Tools 1. መሰውኢ ምሕራር ድማ ካብ ዕጨይቲ ሽጢም ገበረ፡ ምንዋሑ ሓሙሽተ እመት፡ ምግፋሑ፡ ኸኣ ሓሙሽተ እመት፡ ኣርባዕተ መኣዝኑ ማዕረ፡ ምብራኹ ድማ ሰለስተ እመት።

Tools 2. ኣብ ኣርባዕቲኡ መኣዝኑ ኸኣ ኣቕርንቲ ገበረሉ፡ እቲ ኣቕርንቱ ምስኡ ሓደ ነበረ፡ በስራዚ ድማ ለበጦ።

Tools 3. ኵሉ ኣቓሑ መሰውኢ ኸኣ ገበረ፡ መኣከብ ሓሙዅስትን መጽሓርያን ጭሔሎን መውግእ ስጋን ምድጃን፡ ንዅሉ ኣቓሑኡ ኻብ ኣስራዚ ገበሮ።

Tools 4. ንመሰውኢ ዚኸውን ከም መንፊት ዝበለ መጋረዲ ኻብ ኣስራዚ ገይሩ ኣብ ትሕቲ ኣርከኑ፡ ብሸነኽ ታሕቲ ኽሳዕ ፍርቁ ዚበጽሕ ገበሮ።

Tools 5. ነቲ ኣርባዕተ መኣዝን መጋረዲ ኣስራዚ ኸኣ መሰላታት ኪኣትዎ፡ ኣርባዕተ ቐለቤት ኣፍሰሰሉ።

Tools 6. መሰላታት ከኣ ካብ ዕጨይቲ ሽጢም ገበረ፡ በስራዚ ኸኣ ለበጦ።

Tools 7. ነቲ መሰላታት ከኣ፡ ብእኡ ኺጽወር፡ ናብቲ ኣብ ጎቦታት መሰውኢ ዘሎ ቐላብቲ ኣእተዎ። ካብ ሉሕ ጓንጓ ገይሩ ሰርሖ።

Tools 8. ገበራ ድማ ካብ ኣስራዚ፡ ኣጋሮኡውን ካብ ኣስራዚ ገበረ፡ ካብ መስትያታት እተን ኣብ ኣፍ ደገ ድንኳን መርኻብ ዜገልግላ ዝነበራ ኣንስቲ ገበሮ።

Tools 9. ኣጸድ ድማ ገበረ። ነቲ ኣጸድ ብሸነኽ ደቡብ፡ ካብ እተፋሕሰ ልሕጺ እንጣጢዕ ሚእቲ እመት ዝምንዋሑ መጋረጃታት ገበሮ።

Tools 10. ኣዕኑዱ ዕስራ፡ ኣእጋሩውን ዕስራ ኻብ ኣስራዚ ነበረ፡ ናብቲ ኣዕኑድ መሰቓቐልን ኣዛንግን ከኣ ካብ ብሩር ነበረ።

Tools 11. ብሸነኽ ሰሜን ድማ ሚእቲ እመት፡ ኣዕኑድ ዕስራ፡ ኣእጋሩ ኸኣ ዕስራ ኻብ ኣስራዚ፡ ናይቲ ኣዕኑድ መሰቓቐልን ኣዛንግን ከኣ ካብ ብሩር ነበረ።

Tools 12. ብሸነኽ ምዕራብ ድማ ሓምሳ እመት ዝምንዋሑ መጋረጃታት፡ ኣዕኑድ ዓሰርተ፡ ኣእጋሩውን ዓሰርተ፡ ናይቲ ኣዕኑድ መሰቓቐልን ኣዛንግን ከኣ ካብ ብሩር ነበረ።

Tools 13. ብሸነኽ ምብራቕ፡ በቲ ጸሓይ እትወጸሉ ድማ ሓምሳ እመት ነበረ።

Tools 14. ነቲ ኣፍ ደገ ብሓደ ሸነኹ ዓሰርተው ሓሙሽተ እመት መጋረጃ ምስ ሰለስተ ዓንድን ሰለስተ እግርን ነበረ።

Tools 15. ከምኡ ድማ ብኻልኣይ ሸነኽ፡ እሞ እቲ ኣፍ ደገ ኣጸድ በዝን በትን ዐዓሰርተው ሓሙሽተ እመት መጋረጃታት ምስ ሰለስተ ዓንዱን ሰለስተ እግሩን ነበሮ።

Tools 16. ኵሉ መጋረጃታት ዙርያ እቲ ኣጸድ ካብ እተፋሕሰ ልሕጺ እንጣጢዕ ነበረ።

Tools 17. ኣእጋር እቲ ኣዕኑድ ድማ ካብ ኣስራዚ ነበረ። ናይቲ ኣዕኑድ መሰቓቐልን ኣዛንግን ከኣ ካብ ብሩር ነበረ። ጕልላት እቲ ኣዕኑድ ድማ ብብሩር ተለቢጡ ነበረ፡ ኵሉ ኣዕኑድ እቲ ኣጸድውን ኣዛንግ ብሩር ነበሮ።

