Tools 1. ክዛረብ እየ እሞ፣ ሰማያት ጽን በሉ፣ ምድሪ ኸኣ ቃል ኣፈይ ትስማዕ።

Tools 2. ትምህርተይ ከም ዝናም ይኻፊ፣ ዘረባይ ከኣ ከም ዛዕዛዓ ይውረድ። ከም ጥሚቕ ኣብ ልዕሊ ለምለም፣ ከም ብርቱዕ ዝናም ኣብ ልዕሊ ሳዕሪ።

Tools 3. ስም እግዚኣብሄር እነግር አሎኹ እሞ፣ ንኣምላኽና ኣዕብይዎ።

Tools 4. ኵሉ መገዱ ፍርዲ እዩ እሞ፣ እቲ ኸውሒ ግብሩ ፍጹም እዩ፣ ዓመጽ ዜብሉ ኣምላኽ እምነት እዩ፣ ንሱ ጻድቕን ቅኑዕን እዩ።

Tools 5. ንሳቶም ተባላሸውዎ፣ ደቁ ኣይኰኑን፣ ነውራማት እዮም፣ ሓረመኛን ቄናንን ወለዶ ኣዮም።

Tools 6. ኣታ ዓሻን ዘይለባምን ህዝቢ፣ ንእግዚኣብሄር እዚዶ ትፈድይዎ፧ እቲ ዝፈጠረካ ኣቦኻስ ንሱዶ ኣይኰነን፧ ዝገበረካን ዘዳለወካን ንሱ እዩ።

Tools 7. እተን ጥንታውያን መዓልትታት ዘክር፣ ዓመታት እቶም ውሉድ ወለዶ ኣስተብህሉ፣ ነቦኻ ጠይቆ፣ ንሱ ኸኣ ኬግህደልካ እዩ፣ ዓበይትኻውን ኪነግሩኻ እዮም።

Tools 8. እቲ ልዑል ንህዝብታት ምስ ኣረስተዮም፣ ንደቂ ኣዳም ምስ ፈላለዮም፣ ከም ቊጽሪ ደቂ እስራኤል ዶባት ህዝብታት መደበ።

Tools 9. ግደ እግዚኣብሄር ህዝቡ እዩ እሞ፣ ያእቆብ ድማ ክፍሊ ርስቱ።

Tools 10. ኣብ ድምዊ ባድማ በረኻ፣ ኣራዊት ዜድህዩልይ፣ ኣብ ምድሪ በረኻ ረኸቦ። ከበቦን ተኸናኸኖን፣ ከም መርዓት ዓይኑ ሐለዎ።

Tools 11. ንስሪ ጨጨውቱ ኸም ዜንፍር ኣብ ልዕሊኦም ከኣ ከም ዚዝምቢ፣ ኣኽናፉ ዘርጊሑ ወሰዶ፣ ኣብ ከነቲቱ ኸኣ ጾሮ።

Tools 12. እግዚኣብሄር በይኑ መርሖ፣ ምስኡ ጓና ኣምላኽ ኣይነበረን።

Tools 13. ኣወጢሑ ብበረኽቲ ምድሪ ኣሕለፎ፣ እቶት ግራሁ በልዔ፣ ካብ ከውሒ መዓር ኣምጸዮ፣ ካብ ተሪር ከውሒ ኸኣ ዘይቲ።

Tools 14. ጠስሚ ላምን ጸባ በጊዕን ምስ ስብሒ ገንሸልን ደዓውል ባሳንን ኣጣልን ምስ ስብሒ ፍቱግ ስርናይ፣ ካብ ደም ኣስካል ከኣ ወይኒ ሰቴኻ።

Tools 15. ይሹሩን ግና ሀጠረ እሞ ተናድሔ፣ ሰባሕካ፣ ረጐድካ፣ ከረሽካ። ሽዑ ነቲ ዝገበሮ ኣምላኽ ሐደጎ፣ ንኸውሒ ምድሓኑ ነዐቖ።

Tools 16. ብጓኖት ኣማልኽቲ ኣቕንእዎ፣ ብጽያፍ ኣናደድዎ።

Tools 17. ኣምላኽ ንዘይኰኑ ኣጋንንቲ፣ ንዘይፈልጥዎም ኣማልኽቲ፣ ኣቦታትኩም ንዘይፈርህዎም፣ ሕጂ ቕሩብ ንዝመጹ ሓደስቲ ኣማልኽቲ ሰውኡ።

