Tools 1. እግዚኣብሄር ድማ ንሙሴ በሎ፡ ንኻህናት፡ ነቶም ደቂ ኣሮን፡ ተዛረቦም በሎም ከኣ፡ ብገለ ምዉት ካብ ህዝቢ ኣይርከስ፡

Tools 2. ብጀካ ብቐረባ ዘመዱ፡ በዲኡ ወይ በቦኡ ወይ ብወዱ ወይ ብጓሉ ወይ ብሓዉ፡

Tools 3. ድማ በታ እትቐርቦ ድንግል፡ ዘይተመርዐወት ሓብቱ፡ ብእኣ ይርከስ።

Tools 4. ኣብ መንጎ ህዝቡ ጐይታ እዩ፡ ከይገሀስ ርእሱ ኣየርክስ።

Tools 5. ርእሶም ላጽዮም ኣየብርሑ፡ ወሰነ ወሰነ ጭሕሞም ድማ ኣይላጽዩ፡ ኣብ ስጋኦም ከኣ ብጣሕ ኣይብጥሑ።

Tools 6. ንኣምላኾም ቅዱሳት ይኹኑ፡ ስም ኣምላኾምውን ኣየርክሱ። ንሳቶም ናይ እግዚኣብሄር መስዋእቲ ሓዊ፡ እንጌራ ኣምላኾም፡ የቕርቡ እዮም እሞ፡ ስለዚ ቅዱሳት ይኹኑ።

Tools 7. ንኣምላኹ ቅዱስ እዩ እሞ፡ ኣመንዝራ ወይ ዝነወረት ሰበይቲ ኣየእትዉ፡ ወይ ካብ ሰብኣያ እተፈትሔት ሰበይቲ አየእትዉ፡

Tools 8. ንሱ እንጌራ ኣምላኽካ የቕርብ እዩ እሞ፡ ስለዚ ቀድሶ። ኣነ እግዚኣብሄር ዝቕድሰኩም ቅዱስ እየ እሞ፡ ንሱ ንኣኻ ቅዱስ ይኹን።

Tools 9. ጓል ካህን ብምንዝርና እንተ ረኸሰት። ንሳ ነቦኣ ኣርከሰት። ብሓዊ ትንደድ።

Tools 10. እቲ ኣብ ርእሱ ዘይቲ ቕብኣት እተኻዕዎ፡ ቅዱስ ኣልባስ ኪለብስ ድማ እተቐደሰ፡ ኣብ ኣሕዋቱ ኸኣ ሊቀ ኻህናት ዝዀነ፡ ንሱ ርእሱ ኣይቕላዕ፡ ክዳኑውን ኣይቕደድ።

Tools 11. ናብ ገለ ምዉት ሰብ ድማ ኣይእቶ፡ በቦኡን በዲኡን ከኣ ኣይርከስ።

Tools 12. እቲ ኣኽሊል ዘይቲ ቕብኣት ኣምላኹ ኣብ ልዕሊኡ እዩ እሞ፡ ካብ መቕደስ ኣይውጻእ፡ መቕደስ ኣምላኹ ኸኣ ኣየርክስ። ኣነ እግዚኣብሄር እየ።

Tools 13. ንሱ ድማ ብድንግልናኣ ዘላ ሰበይቲ የእቱ።

Tools 14. ሰበይቲ ኻብ ህዝቡ ድንግል የእቱ እምበር፡ መበለት ወይ ፍትሕቲ ወይ ዝረኸሰት ወይ አመንዝራ ኣየእቱ።

Tools 15. ዝቕድሶ ኣነ እግዚኣብሄር እየ እሞ፡ ዘርኡ ኣብ ማእከል ህዝቡ ኣየርክስ።

Tools 16. እግዚኣብሄር ድማ ንሙሴ ኸምዚ ኢሉ ተዛረቦ፡

Tools 17. ንኣሮን ከምዚ ኢልካ ተዛረቦ፡ ብዚመጽእ ወለዶኦም ዝዀነ ሰብ ካብ ዘርእኻ ጐደሎ ዘለዎ፡ እንጌራ ኣምላኹ ኬቕርብ ኢሉ ኣይቕረብ።

Tools 18. ዝዀነ ሰብ ጐደሎ ዘለዎ፡ ዕዉር ወይ ሓንካስ ወይ ጥፍሉሕ ኣፍንጫኡ ወይ ኣብ ኣካሉ ገለ ሓለፋ ዘለዎ፡

Tools 19. ወይ ስቡር እግሪ ወይ ስቡር ኢድ ዘለዎ ሰብ፡

Tools 20. ወይ ጐባጥ ወይ ድንኪ ወይ ዓይኑ ዝሐበለ ወይ ሻሕራም ወይ ዓባቕ ወይ ስሉብ ኣይቕረብ።

Tools 21. ካብ ዘርኢ ኻህን ኣሮን ጐደሎ ዘለዎ ዘበለ ሰብ መስዋእቲ ሓዊ እግዚኣብሄር ኬቕርብ ኣይቕረብ። ጐደሎ አለዎ፡ እንጌራ ኣምላኹ ኬቕርብ ኢሉ ኣይቕረብ።

Tools 22. እንጌራ ኣምላኹ ካብቲ ቅዱስ ቅዱሳንን ካብቲ ቅዱስን ይብላዕ።

Tools 23. ዝቕድሶም ኣነ እግዚኣብሄር እየ እሞ፡ ጐደሎ ስለ ዘለዎ፡ መቓድሰይ ከየርክስ፡ ናብ ውሽጢ መጋረጃ ኣይእቶ፡ ናብ መሰውኢ ኸኣ ኣይቕረብ።

Tools 24. ሙሴ ድማ እዚ ንኣሮንን ንደቁን ንዂሎም ደቂ እስራኤልን ተዛረቦም።