Tools 1. ዳዊት ድማ በታ እግዚኣብሄር ንእኡ ኻብ ኢድ ኲሎም ጸላእቱን ካብ ኢድ ሳኦልን ዘድሐነላ መዓልቲ ንእግዚኣብሄር ቃላት እዚ መዝሙር እዚ ተዛረበ።

Tools 2. ከምዚ ኸኣ በለ። እግዚኣብሄር ከውሔይን እምባይን መድሓንየይን እዩ

Tools 3. ኣምላኽ ተስፋ ዝገብሮ ኸውሔይ እዩ፡ ዋልታይን ቀርኒ ምድሓነይን፡ ግምበይን መህደምየይን እዩ። ዎ መድሓንየይ፡ ካብ ዓመጻ ተድሕነኒ።

Tools 4. ነቲ ኺውደስ ዚግብኦ እግዚኣብሄር እጽውዖ አሎኹ፡ ካብ ጸላእተይ ከኣ ክድሕን እየ።

Tools 5. ማዕበል ሞት ከቢኑኒ እዩ እሞ፡ ወሓይዝ ብልያል ኣፍርሃኒ።

Tools 6. ኣግማድ ሲኦል ከበበኒ፡ መፈንጠራታት ሞት መጸኒ።

Tools 7. ብጸበባይ ንእግዚኣብሄር ጸዋዕኩ፡ ናብ ኣምላኸይ ከኣ ተማህለልኩ፡ ድምጸይ ድማ ካብ መቕደሱ ሰምዔ፡ ገዓረይውን ኣብ ኣእዛኑ በጽሔ።