Tools 18. ዝወለደካ ኸውሒ ሓደግካ፣ ዝፈጠረካ ኣምላኽ ድማ ረሳዕካ።

Tools 19. ኣወዳቱን ኣዋልዱን ስለ ዘዀረይዎ፣ እግዚኣብሄር ከኣ ርእዩ ደርበዮም።

Tools 20. በለ ድማ፡ ንሳቶም ሓረመኛ ወለዶ፡ እምነት ዜብሎም ደቂ እዮም እሞ፡ ገጸይ ክሐብኣሎም እየ፡ መወዳእታኦም እንታይ ምዃኑ ኽርኢ እየ።

Tools 21. ንሳቶም ኣምላኽ ብዘይኰነ ኣቕንኡኒ፣ ብኸንቱነቶም ኣዀረዩኒ። ኣነ ኸኣ ህዝቢ ብዘይኮነ ከቕንኦም፣ ብዓሻ ህዝቢ ከዀርዮም እየ።

Tools 22. ብዅራይ ሓዊ ነዲዱ እዩ እሞ፣ ክሳዕ ታሕታይ ሲኦል ይነድድ፣ ንምድሪ ምስ ፍሬኣ ይበልዓ፣ መሰረታት ኣኽራን ድማ የሕርር።

Tools 23. ክፉእ ኣብ ልዕሊኦም እእክብ፣ ፍላጻይ እውርውረሎም።

Tools 24. ብጥሜት ይምህምኑ፣ ብረስኒ ዓሶን ብመሪር ፌራን ይብልዑ። ኣስናን ኣራዊት ምስ ሕንዚ ለመምታ ምድሪ ኽሰደሎም እየ።

Tools 25. ሴፍ ኣብ ወጻኢ፣ ኣብ ውሽጢ ቤትውን ፍርሃት፣ ንጐበዝን ንቘንጆን ንዚጠቡ ምስ ሸያብ ኪውድኦም እዩ።

Tools 26. ምበልኩ፣ ፋሕ ከብሎም፣ መዘከርታኦም ካብ ማእከል ሰብ ክጥርስ።

Tools 27. ግናኸ ምቊንጻብ ጸላኢ ፈራህኩ፣ እቶም ወደረኛታቶም ተጋግዮም፣ ነዚ ዅሉ እታ ልዕልቲ ኢድና ደኣ እምበር፣ እግዚኣብሄር ኣይኰነን ዝገበሮ፣ ከይብሉ።

Tools 28. ምኽሪ ዝጠፍኦም ህዝቢ እዮም እሞ፣ ምስትውዓል ከኣ የብሎምን።

Tools 29. ነዚ ኼስተውዕልዎ፣ ነቲ ዳሕራዮም ድማ ኪሐስቡስ፣ ለባማት ደኣ እንተ ዚዀኑ።

Tools 30. እቲ ኸውሖም እንተ ዘይሸጦም፣ እግዚኣብሄር ከኣ ኣሕሊፉ እንተ ዘይህቦምሲ፣ ከመይ ገይሩ ደኣ ሓደስ ንሽሕ ይሰጎም፧ ክልተስ ንዓሰርተ ሽሕ የህድምዎም፧

Tools 31. እቲ ኸውሖም ከም ከውሕና ኣይኰነን እሞ፣ ጸላእትና ድማ በዚ ፈረዲ እዮም።

Tools 32. ወይኖም ካብ ወይኒ ሶዶም፣ ካብ ግራት ጎሞራ ኸኣ እዩ እሞ፣ ዘቢቦም መርዛም ዘቢብ፣ ኣስካሎም ድማ መሪር እዩ።

Tools 33. ወይኖም ሕንዚ ገበል ዝበርትዔ ሕንዚ መንደላይ ተመን ከኣ እዩ።

Tools 34. እዚ ኣባይ ተኣርኒቡ፣ ኣብ መዝገበይ ከኣ ተሐቲሙዶ ኣይኰነን፧

Tools 35. መዓልቲ ጥፍኣቶም ቀረባ፣ እቲ እተዳለወሎም ከኣ ቀልጢፉ ኺመጽእ እዩ እሞ፣ በታ ኣእጋሮም ዚሰናኸለላ ጊዜ፣ ምፍዳይ ሕነን ምኽሓስን ናተይ እዩ።

Tools 36. ሓይሎም ከም እተወድኤ፣ እተዐጽወን እተሐድገን ከም ዜልቦ ድማ ምስ ረአየ፣ እግዚኣብሄር ንህዝቡ ኺብይን እዩ እሞ፣ ንባሮቱ ኸኣ ኪርሕርሓሎም እዩ።

