Tools 1. መዓልቲ እግዚኣብሄር ትመጽእ አላ፣ ቀሪባ ኸኣ እያ እሞ፣ ኣብ ጽዮን መለኸት ንፍሑ፣ ኣብ ቅዱስ ከረነይ ድማ ኣእውዩ፣ ኣብታ ሃገር ዚነብሩ ዘለዉ ዅላቶም የንቀጥቅጡ።

Tools 2. መዓልቲ ጸልማትን ጣቓን፣ መዓልቲ ደበናን ድቕድቕ ጸልማትን ከም ወጋሕታ ኣብ ልዕሊ ኣኽራን ይዝርጋሕ። ዓብይን ሓያልን ህዝቢ፣ ካብ ጥንቲ ጀሚሩ ኸምኡ ዝበለ ዘይነበረ፣ ድሕሪኡውን ክሳዕ ዓመታት ወለዶ ዚሐልፍ ከቶ ዘይኸውን።

Tools 3. ኣብ ቅድሚኡ ሓዊ ይበልዕ፣ ኣብ ድሕሪኡ ሃልሃልታ ሞዅ የብል። እታ ሃገር ኣብ ቅድሚኡ ኸም ገነት፣ ኣብ ድሕሪኡ ኸኣ ጸምጸም በረኻ እያ፣ ካብኡ ዜምልጥውን የልቦን።

Tools 4. ትርኢቶም ከም ትርኢት ኣፍራስ እዩ፣ ከም ፈረሰኛታት ይጐዩ።

Tools 5. ከምቲ ኣብ ርእሲ ኣኽራን ድዋዕዋዕ ዚብል ሰረገላታት፣ ከምቲ ሓሰር ኪውሕጥ ከሎ ጥዋዕዋዕ ዚብል ሃልሃልታ ሓዊ፣ ከምቲ ንውግእ እተሰለፈ ሓያል ህዝቢ ይዘሉ።

Tools 6. ኣብ ቅድሚኦም ህዝብታት ይጭነቑ፣ ኵሉ ገጽ ይጽልም።

Tools 7. ከም ጀጋኑ ይጐዩ፣ ከም ዚዋግኡ ሰብ ናብ ቀጽሪ ይድይቡ፣ ነፍሲ ወከፍ በብጐደናኡ ይሐልፍ ካብ መገዶም ኸኣ ኣየግልሱን።

Tools 8. ንብጻዩ ዚደፍእ የልቦን፣ ነፍሲ ወከፍ በብመገዱ ይሐልፍ፣ ናብ ማእከል ኣጽዋር ይኣትዉ ኣይቈስሉን ከኣ።

Tools 9. ናብታ ኸተማ ይወሩ፣ ኣብ ቀጽሪ ይጐዩ፣ ናብ ኣባይቲ ይድይቡ፣ ከም ሰራቒ ብመሳዅቲ ይኣትዉ።

Tools 10. ምድሪ ኣብ ቅድሚኦም ራዕራዕ ትብል፣ ሰማያት የንቀጥቅጥ፣ ጸሓይን ወርሕን ይጽልምታ፣ ከዋኽብቲ ከኣ ብርሃኖም ይኽውሉ።

Tools 11. ሰፈር ሰራዊቱ ኣዝዩ ዓብዪ እዩ፣ እቲ ንቓሉ ዚፍጽም ከኣ ሓያል እዩ፣ እግዚኣብሄር ኣብ ቅድሚ ሰራዊቱ ድምጺ የስምዕ። እወ፣ መዓልቲ እግዚኣብሄር ዓባይን ኣዝያ እተፍርህን ኣያ፣ መንከ ኺጽመማ ይኽእል፣

Tools 12. እምብኣርሲ ሕጂውን ብጾምን ብብኽያትን ብቝዝማን ብምሉእ ልብኹም ናባይ ተመለሱ፣ ይብል እግዚኣብሄር።

Tools 13. ንሱ ንዅራ ደንጓዪ፣ ብሳህሊ ኸኣ ምሉእ፣ ብእከይ ድማ ተጣዓሳይ፣ ርሕሩሕን መሓርን እዩ እሞ፣ ክዳንኩም ኣይኰነን ልብኹም ደኣ ቕደዱ፣ ናብ እግዚኣብሄር ኣምላኽኩምውን ተመለሱ።

Tools 14. ተጣዒሱ ዚምለስ እንተ ዀነ፣ ድሕሪኡ ድማ ንእግዚኣብሄር ኣምላኽኩም ብመስዋእቲ ብልዕን ብመስዋእቲ መስተን በረኸት ዚሐድግ እንተ ዀነ፣ መን ይፈልጥ፡

Tools 15. ኣብ ጽዮን መለኸት ንፍሑ፣ ጾም ቀድሱ፣ ኣኼባ ጸውዑ።

Tools 16. ህዝቢ ኣክቡ፣ ማሕበር ቀድሱ፣ ኣረገውቲ ኣክቡ፣ ቈልዑን ጡብ ዝጠብዉን ኣክቡ። መርዓዊ ኻብ ቤቱ ይውጻእ፣ መርዓት ከኣ ካብ ሕልፍኝኣ።