Tools 18. መጋረጃ ኣፍ ደገ ኣጸድ ድማ ካብ ሰማያውን ሕብሪ ደምን ጽሩይ ቀይሕን እተፋሕስ ልሕጺ እንጣጢዕን ተጠልፈ፡ ምንዋሑ ዕስራ እመት፡ ቍመቱ ኸኣ ብምግፋሑ ኸምቲ መጋረጃታት ኣጸድ ሓሙሽተ እመት ነበረ።

Tools 19. ኣዕኑዱ ኣርባዕተ፡ ኣእጋሩውን ኣርባዕተ ኻብ ኣስራዚ ነበረ፡ መሰቓቐሊኡ ኸኣ ካብ ብሩር ነበረ፡ ጕልላቱን ኣዛንጉን ብብሩር ተለበጠ፡

Tools 20. ኵሉ ሽኻውልቲ ማሕደርን ናይቲ ኣጸድ ብዙርያኡን ካብ ኣስራዚ ነበረ።

Tools 21. ጸብጻብ ናይቲ ማሕደር፡ ናይ ምስክር ማሕደር፡ ብትእዛዝ ሙሴ፡ ንኣልግሎት ሌዋውያን ብኢድ ኢታማር፡ ወዲ ኻህን ኣሮን፡ እተጸብጸበ እዚ እዩ።

Tools 22. በሳልኤል፡ ወዲ ኡሪ ወዲ ሁር ካብ ነገድ ይሁዳ ድማ እቲ እግዚኣብሄር ንሙሴ ዝኣዘዞ ዅሉ ገበረ።

Tools 23. ኦሆልያብ፡ ወዲ ኣሒሳማኽ ካብ ነገድ ዳን ከኣ፡ ምስኡ ነበረ፡ ንሱ ቐራጽን ብሰማያውን ሕብሪ ደምን ጽሩይ ቀይሕን ልሕጺ እንጣጢዕን ብልሓተኛ ኣላምን ጠላፍን ነበረ።

Tools 24. እቲ ንዅሉ ዕዮ ቤተ መቕደስ ንመስርሒ ዝዀነ ዅሉ ወርቂ፡ እቲ እተዋህበ ወርቂ፡ ብሲቃል መቕደስ ዕስራን ትሽዓተን ታለንትን ሾብዓተ ሚእትን ሰላሳን ሲቃልን ኰነ።

Tools 25. ካብቶም ናይ ኣኼባ እተቘጽሩ እተዋህበ ብሩር ድማ ብሲቃል መቕደስ ሚእቲ ታለንትን ሽሕን ሾብዓተ ሚእትን ሰብዓን ሓሙሽተን ሲቃል ኰነ።

Tools 26. ንነፍሲ ወከፍ ሰብ ካብቶም በቲ ቝጽሪ ዝሐለፉ፡ ካብ ወዲ ዕስራ ዓመት ንላዕሊ፡ እሞ ካብ ሹድሽተ ሚእትን ሰለስተን ሽሕን ሓሙሽተ ሚእትን ሓምሳን ሰብ ሓደ ቤቃ፡ ንሱ ኸኣ ፈረቓ ሲቃል መቕደስ፡ በጽሔ።

Tools 27. እቲ ሚእቲ ታለንት ብሩር ድማ ንምፍሳስ ኣእጋር መቕደስን ኣእጋር መጋረጃን፡ ሚእቲ ታለንት ንሚእቲ እግሪ፡ ሓደ ታለንት ንሓደ እግሪ ዀነ።

Tools 28. በቲ ሽሕን ሾብዓተ ሚእትን ሰብዓን ሓሙሽተን ሲቃል ድማ ነቲ ኣዕኑድ መሰቓቐሊ ገበረሉ፡ ንጕልላቱ ኸኣ ለበጦ፡ ኣዛንግውን ገበረሉ።

Tools 29. እቲ እተዋህበ ኣስራዚ ድማ ሰብዓ ታለንትን ክልተ ሽሕን ኣርባዕተ ሚእትን ሲቃል እዩ።

Tools 30. ብእኡ ኣእጋር ኣፍ ደገ ድንኳን ምርኻብን መሰውኢ ኣስራዝን ናይ ኣስራዚ መጋረዲኡን ኵሉ ኣቓሑ መሰውእን፡

Tools 31. ኣእጋር ኣጸድ ብዙርያኡን ኣእጋር ኣፍ ደገ ኣጸድን ኵሉ ሽኻውልቲ ማሕደርን ኵሉ ሽኻውልቲ ኣጸድ ናይ ብዙርያኡን ገበረ።