Tools 37-38. ሽዑ ይብል፣ እቶም ኣማልኽቶም፣ እቲ ዚእመንዎ ኸውሒ፣ እቶም ስብሒ መስዋእቲ ሕሩዶም ዝበልዑ፣ ወይኒ መስዋእቲ መስቴኦም ከኣ ዝሰተዩ ኣበይ አለዉ፧ ይተንስኡ እሞ ይርድኡኹም፣ መጸግዒውን ይኹኑኹም።

Tools 39. ኣነ፡ ኣነ እየ ንሱ፡ ምሳይ ካልእ ኣምላኽ ከም ዜልቦ ድማ፡ ሕጂ ርአዩ። ኣነ እቐትል ህያው እገብር፡ ኣነ ኤቚስል እፍውስ ድማ፡ ካብ ኢደይ ዜድሕን ከኣ የልቦን።

Tools 40. ኢደይ ንሰማይ ኤልዕል እሞ፡ ኣነ ንዘለኣለም ህያው እየ፣ እብል።

Tools 41. ነቲ ዜንበልብል ሴፈይ ምስ ሰሐልኩ፣ ኢደይውን ፍርዲ ምስ እትሕዝ፣ ንተጻረርተይ ክብቀሎም እየ፣ ንዚጸልኡኒውን ክፈድዮም እየ፣

Tools 42. ካብ ደም ቅቱላትን ምሩኻትን ንፍላጻታተይ ብደም ከስክሮ እየ። ሴፈይ ድማ ካብ ርእሲ መራሕቲ እቲ ጸላኢ፣ ስጋ ኺውሕጥ እዩ።

Tools 43. ንደም ባሮቱ ተበቂሉ፣ ንመጻርርቱ ሕነ ኺፈዲ፣ ንምድሩ፣ ንህዝቡ ኺዕረቕ እዩ እሞ፣ ኣቱም ህዝብታት፣ ምስ ህዝቡ ተሐጐሱ።

Tools 44. ሙሴ ድማ፣ ንሱ ምስ እያሱ ወዲ ነዌ፣ መጺኡ ኣብ እዝኒ እቲ ህዝቢ ዅሉ ቓላት እዚ መዝሙር እዚ ተዛረበ።

Tools 45. ሙሴ ኸኣ ኵሉ እዚ ነገር እዚ ንዅሉ እስራኤል ተዛሪቡ ወድኤ፣

Tools 46. በሎም ድማ፡ እዚ ኣነ ሎሚ ዝምስክረልኩም ዘሎኹ ዅሉ ቓላት ንደቅኹም ተጠንቂቖም ኪገብርዎ ኽትእዝዝዎም፡ ዅሉ ቓላት እዚ ሕጊ እዚ ኣብ ልዕብኹም ኣንብርዎ።

Tools 47. እዚ ነገር እዚ ህይወትኩም እዩ እምበር፣ ከንቱ ነገር ኣይኰነን፣ ኣብታ ንስካትኩም ክትወርስዋ ንዮርዳኖስ እትሳገርዎ ዘሎኹም ምድሪ ድማ በዚ ነገር እዚ መዓልትታትኩም ተንውሑ።

Tools 48. እግዚኣብሄር ድማ በታ መዓልቲ እቲኣ ንሙሴ ከምዚ ኢሉ ተዛረቦ፣

Tools 49. ናብዚ ኣብ መንጽር ያሪኮ፣ ኣብ ምድሪ ሞኣብ ዘሎ ኸረን ዓባሪም፣ ናብ ከረን ኔቦ፣ ደይብ፣ እሞ ነታ ኣነ ንደቂ እስራኤል ንርስቲ ዝህቦም ምድሪ ኸነኣን ርኣያ።

Tools 50. ከምቲ ኣሮን ሓውካ ኣብ ከረን ሁር ዝሞተ፣ ናብ ህዝቡ ኸኣ እተአከበ፣ ንስኻ ድማ ኣብቲ እትድይቦ ኸረን ሙት፣ ናብ ህዝብኻውን ተኣከብ።

Tools 51. እዚ ኣብ ማይ መሪባ፣ ኣብ ቃዴስ ኣብ በረኻ ሲን ኣብ ማእከል ደቂ እስራኤል ስለ ዝዓመጽኩምን፣ ኣብ ማእከል ደቂ እስራኤል ከኣ ስለ ዘይደቀስኩምኒ እዩ።

Tools 52. ነታ ኣነ ንደቂ እስራኤል ዝህቦም ምድሪ ኣማዕዲካ ትርእያ፣ ናብኣ ግና ኣይትኣቱን ኢኻ።