Tools 1. ዮአብ ወዲ ጽሩያ ድማ ልቢ ንጉስ ናብ ኣቤሴሎም ኣቢሉ ኸም ዝዘንበለ ፈለጠ።

Tools 2. ዮኣብ ከኣ ናብ ተቆዓ ልኢኹ ኻብኣ ብልሂ ሰበይቲ ወሰደ እሞ፡ በጃኺ፡ ሕዘኒ፡ ክዳን ሓዘንውን ተኸደኒ፡ በጃኺ፡ ዘይቲ ድማ ኣይትለኸዪ፡ ብምዉት ነዊሕ ዘበን ከም ዝሐዘነት ሰበይቲ ደኣ ኹኒ።

Tools 3. ናብ ንጉስ ኣቲኺ ኸኣ ከምዚ ዝበለ ነገር ተዛረብዮ፡ ኢሉ ዮአብ ነቲ ዘረባ ኣብ ኣፋ ኣንበሮ።

Tools 4. እታ ተቆዓዊት ሰበይቲ ድማ ንንጉስ ተዛረበቶ፡ ብገጻ ናብ ምድሪ ተደፊአ ኸኣ ፍግም በለት፡ ዎ ንጉስ፡ ርድአኒ፡ ድማ በለቶ።

Tools 5. ንጉስ ከኣ፡ እንታይ ኴንኪ ኢኺ፡ በላ። ንሳ ድማ በለት፡ ብሓቂ ኣነ ሰብአየይ ዝሞተኒ መበለት ሰበይቲ እየ።

Tools 6. ገረድካ ኸኣ ክልተ ወዲ ነበሩኒ፡ ንሳቶም ኣብ ማእከሎም ኰይኑ ዚፈላልዮም ኣብ ዜብሉ መሮር ተበአሱ እሞ፡ እቲ ሓደ ነቲ ሓደ ወቒዑ ቐተሎ።

Tools 7. እንሆ ኸኣ፡ ንገረድካ ብዘለዉ ዓሌቱ ተንሲኦም፡ ነዚ ቐታል ሓዉ፡ ምእንቲ እታ ዝቐተላ ነፍሲ ሓዉ ኽንቀትሎ፡ ነቲ ወራስስ ከነጥፍኦ ሀብና፡ ይብሉ አለዉ። ከምኡ ነቲ ተሪፉኒ ዘሎ እያድ የጥፍኡ፡ ንሰብአየይ ከኣ ስም ኰነ ተረፍ ኰነ ኣብ ልዕሊ ምድሪ ኣይሐድጉሉን።

Tools 8. ሽዑ ንጉስ ነታ ሰበይቲ፡ ንቤትኪ ኺዲ፡ ኣነ ድማ ብዛዕባኺ ኽእዝዝ እየ፡ በላ።

Tools 9. እታ ተቆዓዊት ሰበይቲ ኸኣ ንንጉስ፡ ጐይታይ ንጉስ፡ እቲ ኣበሳ ኣብ ልዕለይን ኣብ ልዕሊ ቤት ኣቦይን ይኹን፡ ንጉስ ምስ ዝፋኑ ግና ንጹህ ይኹን፡ በለቶ።

Tools 10. ንጉስ ድማ፡ ነዚ ዚዛረበኪ ናባይ ኣምጽእዮ፡ መሉሱ ኸኣ ኣይትንክየክን እዩ፡ በላ።

Tools 11. ንሳ ድማ፡ በጃኻ፡ እቲ ፈዳይ ደም ምጥፋእ ከየብዝሕ እሞ ንወደይ ከይቀትሎስ፡ ንጉስ ንእግዚኣብሄር ኣምላኽካ ይዘክር፡ በለቶ። ንሱ ድማ፡ ካብ ወድኺ ሓንቲ ጸጒሪ እኳ ኣብ ምድሪ ኸም ዘይትወድቕ፡ ህያው እግዚኣብሄር እዩ፡ በላ።

Tools 12. ሽዑ እታ ሰበይቲ፡ በጃኻ፡ ገረድካ ንጐይታይ ንጉስ ሓደ ነገር ትዛረቦ፡ በለት። ንሱ ኸኣ፡ ተዛረቢ፡ በለ።

Tools 13. እታ ሰበይቲ ድማ በለት፡ ስለምንታይከ ንህዝቢ ኣምላኽ ከምዚ ሐሰብካሉ፡ ንጉስ ነቲ ኻብኡ እተሰጐ ኸይመልሶስ፡ እዚ ነገር እዚ ብምዝራቡ ንጉስ ከም በዳሊ እዩ።