Tools 17. እቶም ካህናት ኣገልገልቲ እግዚኣብሄር ኣብ መንጎ ኣዳራሽን መሰውእን ይብከዩ ይበሉውን፣ ዎ እግዚኣብሄር ንህዝብኻ ንሐፎ፣ ነቲ ርስትኻ፣ ኣህዛብ ኪገዝእዎ ኢልካ፣ ንመላገጺ ኣሕሊፍካ ኣይትሀቦ። ስለምንታይከ ኣብ ኣህዛብ፣ ኣምላኾም ኣበይ አሎ፣ ዚበሀል፡

Tools 18. እግዚኣብሄር ንሃገሩ ቐንኤ፣ ንህዝቡ ኸኣ ራሕርሔ።

Tools 19. እግዚኣብሄር ንህዝቡ መለሰሉ በሎውን፣ እንሆ፣ ኣነ፣ እኽልን ወይን ዘይትን ክሰደልኩም እየ፣ ብእኡኸኣ ክትጸግቡ ኢኹም፣ ድሕርዚ ኣብ ማእከል ህዝብታት መለገጺ ኣይክገብረኩምን እየ።

Tools 20. ነቲ ሰሜናዊ ካባኻትኩም ከርሕቖ፡ ናብ ደረቕን ዝዐነወን ምድሪ ኽሰጎ እየ፡ ገጹ ናብ ምብራቓዊ ባሕሪ፡ ዝባኑ ኸኣ ናብ ምዕራባዊ ባሕሪ እዩ። ዓብዪ ነገር ገይሩ እዩ እሞ፡ ምብድባዱ ኺወጽእ፡ ምምሽማሹ ድማ ኪድይብ እዩ።

Tools 21. ኣቲ ሃገር እግዚኣቢሄር ዓብዪ ነገር ገይሩ እዩ እሞ ኣይትፍርሂ፣ ተሐጐሲ ባህውን ይበልኪ።

Tools 22. እቲ እንስሳ መሮር፣ እቲ መጓሰዪ በረኻ ለምሊሙ፣ ኦም ፍሪኡ ይፈሪ፣ ኦም በለስን ተኽሊ ወይንን ከኣ ሓይሉ ይህብ አሎ እሞ፣ ኣይትፍርሁ።

Tools 23. ኣቱም ደቂ ጽዮን፣ ዝናም ጽድያ ብልክዕ ይህበኩም፣ ዝናም ጽድያን ጽብሓትን ከም ቀደሙ የውርደልኩም አሎ እሞ፣ ተሐጐሱ ብእግዚኣብሄር ኣምላኽኩም ባህ ይበልኩም።

Tools 24. ኣዕውዲ ኸኣ እኽሊ ኺመልእ፣ መጽመቝታትውን ወይንን ዘይትን ኪጅርብብ እዩ።

Tools 25. ኣነ ኸኣ ኣቶ ኣንበጣን ኵብኵብታን ጐደበን ሓሰኻን፣ ኣባኻትኩም ዝሰደድክዎ ዓብዪ ሰራዊተይ ዝበልዔን ዓመታት ክኽሕሰኩም እየ

Tools 26. መብልዕ ክትበልዑ ክትጸግቡውን ኢኹም፣ ነቲ ተኣምራት ዝገበረልኩም ስም እግዚኣብሄር ኣምላኽኩም ድማ ከተመስግንዎ ኢኹም። ህዝበይውን ንዘለኣለም ኣይሐንኽን።

Tools 27. ኣነ ኣብ ማእከል እስራኤል ከም ዘሎኹ፣ ኣነኸኣ እግዚኣብሄር ኣምላኽኩም ከም ዝዀንኩ፣ ብጀካይ ድማ ካልእ ከም ዜልቦ ኽትፈልጡ ኢኹም፣ ህዝበይውን ንዘለኣለም ኣይሐንኽን።

Tools 28. ብድሕርዚ ኪኸውን እዩ፣ መንፈሰይ ናብ ልዕሊ ዅሉ ስጋ ክዅዑ እየ፣ ኣወዳትኩምን ኣዋልድኩምን ኪንበዩ፣ ኣረገውትኹም ሕልሚ ኪሐልሙ፣ ኣጕባዝኩም ከኣ ራእይ ኪርእዩ እዮም።

Tools 29. በተን መዓልታት እቲኤንሲ ኣብ ሰብኡትን ኣንስትን ባሮት እኳ መንፈሰይ ክዅዑ እየ።

Tools 30. ኣብ ሰማያትን ኣብ ምድርን ከኣ ተኣምራት፣ ደምን ሓውን ኣዕኑድ ትክን፣ ከርኢ እየ።

Tools 31. እታ ዓባይን መፍርሂትን መዓልቲ እግዚኣብሄር ከይመጸት፣ ጸሓይ ኣብ ጸልማት፣ ወርሒ ድማ ኣብ ደም ትልወጥ።

Tools 32. ኪኸውን ከኣ እዩ፣ ከምቲ እግዚኣብሄር ዝበሎ፣ ኣብ ከርን ጽዮንን ኣብ የሩሳሌምን ኣብቶም እግዚኣብሄር ዚጽውዖም ተረፍን ምድሓን ኪኸውን እዩ እሞ፡ ስም እግዚኣብሄር ዚጽውዕ ዘበለ ዅሉ ኺድሕን እዩ።