Tools 1. መወዳእታ ዘረባ ዳዊት ድማ እዚ እዩ፡ ዳዊት ወዲ እሴይ ይብል፡ እቲ ኽብ ኣቢሉ ዘቘሞ ሰብአይ፡ እቲ ቕቡእ ኣምላኽ ያእቆብ፡ እቲ ናይ እስራኤል ጥዑም ዘማሪ ይብል፡

Tools 2. መንፈስ እግዚኣብሄር ብኣይ ተዛረብ፡ ቃሉ ኸኣ ኣብ ልሳነይ ነበረ።

Tools 3. ኣምላኽ እስራኤል በለ፡ ከውሒ እስራኤል ተዛረበኒ፡ እቲ ኣብ ልዕሊ ሰብ ብጽድቂ ዚነግስ፡ እቲ ብፍርሃት ኣምላኽ ዚነግስ፡

Tools 4. ንሱ ኸምቲ ደበና ዜብሉ ብጊሓት ጸሓይ እትበርቀሉ ጊዜ፡ እቲ ብድሕሪ ዝናም ብነጸብራቑ ኻብ ምድሪ ሳዕሪ ዜብቊለሉ፡ ከም ብርሃን ወጋሕታ እዩ።

Tools 5. ቤተይሲ ምስ ኣምላኽ ከምኡ ደይኰነን፡ ግናኸ ብዂሉ እተሰርዔን እተሐለወን ኪዳን ዘለአለም እቚሙለይይ እዩ እሞ፡ ኲሉ ምድሓነይ ኲሉ ባህገይንከ ኣየብቊለለይ ድዩ፡

Tools 6. እቶም ደቂ ብልያል ኵሎም ግና ከምቲ ብኢድ ዘይትሕዝ እሞ፡ ከም ዚድርበ እሾዂ እዮም።

Tools 7. እቲ ዚትንክዮም ሰብ ግና ሓጺንን ዛብያ ዂናትን ይሕዝ፡ ኣብታ ቦታኦም ድማ ብሓዊ ፈጺሞም ይነዱ።

Tools 8. ስም ጀጋኑ ዳዊት ከኣ እዚ እዩ፡ ዮሼብ-ባሸቤት ታሕክሞናዊ፡ ርእሲ እቶም ሓላቑ፡ ንሱ ዓዲኖ እቲ ዔዝናዊ ዂናት ኣልዒሉ ብሓንሳእ ሾሞንተ ሚእቲ ዝቐተለ እዩ።

Tools 9. ብድሕሪኡ ኸኣ ኣልኣዛር ወዲ ዶዶ፡ ወዲ ሓደ ኣሖሓዊ፡ ንሱ ኻብቶም ምስ ዳዊት ዝነበሩ ሰለስተ ጀጋኑ እየ፡ ንሳቶም ነቶም ኪዋግኡ ኣብኡ እተአከቡ ፍልስጥኤማውያን ምስ ኣላገጹሎም፡ እቶም ሰብ እስራኤል ድማ ምስ ኣድሓርሐሩ፡

Tools 10. ንሱ ግና ተንሲኡ ኢዱ ኽሳዕ እትድንዝዝ፡ ኢዱ ኣብታ ሴፍ ክሳዕ እትለግብ ድማ ንፍልስጥኤማውያን ቀተሎም። እግዚኣብሄር ከኣ በታ መዓልቲ እቲኣ ዓብዪ ምድሓን ገበረ። እቶም ህዝቢ ድማ ኪገፉ ጥራይ ደድሕሪኡ ተመልሱ።

Tools 11. ድሕሪኡ ኸኣ ሻማ ወዲ ኣጌ ሃራራዊ ነበረ። ፍልስጥኤማውያን ድማ ጨፊሮም ኣብ ሓንቲ ብርስን ዝመልኤት ግራት ተአከቡ። እቲ ህዝቢ ኸኣ ካብ ቅድሚ ፍልስጥኤማውያን ሀደመ።

Tools 12. ንሱ ግና ኣብ ማእከል እታ ግራት ቈይሙ ኣድሐና፡ ንፍልስጥኤማውያን ከኣ ሰዐሮም። እግዚኣብሄር ድማ ዓብዪ ምድሓን ገበረ።

Tools 13. ካብቶም ሰላሳ ሓላቑ ድማ ሰለስተ ወሪዶም፡ ብጊዜ ዓጺድ ናብ ዳዊት ናብ በዓቲ ኣዱላም መጹ። እቲ ጭፍራ ፍልስጥኤማውያን ከኣ ኣብ ለሰ ረፋይም ሰፈሩ ነበረ።

Tools 14. ሽዑ ዳዊት ኣብ ዕርዲ ነበረ፡ ዘብዔኛታት ፍልስጥኤማያን ከኣ ሽዑ ኣብ ቤት-ልሄም ነበሩ።

Tools 15. ዳዊት ድማ፡ ካብቲ ኣብ ጥቓ ደገ ቤት-ልሄም ዘሎ ዔላ መን ኰን ማይ የስትየኒ፡ ኢሉ ተመነየ።

Tools 16. ሽዑ እቶም ሰለስተ ጀጋኑ ነቲ ሰፈር ፍልስጥኤማውያን ጥሒሶም ካብቲ ኣብ ጥቓ ደገ ዘሎ ዔላ ቤት-ልሄም ማይ ቀዲሖም ጾይሮም ንዳዊት ኣምጽኡሉ። ዳዊት ግና ንእግዚኣብሄር ከዐዎ እምበር፡ ኪሰትዮስ ኣይፈተወን።