Tools 14. ግዲ ኽንመውት ኢና እሞ፡ ከምቲ ኣብ ምድሪ ዝፈሰሰ ዘይሕፈስ ማይ ኢና። ኣምላኽ ድማ ንነፍሲ ኣይወስድን፡ ግናኸ እቲ እተሰጐ ኻብኡ ኸይድርበ ኣጸቢቑ ይሐስብ እዩ።

Tools 15. ሕጂ ኸኣ እቲ ህዝቢ ስለ ዘፍርሃኒ እየ፡ እዚ ነገር እዚ ንጐይታይ ንጉስ ክዛረብ ኢለ ዝመጻእኩ። ገረድካ ኸኣ፡ ንንጉስ ደኣ ኽዛረቦ፡ ንጉስ ምናልሽ ዘረባ ገረዱ ይገብሮ ይኸውን፡ በለት።

Tools 16. ካብ ኢድ እቲ ንኣይን ንወደይን ካብ ርስቲ ኣምላኽ ኬጥፍኣኒ ዚደሊ ዘሎ ሰብኣይ ከኣ ንጉስ ንገረዱ ንምድሓን ኪሰምዕ እዩ።

Tools 17. ገረድካ ድማ ጐይታይ ንጉስ ጽቡቕን ክፉእን ንምስማዕ ከም መልአኽ ኣምላኽ እዩ እሞ፡ ቃል ጐይታይ ንጉስ ኬዕርፈኒ እዩ። እግዚኣብሄር ኣምላኽካ ኸኣ ምሳኻ ይኹን፡ በለት።

Tools 18. ሽዑ ንጉስ ነታ ሰበይቲ፡ በጃኺ፡ እዚ ኣነ ዝሐተኪ ነገር ኣይትሕብእለይ፡ ኢሉ መለሰላ። እታ ሰበይቲ ኸኣ፡ ጐይታይ ንጉስ ይዛረብ ደኣ፡ በለት።

Tools 19. እቲ ንጉስ ድማ፡ በዚ ዂሉስ ኢድ ዮአብከ ምሳኺዶ የሎን፧ በለ። እታ ሰበይቲ ኸኣ ከምዚ ኢላ መለሰት፡ ጐይታይ ንጉስ፡ ህይወት ነፍስኻ፡ ጊልያኻ ዮአብ ንሱ ኣዚዙኒ እዩ፡ እዚ ዂሉ ነገር እዚውን ንሱ ኣብ ኣፍ ገረድካ ኣንቢርዎ እዩ እሞ፡ ካብቲ ጐይታይ ንጉስ እተዛረቦ ዂሉ ሓደ እኳ ንየማን ኰነ ንጸጋም ዜብል የልቦን።

Tools 20. ገጽ እዚ ነገር እዚ ምእንቲ ኺልወጥ ጊልያኻ ዮኣብ እዚ ነገር እዚ ገበረ። ጐይታይ ከኣ ነቲ ኣብ ምድሪ ዚግበር ዘበለ ንምፍላጥ ከም ጥበብ መልአኽ ኣምላኽ ጥበበኛ እዩ።

Tools 21. ሽዑ ንጉስ ንዮኣብ፡ እንሆ፡ ሕጂ እዚ ነገር እዚ ገበርኩ፡ ኪድ እሞ ነቲ መንእሰይ፡ ንኣቤሴሎም፡ ምለሶ፡ በሎ።

Tools 22. ዮኣብ ድማ ብገጹ ናብ ምድሪ ተደፊኡ ፍግም በለ፡ ንንጉስ ከኣ መረቖ፡ ዮኣብ ድማ፡ ጐይታይ ንጉስ፡ ንጉስ ዘረባ ጊልያኡ ብምግባሩ፡ ጊልያኻ ኣብ ቅድሜኻ ሞገስ ከም ዝረኸበ፡ ሎሚ ፈለጠ፡ በለ።

Tools 23. ዮኣብ ከኣ ተንሲኡ ናብ ጌሹር ከደ፡ ንኣቤሴሎም ድማ ናብ የሩሳሌም ