Tools 1. ኣነ ብሸቦጥ ቊጥዓኡ ሽጋር ዝርኤኹ ሰብኣይ እየ።

Tools 2. ንሱ መርሓኒ፡ ብብርሃን ዘይኰነስ ብጸልማት ወሰደኒ።

Tools 3. ብሓቂ መመሊሱ መዓልቲ ብመልኣ ኢዱ ኣባይ ይመልስ አሎ።

Tools 4. ንስጋይን ቈርበተይን ኣእረጎ፡ ንዓጻጽምተይ ሰበሮ።

Tools 5. ኣብ ከባብየይ ቀጽሪ ሰርሔ፡ ብመርዝን ድኻምን ከኣ ሓጸረኒ።

Tools 6. ከምቶም ቀደም ዝሞቱ ኣብ ጸልማት ኣንበረኒ።

Tools 7. ከይወጽእሲ ብመንደቕ ከበበኒ፡ ንሰንሰለተይ ኣኽበዶ።

Tools 8. እንተ ጠራዕኩን ኣእዌኹን እኳ፡ ንጸሎተይ መሕለፊ ዐጸወሉ።

Tools 9. ብቕሩጽ እምኒ ንጐደናታተይ ዐጸዎ፡ ንመገድታተይ ጥውጥዋይ ገበሮ።

Tools 10. ከም ዘድበየ ድቢ፡ ተሐቢኡ ኸም ዚቃጾ ኣንበሳ ዀነኒ።

Tools 11. ንመገደይ ኣዘምበሎ፡ ሰባበረኒ ኣዕነወኒውን።

Tools 12. ቀስቱ ገተረ፡ ንፍላጻ ኸኣ ዕላማ ገይሩ ኣቘመኒ።

Tools 13. ብፍላጻታት ጒልድባኡ ዀላሊተይ ወግኤ።

Tools 14. መላገጺ ዂሉ ህዝበይ፡ መዓልቲ ብመልኣ መድረፊኦም ኰንኩ።

Tools 15. ብመሪር ኣጽገበኒ፡ ዕረ ኣስተየኒ።

Tools 16. ኣስናነይ ብጸጸር ሰበረ፡ ብሓመዂስቲ ኣጐልበበኒ።

Tools 17. ነፍሰይ ካብ ሰላም ኣርሐቕካ፡ ነቲ ጽቡቕ ረሳዕክዎ።

Tools 18. ኣነ ኸኣ፡ ሓይለይን ብእግዚኣብሄር ተስፋይን ህልም በለ፡ በልኩ።

Tools 19. ሽጋረይን ኰብለል ምባለይን፡ እቲ ዕረን መርዝን ዘክር።

Tools 20. ነፍሰይ ከየባተኸት ትዝክሮ፡ ኣብ ውሽጠይ ከኣ ደኒና አላ።

Tools 21. እዚ ኣብ ልበይ ኤንብር፡ ስለዚ ድማ ተስፋ እገብር።

Tools 22. ምሕረቱ ኣይተወድኤን እዩ እሞ፡ ጥራስ ዘይጠፋእናስ ጸጋ እግዚኣብሄር እዩ።

Tools 23. ኣብ ጸጽባሕ ሓድሽ እዩ፡ እሙን ምዃንካ ዓብዪ እዩ።

Tools 24. ነፍሰይሲ፡ ግደይ እግዚኣብሄር እዩ፡ ስለዚ ብእኡ ተስፋ እገብር፡ ትብል አላ።

Tools 25. እግዚኣብሄር ነቶም ዚጽበይዎ፡ ነታ እትደልዮ ነፍሲ ሰናይ እዩ።

Tools 26. ንምድሓን እግዚኣብሄር ተስፋ ምግባርን ብህድኣት ምጽባይን ሰናይ እዩ።

Tools 27. ንሰብኣይ ብንእስነቱ ኣርዑት ምጻር ሰናይ እዩ።

Tools 28. ኣሰኪምዎ እዩ እሞ፡ ትም ኢሉ በይኑ ይቀመጥ።

Tools 29. ምናልባሽ ተስፋ ይህልዎ እዩ፡ ኣፉ ደኣ ኣብ ሓመድ የድንን፡

Tools 30. ንዚወቕዖ መልትሑ ይምለሰሉ ብጸርፊውን ይጽገብ።

Tools 31. እግዚኣብሄርሲ ንዘለኣለም ኣይውግድን እዩ እሞ፡

Tools 32. እንተ ኣጒህየ እኳ፡ ከምቲ ብዝሒ ጸጋኡ ይርሕርሕ እዩ።

Tools 33. ንደቂ ኣዳም ዜዋርዶምን ዜጒህዮምንሲ ብፍታው ልቡ ኣይኰነን።

Tools 34. ንዂሎም እሱራት ምድሪ ኣብ ትሕቲ እግሪ ምርጋጾም፡

Tools 35. ኣብ ቅድሚ ገጽ እቲ ልዑል መሰል ሰብኣይ ምቕናኖም፡

Tools 36. ንሰብ ብነገሩ ዓጋቢ ምግባርሲ፡ ነዚዶ እግዚኣብሄር ኣይርእዮን እዩ፧

Tools 37. እግዚኣብሄር ዘይኣዘዞስ፡ እተዛረበ እሞ ዝዀነሉ መን እዩ፧

Tools 38. ክፉእን ጽቡቕን ካብ ኣፍ እቲ ልዑልዶ ኣይወጽእን እዩ፧

Tools 39. ስለምንታይ እቲ ህያው ሰብ የጒረምርም፧ ነፍሲ ወከፍ ብሓጢኣቱ ደኣ የጒረምርም።

Tools 40. መገድና ንተዐዘብን ንመርምርን እሞ ናብ እግዚኣብሄር ንመለስ።

Tools 41. ልብና ምስናይ ኣእዳውና ናብ እግዚኣብሄር ኣብ ሰማይ ነልዕል።

Tools 42. ንሕና በደልናን ዐሎናን፡ ንስኻውን ይቕረ ኣይበልካን።

Tools 43. ብዂራ ተጐልበብካን ሰጐጒካናን፡ ብዘይ ምሕረት ቀተልካ።

Tools 44. ጸሎት ከይሐልፍሲ፡ ደበና ተጐልበብካ።

Tools 45. ኣብ ማእከል ህዝብታት ጐሓፍን ፍንፋንን ገበርካና።

Tools 46. ኲሎም ጸላእትና ኣፎም ሃህ ኣበሉልና።

Tools 47. ፍርሃትን ጕድጓድን ምፍራስን ጥፍኣትን በጽሓና።

Tools 48. ብናይ ምጭፍላቕ ጓል ህዝበይ ካብ ዓይነይ ውሒዝ ማይ ይውሕዝ አሎ።

Tools 49-50. እግዚኣብሄር ኣንቈልቊሉ ኽሳዕ ዚርእን፡ ካብ ሰማይ ክሳዕ ዚጥምትንሲ፡ ዓይነይ ከይዐረፈን ከየቛረጸን ዘርባሕባሕ ይብል አሎ።

Tools 51. ብምኽንያት ኲለን ኣዋልድ ከተማይ ዓይነይ ንነፍሰይ የሕዝና አሎ።

Tools 52. እቶም ብዘይ ምኽንያት ዚጸልኡኒ ኸም ዑፍ ሀደኑኒ።

Tools 53. ህይወተይ ኣብ ጒድጓድ ኣጥፍኡ፡ ኣብ ልዕለይ ከኣ እምኒ ደርበዩ።

Tools 54. ማይ ኣብ ልዕሊ ርእሰይ ወሐዘ፡ ጥራስ ጠፍእኩ፡ በልኩ።

Tools 55. ካብ መዓሙቚ ጒድጋድ፡ ዎ እግዚኣብሄር፡ ስምካ ጸዋዕኩ።

Tools 56. ድምጸይ ሰሚዕካ፡ ካብ እህህታይን ጭርሓይን እዝንኻ ኣይትሕብኣዮ።

Tools 57. በታ ዝጸዋዕኩኻ መዓልቲ ቐረብካ፡ ኣይትፍራህ፡ በልካ።

Tools 58. ዎ ጐይታይ፡ ንነገር ነፍሰይ ተጠበቕካ፡ ንህይወተይ ተበጆኻ።

Tools 59. ዎ ጐይታይ፡ ነቲ ዝወረደኒ ግፍዒ ርኤኻ፡ ፍትሒ ኣውጽኣለይ።

Tools 60. ኲሉ እቲ ቒሞም፡ ኣባይ ዝጠለፍዎ ዂሉ ውዲቶም ርኤኻ።

Tools 61-62. ዎ ጐይታይ፡ ኲሉ ጸርፎም፡ ኲሉ ኣባይ ዝጠለፍዎ ውዲቶም፡ ከናፍር እቶም ተቓወምተይ፡ ምሉእ መዓልቲ እኩይ ዚመኽሩለይ ሰማዕካ።

Tools 63. ኣብ ምቕማጦምን ምትንሳኦምን እሞ ጠምት፡ ኣነስ መድረፊኦም ኰይነ አሎኹ።

Tools 64. ዎ እግዚኣብሄር፡ ከም ግብሪ ኣእዳዎም ሕነ ፍደዮም።

Tools 65. ድርቅና ልቢ ሃቦም፡ መርገምካ ኣውርደሎን።

Tools 66. ብቚጥዓ ስጐጎም፡ ካብ ትሕቲ ሰማይ እግዚኣብሄር ኣጽንቶም።