Tools 8. ሽዑ ምድሪ ተናቓነቐትን ኣንቀጥቀጠትን፡ መሰረታት ሰማይ አንደቕደቐ፡ ብዂራኡ ስለ ዝነደደ ኸኣ፡ ተናቓነቐ።

Tools 9. ካብ ኣፍንጫኡ ትኪ ተላዕለ፡ ካብ ኣፉ ድማ ዚባላዕ ሓዊ ወጸ፡ ካብኡ ጓህሪ ነደደ።

Tools 10. ሰማይ ኣድኒኑ ኸኣ ወረደ፡ ኣብ ትሕቲ ኣእጋሩውን ጣቓ ነበረ።

Tools 11. ኣብ ልዕሊ ኪሩቤል ተወጢሑ ድማ ነፈረ፡ ኣብ ኣኽናፍ ንፋስ ከኣ ተራእየ።

Tools 12. ነቲ ጸልማትን እኩብ ማያትን ከቢድ ደበናን፡ ኣብ ዙርያኡ ድንኳናት ገበሮ።

Tools 13. ካብቲ ነጸብራቕ ቅድሚኡ ጒሁር ሓዊ ነደደ።

Tools 14. እግዚኣብሄር ካብ ሰማይ ኣንጐድጐደ፡ እቲ ልዑልውን ቃሉ ሀበ።

Tools 15. ፍላጻታት ወርዊሩ ኸኣ ፋሕ ኣበሎም፡ ኣብሪቑውን ኣሸበሮም።

Tools 16. ብተግሳጽ እግዚኣብሄር፡ ካብ ምንፋስ ትንፋስ ኣፍንጫኡ፡ መዓሙቚ ባሕሪ ተራእየ፡ መሰረታት ዓለምውን ተቐልዔ።

Tools 17. ካብ ኣርያም ልኢኹ ወሰደኒ፡ ካብ ዓበይቲ ማያት ኣውጽአኒ።

Tools 18. ካባይ ይሕይሉ ነበሩ እሞ፡ ካብቲ ሓያል ጸላእየይ፡ ካብቶም ዝጸልኡኒ ኣድሐነኒ።

Tools 19. ብመዓልቲ መከራይ ሓደጋ ወደቑኒ፡ ግናኸ እግዚኣብሄር ደገፍ ኰነኒ።

Tools 20. ናብ ርሒብ ኣውጽኣኒ፡ ብሂጉኒ እዩ ኣሞ፡ ኣድሓነኒ።

Tools 21. እግዚኣብሄር ከም ጸድቀይ ፈደየኒ፡ ከምቲ ጽርየት ኢደይ መለሰለይ።

Tools 22. መገድታት እግዚኣብሄር ሐልየ እየ እሞ፡ ካብ ኣምላኸይ ብበደል ኣይረሐቕኩን።

Tools 23. ኲሉ ፍርድታቱ ኣብ ቅድመይ እዩ እሞ፡ ካብቲ ሕጋጋቱ ኣየግለስኩን።

Tools 24. ኣብ ቅድሚኡ ምሉእ ኰንኩ፡ ካብ በደለይውን ተሐሎኹ።

Tools 25. ስለዚ እግዚኣብሄር ከም ጽድቀይ፡ ከምቲ ንጽህናይ ኣብ ቅድሚ ዓይኑ መለሰለይ።

Tools 26. ምስቲ ሕያዋይ ሕያዋይ ትኸውን። ምስቲ ፍጹም ሰብ ፍጹም ትኸውን።

Tools 27. ምስቲ ንጹህ ንጹህ ትኸውን፡ ምስቲ ጠዋይ ከኣ ትጠዊ።

Tools 28. ንጥቑዕ ህዝቢ ድማ ተድሕኖ ኢኻ፡ ነቶም ዕቡያት ግና ከተዋርዶም፡ ኣዒንትኻ ናባታቶም እየን።

Tools 29. ንስኻ ዎ እግዚኣብሄር፡ መብራህተይ ኢኻ እሞ፡ ንጸልማተይ እግዚኣብሄር የብርሆ።

Tools 30. ብኣኻ ንጭፍራ ኽጐዮም እየ እሞ፡ ብኣምላኸይ፡ ንመንደቕ እሰርር።

Tools 31. ኣምላኽ መገዱ ፍጽምቲ እያ፡ ቃል እግዚኣብሄር እተዀልዔ እዩ። ንሱ ተስፋ ንዚገብርዎ ዂሎም ዋልታኦም እዩ።

Tools 32. ብጀካ እግዚኣብሄርሲ ኣምላኽ መን እዩ፡ ብጀካ ኣምላኽናኸ ኸውሒ መን እዩ፡

Tools 33. ኣምላኽ ጽኑዕ ዕርደይ እዩ፡ ነቲ ፍጹም ድማ ብመገዱ ይመርሖ።

Tools 34. እግረይ ከም ናይ እራብ ገበረ፡ ኣብ ልዕሊ በረኽተይ ድማ ኣቘመኒ።

Tools 35. ነእዳወይ ውግእ፡ ንቐላጽመይ ከኣ ቀስቲ ኣስራዚ ምግታር መሀረ።

Tools 36. ዋልታ ምድሓንካ ድማ ሀብካኒ። ምውራድካውን ኣዕበየኒ።

Tools 37. ኣብ ትሕተይ ስጓሞይ ኣግፋሕካ፡ ኣእጋረይ ከኣ ኣየንደልሀጸን።

Tools 38. ንጸላእተይ ድማ ሰጒጐ ኣጥፋእክዎም፡ ክሳዕ ዝውድኦም ከኣ ኣይተመለስኩን።

Tools 39. ከም ዘይትንስኡ ገይረ ድማ ወጊኤ ወዳእክዎም፡ ኣብ ትሕቲ እግረይውን ወደቑ።

Tools 40. ንውግእ ከኣ ሓይሊ ኣዕጠቕካኒ፡ ነቶም እተቓወሙኒ ኣብ ትሕተይ ኣድነንካዮም።

Tools 41. ዝባን ጸላእተይ ድማ መለስካለይ፡ ነቶም ዚጸልኡኒ ኸኣ ኣጽነትክዎም።

Tools 42. ጠመቱ፡ ዜድሕን ግና ኣይነበረን። ናብ እግዚኣብሄር፡ ንሱ ግና ኣይመለሰሎምን።

Tools 43. ሓመድ ምድሪ ኽሳዕ ዚዀኑ ድማ ደቘስክዎም፡ ከም ጭቃ ኣደባባይ ረጊጸ ሰገድክዎም።

Tools 44. ካብ ባእሲ ህዝበይ ኣድሐንካኒ፡ ርእሲ ህዝብታት ክኸውን ሐሎኻኒ፡ ዘይፈለጥክዎ ህዝቢ ተገዝአኒ።

Tools 45. ደቂ ጓና ድማ ይግዝኡኒ፡ ብእዝኖም ሰሚዖም ይእዘዙኒ።

Tools 46. እቶም ደቂ ጓና ወለል ይብሎም፡ ካብቲ እተዐጽዉሉ ስፍራታት እናንቀጥቀጡ ይወጹ።

Tools 47. እግዚኣብሄር ህያው እዩ፡ እቲ ኸውሔይ ከኣ ይባረኽ። እቲ እምባ ምድሓነይ ዝዀነ ኣምላኽ ክብ ይበል፡

Tools 48. እቲ ሕነይ ዝፈደየለይ ኣምላኽ፡ ንህዝብታትውን ኣብ ትሕተይ ዜውድቖም፡

Tools 49. ካብ ጸላእተይ ድማ ዜውጽኣኒ፡ ናብ ልዕሊ እቶም ተቓወምተይውን ክብ ተብለኒ፡ ካብ ዓማጺ ሰብ ተድሕነኒ።

Tools 50. ስለዚ፡ ዎ እግዚኣብሄር፡ ኣብ ማእከል ህዝብታት ኤመስግነካ፡ ንስምካውን እዝምር አሎኹ።

Tools 51. ንንጉስ ዓብዪ ምድሓን ይህብ፡ ንቕቡኡ ድማ፡ ንዳዊትን ንዘርኡን፡ ንዘለአለም ሞገስ ይህብ።