንቲ ጸሓይ
ውረዲ እባ ካብቲ ሰማይ
ሓንሳ አባ ኩኒ ከማይ
መዓድኒ በቲ ቋንቋይ
አቲ ምንታይ
ከይጠዓስ ዳሕራይ
ሞሪ