Tools 17. ንሱ፡ ደም እዞም ህይወቶም ቀቢጾም ዝኸዱ ሰባትዶ ኽሰቲ እየ፡ ዎ እግዚኣብሄር፡ እዝ ምግባርሲ ኻባይ ይርሐቕ፡ በለ። ምስታዩ ኸኣ ኣይፈተወን። እቶም ሰለስተ ጀጋኑ እዚ ነገር እዚ ገበሩ።

Tools 18. ኣቢሻይ ሓው ዮኣብ ወዲ ጽሩያ ኸኣ፡ ንሱ ነቶም ሰለስተ ሓለቓኦም ነበረ። ንሱ ድማ ኲናቱ ኣልዒሉ ንሰለስተ ሚእቲ ቐተሎም። ኣብ መንጎ እቶም ሰለስተ ኸኣ ስሙይ ነበረ፡

Tools 19. ካብቶም ሰለስተስ ዝኽበረዶ ኣይነበረን፡ ስለዚ ሓለቓኦም ኰነ፡ ክሳዕ ማዕረ እቶም ሰለስተ ቐዳሞት ግና ኣይበጽሔን።

Tools 20. በናያ ወዲ የሆያዳ ኸኣ፡ ወዲ ሓደ ጅግና ሰብአይ ብዓል ቀብጽኤል፡ ዓብዪ ነገር ዝገበረ፡ ንሱ ነቶም ክልተ ደቂ ኣሪኤል ሰብ ሞኣብ ቀተሎም፡ ንሱ ድማ ብጊዜ በረድ ናብ ውሽጢ ጒድጓድ ወሪዱ ኣንበሳ ቐተለ።

Tools 21. ንሱ ኸኣ ንሓደ ምርኡይ ግብጻዊ ሰብኣይ ቀተለ። ኣብ ኢድ እቲ ግብጻዊ ድማ ኲናት ነበረ፡ ንሱ ግና በትሪ ሒዙ ናብኡ ወረደ፡ ነቲ ዂናት ከኣ ካብ ኢድ እቲ ግብጻዊ መንዚዑ፡ ብገዛእ ኲናቱ ቐተሎ።

Tools 22. በናያ ወዲ የሆያዳ እዚ ነገር እዚ ገይሩ ነበረ እሞ፡ ኣብ መንጎ እቶም ሰለስተ ጀጋኑ ስሙይ ነበረ።

Tools 23. ካብቶም ሰላሳ ይኸብር ነበረ፡ ናብቶም ሰለስተ ቐዳሞት ግና ኣይበጽሔን። ዳዊት ከኣ መማኽርቱ ገበሮ።

Tools 24. ዓሳሄል ሓው ዮኣብ ካብቶም ሰላሳ ሓደ እዩ፡ ኤልሓናን፡ ወዲ ዶዶ ኻብ ቤት-ልሄም፡

Tools 25. ሻማ እቲ ሓሮዳዊ፡ ኤሊቃ እቲ ሓሮዳዊ፡

Tools 26. ሔለጽ እቲ ጳልጣዊ፡ ዒራ፡ ወዲ ዒቄሽ እቲ ተቆዓዊ፡

Tools 27. ኣቢዔዘር እቲ ዓናቶታዊ፡ ሜቡናይ እቲ ሑሻታዊ፡

Tools 28. ጻልሞን እቲ ኣሖሓዊ፡ መሓራይ እቲ ነጦፋታዊ፡

Tools 29. ሔለብ፡ ወዲ ባዓና እቲ ነጦፋታዊ፡ ኢታይ፡ ወዲ ሪባ ኻብ ጊብዓ ናይ ደቂ ብንያም።

Tools 30. በናያ ሓደ ጲርዓቶናዊ፡ ሂዳይ ካብ ርባታት ጋዓሽ፡

Tools 31. ኣቢ-ዓልቦን እቲ ዓርባታዊ፡ ዓዝማወት እቲ ባርሑማዊ፡

Tools 32. ኤልያሕባ እቲ ሻዓልቦናዊ፡ ብኔ-ያሸን፡ ዮናታን፡

Tools 33. ሻማ እቲ ሃራራዊ፡ ኣሒያም፡ ወዲ ሻራር እቲ ሃራራዊ፡

Tools 34. ኤሊ ፈለጥ፡ ወዲ ኣሓስባይ ወዲ ሓደ ማዓካታዊ ኤሊዓም፡ ወዲ ኣሒቶፌል እቲ ጊሎናዊ፡

Tools 35. ሔጽራይ እቲ ቀርሜሎሳዊ፡ ጳዓራይ እቲ ኣርባዊ፡

Tools 36. ዪጋል፡ ወዲ ናታን ካብ ጾባ፡ ባኒ እቲ ጋዳዊ፡

Tools 37. ጸለቅ እቲ ዓሞናዊ፡ ናሓራይ እቲ ብኤሮታዊ፡ ጋሻ ዛግረ ዮአብ ወዲ ጽሩያ፡

Tools 38. ዒራ ዪትራዊ፡ ጋሬብ ዪትራዊ፡

Tools 39. ኡርያ እቲ ሔታዊ፡ ኲላቶም ሰላሳን ሾብዓተን እዮም።