ትርጉም ህይወት !
ብፍላጥ ብዘይፍላጥ ተንኮል እተዓጥቀ
ብእከይ ሓሳባት ልቡ ዝመልአ
ሕልና ኣጥፊኡ ዝደቀሰ ዘጽቀጠ
ብብዝሒ ክፍኣት ውሽጡ ዝማሰነ
ሰላም ሲኢኑ ብጭንቀት እተወርሰ
ድቃስ ሓሪምዎ ልዋም ዝስኣነ
ኣብ መገዲ ሞት ዚመላለስ ተስፋ ዝቐበጸ
ብርሃን ስኢኑ ብጸልማት ‘ተኸበ
ምንባሩ ዝጸልአ ትርጉም ህይወት ዝስኣነ
ካብዚ ክድሕን ዶኾን ምደለየ?
ኣሎ ረዳኢ ንዓይ ዝረድአ
የሱስ የድሕን’ዩ ካብ ከምዚ ዝበለ
ምእንቲ ሓጢኣት ኩሉ ሰብ ኣብ መስቀል ዝሞተ
ይኽእል’ዩ ሕጂ’ውን ነቲ ብእኡ ዝኣመነ
ሰላም ይህብ’ዩ ነቲ ናብኡ እተጸገዐ
ህይወት ብምልኣት ከስተማቕራ ንዝደለየ
ትርጉም ህይወት ኣብኡ ‘ላ ኣብቲ ዝተንስአ
ኣብ ልዕሊ ኩሉ ክገዝእ ዝሰልጠነ
ክርስቶስ እቲ ራእስን መድሓንን ዝኾነ
ፈቃር ጎይታ ንኩሉ ዘፍቀረ
ዕረፍቲ ይህብ’ዩ ነቲ ክስዕቦ ዝወሰነ።
“ኣምላኽ ናይ ዘለኣለም ህይወት ከም ዝሀበና፣ እቲ ምስክር እዚ እዩ እሞ እዛ ህይወት እዚኣ ኣብ ወዱ ኣላ። እቲ ወዲ ዘለዎ ህይወት ኣላቶ ፣ ወዲ ኣምላኽ ዜብሉ ህይወት የብሉን።” (1 ዮሃንስ 5፣ 11-12)
