ሓደ ካብቲ ባህ ዘብል ናይ ኣምላኽ ነገር መሰል ውልድነት ምውሃቡ እዩ። እዚ መሰል ውልድነት እዚ ብምርዓም (adoption) (ከምቲ ሓንቲ ላም ንዘይውሉዳ ብምርዓ ከም ውሉዳ ትቕበሎ) ዝርከብ ዘይኮነስ ብዳግም-ልደት (regeneration) ዝርከብ እዩ። ስለዚ እዩ ድማ ጸባ ካብ ምምጋብ ጀሚሩ እናዓበና ክንከይድ ዝግብኣና። ቀደም ባሮት ሓጥያት ጽነበርና ሕጂ ግና ውሉዱ ጌሩና።

ባርያ ኣብ ትሕቲ ጐይታኡ ይነብር፡ ውሉድ ግና ኣብ ትሕቲ ኣቡኡ። ባርያ ዘርኢ ናይ ጐይታኡ የብሉን፡ ውሉድ ግና ተማቓሊ ባህሪያት ኣቡኡ እዩ። ባርያ ንጐይታኡ ብራዕዲ ይግዝኦ፡ ውሉድ ግና ነቡኡ ብፍቕሪ ይግዛእ። ባርያ ድኻ እዩ፡ ውሉድ ግና ሃብታም። ዝያዳ ኹሉ ድማ ባርያ ኣይወርስን እዩ፡ ውሉድ ግና ወራሲ እዩ። ስለዚ ድማ ብሞት ክርስቶስ ውልድነት ኣምላኽ ዝረኸብና፡ ውልድነትና ኣብዛ ምድሪ ከየብቅዐ፡ ነታ ብኢድ ሰብ ዘይኮነስ ብኢድ ኣምላኽ እተሃንጸት ሰማያዊት ቤትና እንወርስ ወረስቲ ኣምላኽ ኢና እሞ ባህርያት ኣቦና ወሪስና ንመላለስ።