Tools 1. ድሕርዚ ድማ ሙሴን ኣሮንን ናብ ፈርኦን ኣትዮም በልዎ፤ እግዚኣብሄር ኣምላኽ እስራኤል ከምዚ ይብል፤ ንህዝበይ ኣብ በረኻ በዓል ኪገብሩለይ፡ ሕደጎም።

Tools 2. ፈርኦን ድማ፤ እቲ ቓሉ ሰሚዔ ንእስራኤል ዝሐድግሲ፡ እግዚኣብሄር መን እዩ፧ ንእግዚኣብሄር ኣይፈልጥ፡ ንእስራኤል ከኣ ኣይሐድግ፡ በለ።

Tools 3. ንሳቶም ድማ፤ ኣምላኽ እብራውያን ተራኺቡና እዩ እሞ፡ ፌራ ወይ ሴፍ ምእንቲ ኸየውርደልናስ፡ መገዲ ሰለስተ መዓልቲ ናብ በረኻ ኼድና ንእግዚኣብሄር ኣምላኽና ኽንስውኣሉ፡ በጃኻ ፍቐደልና፡ በልዎ።

Tools 4. ንጉስ ግብጺ ኸኣ፤ ዎ ሙሴን ኣሮንን፡ ስለምንታይ ነዚ ህዝቢ ኻብ ዕዮኡ ተብኵርዎ አሎኹም፧ ናብ ዕዮኹም ኪዱ፡ በሎም።

Tools 5. ፈርኦን ድማ፤ እንሆ፡ እዚ ህዝቢ ሕጂ ኣብዛ ሃገር በዚሑ እዩ። ካብ ዕዮኦም ከኣ ተዕርፍዎም አሎኹም፡ በለ።

Tools 6. ፈርኦን በታ መዓልቲ እቲኣ ነቶም ሓላቑ ህዝብን መዕየይቶምን ከምዚ ኢሉ ኣዘዞም፤

Tools 7. ደጊም ባዕላቶም ከይዶም ሓሰር ይአክቡ እምበር፡ ነቶም ህዝቢ ኸም ቀደምኩም ንመስርሕ ጡብ ሓሰር ኣይትሀብዎም።

Tools 8. ቍጽሪ ጡብ ድማ ከምቲ ቐደም ዚገብርዎ ዝነበሩ ኣግብርዎም፡ ካብኡ እኳ ኣይተጕድሉ። ሃካያት እዮም እሞ፡ ስለዚ፤ ንኣምላኽና ኽንስውእ ንኺድ፡ ኢሎም ይጠርዑ አለዉ።

Tools 9. ነዞም ሰባት እዚኦም፡ ናብ ዘረባ ሓሶት ከየቕልቡ፡ ዕዮ ይኽበዶም፡ ንእኡ ድማ ይዕየዩ።

Tools 10. ሽዑ እቶም ሓላቑ ህዝብን መዕየይቶምን ወጺኦም፡ ነቶም ህዝቢ በልዎም፤ ፈርኦን ከምዚ ይብል፡ ሓሰር ኣይህበኩምን እየ፡

Tools 11. ናብ እትረኽቡሉ ኼድኩም ባዕላትኩም ሓሰር ኣክቡ። ካብቲ ዕዮኹም ግና ገለ ኣይጕደል።

Tools 12. እቲ ህዝቢ ኸኣ ኣብ ክንዲ ሓሰር ብርዒ ኺእክብ፡ ናብ ኵላ ምድሪ ግብጺ ፋሕ በለ።

Tools 13. እቶም ሓላቑ ድማ፤ እቲ ነንመዓልቲ እተመደበ ዕዮ፡ ከምቲ ሓሰር ከሎኩም፡ ነንመዓቲ ምልኡ፡ ኢሎም ሀወኽዎም።

Tools 14. ነቶም ካብ ደቂ እስራኤል መዕየይቲ ኪዀኑ፡ ሓላቑ ፈርኦን ዝሸምዋም ድማ፤ እቲ እተመደበልኩም ዕዮ ጡብ ደኣ ትማልን ሎምንከ ኸመይ ከም ቀደምኩም ዘይመላእኩም፧ ኢሎም ገረፍዎም።

Tools 15. እቶም መዕየይቲ ደቂ እስራኤል ከኣ ናብ ፈርኦን ከይዶም ጠርዑ፡ ስለምንታይ ንገላዉኻ ኸምዚ ትገብረና አሎኻ፧

Tools 16. ንገላዉኻ ሓሰር ኣይህቡን፡ ጡብ ግበሩ ድማ ይብሉና። እንሆ ኸኣ፡ ገላዉኻ ተገርፉ፡ እዚ ግና ሓጢያት ህዝብኻ እዩ፡ በሉ።

Tools 17. ንሱ ግና፤ ንስኻትኩም ሃካያት ኢኹም፡ ሃካያት ኢኹም። ስለዚ፤ ንእግዚኣብሄር ክንስውእ ንኺድ፡ ትብሉ አሎኹም።

Tools 18. ሕጂ ድማ ኪዱ ዕየዩ። ሓሰር ኣይትወሀቡን፡ እቲ ምዱብ ቍጽሪ ጡብ ግና ክትህቡ ኢኹም።

Tools 19. ካብቲ ነናይ መዓልቲ ቝጽሪ ጡብ ኣይተጕድሉ፡ ምስ በልዎም፡ እቶም መዕየይቲ ደቂ እስራኤል ከም ዝገደዶም ረኣዩ።

Tools 20. ካብ ፈርኦን ኪወጹ ኸለዉ ድማ፡ ንሙሴን ንኣሮንን ተጓነፍዎም፡ ንሳቶም ኪረኽብዎም ደው ኢሎም ነበሩ።

Tools 21. በልዎም ድማ፤ ኣብ ቅድሚ ፈርኦንን ኣብ ቅድሚ ገላዉኡን ጨናና ኣኽፋእኩም፡ ንምቕታልና ኸኣ ሴፍ ኣብ ኢዶም ኣትሓዝኩምዋም። ስለዚ እግዚኣብሄር ይርኤኹም፡ ይፍረድ ድማ።

Tools 22. ሙሴ ኸኣ ናብ እግዚኣብሄር ተመሊሱ፤ ጐይታይ፡ ከመይ ነዚ ህዝቢ እዚ ኣኽፋእካሉ ስለምንታይከ ነዚ ለኣኽካኒ፧ ድማ በለ።

Tools 23. ካብታ ናብ ፈርኦን ከይደ ብስምካ እተዛረብኩላ፡ ነዚ ህዝቢ እዚ ኣኽፍኣሉ ንህዝብኻ ድማ ከቶ ኣየድሐንካዮን፡ ከኣ በለ።