Tools 1. እግዚኣብሄር ድማ ንሙሴ ኸምዚ ኢሉ ተዛረቦ፡

Tools 2. ንኣሮንን ንደቁን፡ ካብቲ ደቂ እስራኤል ዚቕድሱለይ ቅዱስ ነገር ኪፍለዩን፡ ነቲ ቅዱስ ስመይ ከኣ ከየርክሱን ንገሮም። ኣነ እግዚኣብሄር እየ።

Tools 3. ብዚመጽእ ወለዶኹም፡ ዝዀነ ሰብ ካብ ኲሉ ዘርእኹም፡ ርኽሰቱ ኣብ ልዕሊኡ ኸሎ፡ ናብቲ ደቂ እስራኤል ንእግዚኣብሄር ዚቕድሱሉ ቅዱስ ነገር ዝቐረበ፡ እታ ንፍሲ እቲኣ ኻብ ቅድመይ ክትምንቈስ እያ፡ በሎም። ኣነ እግዚኣብሄር እየ።

Tools 4. ዝዀነ ሰብ ካብ ዘርኢ ኣሮን ለምጻም ወይ ዘርኡ ዚከዐዎ፡ ክሳዕ ዚነጽህ ካብቲ ቅዱስ ነገር ኣይብላዕ። ብምዉት ዝረኸሰ ዘበለ ነገር ዝተንከየ፡ ወይ ዘርኡ ኻብኡ ዝወጾ ሰብ፡

Tools 5. ንዜርክሶ ዘበለ ለመምታ ዝተንከየ ሰብ፡ ወይ ዝዀነ ርኽሰት ብዘለዎ ሰብ ዝረኸሰ፡

Tools 6. ነዚ ዝተንከየት ነፍሲ ኽሳዕ ምሸት ርኽስቲ ትኹን፡ ስጋኡ ብማይ ክሳዕ ዚሕጸብ ካብቲ ቅዱስ ነገር ኣይብላዕ።

Tools 7. ጸሓይ ምስ ዐረበት ከኣ ይነጽህ፡ ድሕርቲ፡ ንሱ ምግቡ እዩ እሞ፡ ካብቲ ቅዱስ ነገር ይብላዕ።

Tools 8. ብእኡ ኸይረክስሲ፡ ሕሉቕን ኣራዊት ዝቐተሎን ኣይብላዕ። ኣነ እግዚኣብሄር እየ።

Tools 9. ብዛዕባኡ ሓጢኣት ከይጾሩ፡ እንተ ኣርከስዎ ድማ፡ ከይሞቱ፡ ትእዛዘይ ይሐልዉ። ዝቕድሶም ኣነ እግዚኣብሄር እየ።

Tools 10. ጓና ዘበለ ኻብቲ ቅዱስ ነገር ኣይብላዕ፡ ምስ ካህን ዚነብር ወይ ግዙኡ ኻብቲ ቅዱስ ነገር ኣይብላዕ።

Tools 11. እቲ ኻህን ብገንዘቡ ተሻይጡ ሰብ እንተ ኣጥረየ ግና፡ ንሱ ኻብኡ ይብላዕ፡ ኣብ ቤቱ እተወልደ ኸኣ ከምኡ፡ እዚኣቶም ካብቲ እንጌራኡ ይብልዑ።

Tools 12. ጓል ካህን ድማ ሰበይቲ ጓና እንተ ዀነት ካብቲ ናይ ቅዱስ ነገር ዚልዐል መስዋእቲ ኣይትብላዕ።

Tools 13. ጓል ካህን መበለት እንተ ዀነት ወይ ፍትሕቲ፡ ውሉድ ከኣ ዜብላ፡ ተመሊሳ፡ ከምቲ ብጓላ ኸላ፡ ኣብ ቤት ኣቦኣ እንተ ተቐመጠት፡ ካብ እንጌራ ኣቦኣ ትብላዕ። ጓና ዘበለ ግና ካብኡ ኣይብላዕ።

Tools 14. ዝዀነ ሰብ ብዘይ ምፍላጥ ካብቲ ቅዱስ ነገር እንተ በልዔ፡ ኣብ ልዕሊኡ ሓምሳይ ኣፍ ወሲኹ እቲ ቅዱስ ነገር ንኻህን ይሀቦ።

Tools 15-16. ዝቕድሶም ኣነ እግዚኣብሂር እየ እሞ፡ ንሳቶም ካብቲ ዝቐደስዎ ነገር ብምብላዖም በደል ዚዀኖም ክፍኣት ከይጾሩስ፡ ነቲ ደቂ እስራኤል ንእግዚኣብሄር ዚስውእዎ ቅዱስ ነገር ኣየርክሱ።

