Tools
1.
ኣብ መበል ዓሰርተው ሓሙሽተ ዓመቱ ንግዝኣት ቄሳር ጢቤርዮስ ፡ ጶንጥዮስ ጲላጦስ ኣብ ይሁዳ ተሸይሙ ኸሎ፡ ሄሮዶስ ብዓል ርባዕ ሽመት ድማ ኣብ ገሊላ ፡ ፊልጶስ ሓዉ ብዓል ርባዕ ሽመትውን ኣብ ኢጡርያን ኣብ ሃገር ጥራኮኒቲስን ፡ ሊሳንያስ ብዓል ርባዕ ሽመት ከኣ ኣብ ኣቢለኔ ተሸይሞም ከለዉ፡
Tools
2.
ሊቃውንቲ ኻህናትውን ሃናን ቀያፋን ከለዉ ፡ ቃል ኣምላኽ ናብ ዮሃንስ ወዲ ዘካርያስ ኣብ በረኻ መጸ ።
Tools
3.
ንሱ ድማ ጥምቀት ንስሓ ንሕድገት ሓጢኣት እናሰበኸ ፡ ኣብ ኵሉ ወሰነ ወሰን ዮርዳኖስ ዞረ ።
Tools
4.
ከምቲ ኣብ ቃል መጽሐፍ ነብዪ ኢሳይያስ እተጻሕፈ ፡ ከምዚ ዚብል ፥ ቃል ኣዋጅ ነጋሪ ኣብ በረኻ ዚእውጅ ፥ ጐደና እግዚኣብሄር ጽረጉ መገዱ ድማ ኣቕንዑ ።
Tools
5.
ሽንጭሮ ዘበለ ልዕል ይበል፡ ከረንን ኵርባን ዘበለ ድማ ትሕት ይበል ፡ ቄናን ከኣ ይቕናዕ ፡ ድንጉርውን ሰጥ ዝበለ መገዲ ይኹን ።
Tools
6.
ስጋ ዝለበሰ ዅሉ ምድሓን ኣምላኽ ኪርኢ እዩ።
Tools
7.
ነቶም ንሱ ኼጥምቖም ዝመጹ ሰባት ድማ ይብሎም ነበረ፥ ኣቱም ውላድ ተመን ፡ ካብቲ ዚመጽእ ቍጥዓ ኽትመልቁኸ ፡ መን ሐበረኩም ፧
Tools
8.
እምበኣርስኸ ንንስሓ ዚበቅዕ ፍረ ግበሩ። ካብዘን ኣእማን እዚኤን ንኣብርሃም ውሉድ ኬተንስኣሉ ንኣምላኽ ከም ዚከአሎ ፡ ኣብለኩም አሎኹ እሞ፡ ብርእስኹም ፥ ኣብርሃም ኣቦ አሎና ምባል ኣይትጀምሩ።
Tools
9.
ካብ ሕጂ ኸኣ ማሕጸ ኣብቲ ሱር ኣእዋም ተነቢሩ አሎ። ስለዚ ጽቡቕ ፍረ ዘይፈሪ ዘበለ ዅሉ ኦም ይቑረጽ ናብ ሓዊ ኸኣ ይድርበ እዩ።
Tools
10.
እቶም ህዝቢ ድማ፥ እንታይ እሞ ንግበር ፡ ኢሎም ሐተትዎ ።
Tools
11.
ንሱ ኸኣ፥ ክልተ ቐምሽ ዘለዎ ነቲ ዜብሉ ይምቀሎ ፡ ቀለብ ዘለዎ ድማ ከምኡ ይግበር ፡ ኢሉ መለሰሎም ።
Tools
12.
ተገውቲ ድማ ኪጥመቑ መጺኦም ፥ መምህር ፡ እንታይ ንግበር ፧ በልዎ ።
Tools
13.
ንሱ ኸኣ፥ ካብቲ እተኣዘዘልኩም ሓለፋ ኣይትውሰዱ ፡ በሎም ።
Tools
14.
ዓቀይቲውን ፥ ንሕናኸ እንታይ ንግበር ፧ ኢሎም ሐተትዎ ። ንሱ ኸኣ፥ ንሓደ እኳ ኣይትግፍዑ ፡ ብሓሶትውን ኣይትኽሰሱ ፡ ደደመወዝኩም ከኣ ይእከልኩም ፡ በሎም ።
Tools
15.
እቶም ህዝቢ ኺጽበዩ ኸለዉ ፡ ኵሎም ከኣ ብዛዕባ ዮሃንስ ፥ ክርስቶስ ኰን ይኸውን ፧ ኢሎም በብልቦም ኪሐስቡ ኸለዉ ድማ፡
Tools
16.
ዮሃንስ መለሰ ንዅሎም በሎም ፡ ኣነስ ብማይ እየ ዘጥምቐኩም ዘሎኹ፡ እቲ ኻባይ ዚብርትዕ ፡ ኣነ ስራኽ ኣሳእኑ ንምፍታሕ ዘይበቅዕ ግና ይመጽእ አሎ። ንሱ ብመንፈስ ቅዱስን ብሓውን ኬጥምቐኩም እዩ።
Tools
17.
መስኤኡ ኣብ ኢዱ ሒዙ ዓውዱ የጽሪ ፡ ነቲ ስርናይ ኣብ ቆፎኡ ይእክቦ ፡ ነቲ ሓሰር ግና ብዘይጠፍእ ሓዊ ኼንድዶ እዩ።
Tools
18.
ብብዙሕ ካልእ ምዕዶ እናመዓዶምውን ፡ ነቶም ህዝቢ ኣበሰሮም ።
Tools
19.
ንሄሮድስ ብዓል ርባዕ ሽመት ድማ ብዛዕባ ሄሮድያዳ ሰበይቲ ፊልጶስ ሓዉን ብዛዕባ እቲ ሄሮድስ ዝገበሮ ዘበለ ዅሉ ኽፉእ ነገርን ምስ ገንሖ ፡
Tools
20.
ሄሮድስ ኣብ ልዕል እዚ ዅሉ ወሲኹ ፡ ንዮሃንስ ኣብ ቤት ማእሰርቲ ዓጸዎ ።
Tools
21.
ኰነ ድማ፡ እቲ ህዝቢ ዅሉ ምስ ተጠምቀ ፡ የሱስውን ተጠሚቑ ኺጽሊ ኸሎ፡ ሰማይ ተኸፍተ ።
Tools
22.
መንፈስ ቅዱስ ከኣ በርኣያ ስጋ ኸም ርግቢ ኣብ ልዕሊኡ ወረደ ፡ ንስኻ ብኣኻ ዝሰመርኩ ፍትዊ ወደይ ኢኻ፡ ዚብል ድምጺውን ካብ ሰማይ መጸ ።
Tools
23.
የሱስ ባዕሉ ኺምህር ምስ ጀመረ ፡ ኣስታት ወዲ ሰላሳ ዓመት ኣቢሉ ነበረ ። ወዲ ዮሴፍ ከም ዝዀነ ኸኣ ይመስሎም ነበረ፡ ወዲ ኤሊ ፡
Tools
24.
ወዲ ማታት ፡ ወዲ ሌዊ ፡ ወዲ መልኪ ፡ ወዲ ያና ፡ ወዲ ዮሴፍ ፡
Tools
25.
ወዲ ማጣትዩስ ፡ ወዲ ኣሞጽ ወዲ ናሆም ፡ ወዲ ኣስሊ ፡ ወዲ ናጌ ፡
Tools
26.
ወዲ መኣት ፡ ወዲ ማታትዩስ ፡ ወዲ ሴሜይ ፡ ወዲ ዮሴፍ ፡ ወዲ ይሁዳ ፡
Tools
27.
ወዲ ዮና ፡ ወዲ ሬሳ ፡ ወዲ ዘሩባቤል ፡ ወዲ ሰላትኤል ፡ ወዲ ኔሪ ፡
Tools
28.
ወዲ ሜልኪ ፡ ወዲ ኣዲ ፡ ወዲ ቆሳም ፡ ወዲ ኤልማዳም ፡ ወዲ ኤር ፡
Tools
29.
ወዲ ዮሴ ፡ ወዲ ኣልኣዛር ፡ ወዲ ዮራም ፡ ወዲ ማጣት ፡ ወዲ ሌዊ ፡
Tools
30.
ወዲ ስምኦን ወዲ ይሁዳ ፡ ወዲ ዮሴፍ ፡ ወዲ ዮናን ፡ ወዲ ኤልያቂም ፡
Tools
31.
ወዲ ሜልያ ፡ ወዲ ማይናን ፡ ወዲ ማጣት ፡ ወዲ ናታን ፡ ወዲ ዳዊት ፡
Tools
32.
ወዲ እሴይ ፡ ወዲ እዮቤድ ፡ ወዲ ቦኤዝ ፡ ወዲ ሰልሞን ፡ ወዲ ነኣሶን ፡
Tools
33.
ወዲ ኣሚናዳብ ፡ ወዲ ኣራም ፡ ወዲ ኤስሮም ፡ ወዲ ፋሬስ ፡ ወዲ ይሁዳ ፡
Tools
34.
ወዲ ያእቆብ ፡ ወዲ ይስሃቅ ፡ ወዲ ኣብርሃም ፡ ወዲ ታራ ፡ ወዲ ናሆር ፡
Tools
35.
ወዲ ሳሮክ ፡ ወዲ ራጉ ፡ ወዲ ፋሌቅ ፡ ወዲ ኣቤር ፡ ወዲ ሳላ ፡
Tools
36.
ወዲ ቃይናን ፡ ወዲ ኣርፋክሳድ ፡ ወዲ ሴም ፡ ወዲ ኖህ ፡ ወዲ ላሜክ ፡
Tools
37.
ወዲ ማቱሳላ ፡ ወዲ ሄኖክ ፡ ወዲ ያሬድ ፡ ወዲ መላልኤል ፡ ወዲ ቃይናን ፡
Tools
38.
ወዲ ሄኖስ ፡ ወዲ ሴት ፡ ወዲ ኣዳም ፡ ወዲ ኣምላኽ ።