Tools 17. እግዚኣብሄር ድማ ንሙሴ ኸምዚ ኢሉ ተዛረቦ፡

Tools 18. ንኣሮንን ንደቁን ንዂሎም ደቂ እስራኤልን ተዛረቦም በሎም ከኣ፡ ዝዀነ ሰብ ካብ ቤት እስራኤል ወይ ኣብ እስራኤል ካብ ዚነብር ጓና መስዋእቱ ዜቕርብ፡ መስዋእቲ መብጽዓ ዀነ ወይ መስዋእቲ ፍቓድ፡ ንእግዚኣብሄር ንዚሐርር መስዋእቲ ዜቕርብዎ፡

Tools 19. ምእንቲ ኺፍተወልኩም፡ ካብ ኣብዑር ኰነ ወይ ካብ ኣባጊዕ ወይ ካብ ኣጣል፡ ጐደሎ ዜብሉ ተባዕታይ ኣቕርቡ።

Tools 20. ጐደሎ ዘለዎ ዘበለ ግና ኣይፍተወልኩምን እዩ እሞ፡ ኣይተቕርብዎ።

Tools 21. ዝዀነ ሰብ ድማ ንምፍጻም መብጽዓ ወይ መስዋእቲ ፍቓድ፡ ንእግዚኣብሄር መስዋእቲ ምስጋና፡ ካብ ማል ኰነ ወይ ካብ ጤለበጊዕ፡ ምስ ዜቕርብ፡ ምእንቲ ኺፍቶ ጐደሎ ዜብሉ ይኹን፡ ገለ እኳ ጐደሎ ኣይሀልዎ።

Tools 22. ዕውር ወይ ስቡር ወይ ቊሩጽ ወይ ቊሱል ወይ ዐባቕ ወይ ሻሕራም፡ እዚ ንእግዚኣብሄር እይተቕርቡሉ። ካብ እዚኣቶም ንእግዚኣብሄር መስዋእቲ ሓዊ ኣብ ልዕሊ መሰውኢ ኣይትግበሩ።

Tools 23. ብዕራይ ወይ በጊዕ ኣካሉ እንተ ነውሔ ወይ እንተ ሓጸረ፡ ንመስዋእቲ ፍቓድሲ ግበሮ፡ ንመስዋእቲ መብጽዓ ግና ኣይፍቶን እዩ።

Tools 24. ብምጭፍላቕ ወይ ብምቕጥቃጥ ወይ ብምምላሕ ወይ ብምቚራጽ ዝሶረ ንእግዚኣብሄር ኣይተቕርቡሉ፡ ኣብ ሃገርኩምውን ኣይትግበርዎ።

Tools 25. እዚኣቶም ጒዱኣት እዮም፡ ጐደሎ አለዎም እሞ፡ ካብ ኢድ ጓና ድማ ካብዚ ዂሉ እንጌራ ኣምላኽኩም ኣይተቕርቡ፡ ኣይፍተወልኩምን እዩ።

Tools 26. እግዚኣብሄር ድማ ንሙሴ ኸምዚ ኢሉ ተዛረቦ፡

Tools 27. ብተይ ወይ ዕየት ወይ ማሕስእ ምስ ተወልደ፡ ሾብዓተ መዓልቲ ምስ ኣዲኡ ይጽናሕ፡ ካብ ሳምነይቲ መዓልቲ ንንየው ከኣ ንመስዋእቲ ሓዊ ንእግዚኣብሄር ፍትዊ እዩ።

Tools 28. ላም ኰነ ወይ በጊዕ ምስ ውላዳ ብሓንቲ መዓልቲ ኣይትሕረዱ።

Tools 29. መስዋእቲ ምስጋና ንእግዚኣብሄር ምስ እትስውኡሉ፡ ከም ዚፍተወልኩም ጌርኩም ሰውእዎ።

Tools 30. በታ መዓልቲ እቲኣ ይበላዕ፡ ካብኣ ገለ እኳ ኽሳዕ ንጽብሒቱ ኣይትሕደጉ። ኣነ እግዚኣብሄር እየ።

Tools 31. ትእዛዛተይ ድማ ሐልዉ፡ ግበርዎውን። ኣነ እግዚኣብሄር እየ።

Tools 32. ኣብ ማእከል ደቂ እስራኤል ምእንቲ ክቕደስሲ፡ ነቲ ቅዱስ ስመይ ኣይተርክስዎ። ዝቕድሰኩም ኣነ እግዚኣብሄር እየ።

Tools 33. ኣምላኽኩም ምእንቲ ክኸውን፡ ካብ ምድሪ ግብጺ ዘውጻእኩኹም፡ ኣነ እግዚኣብሄር እየ።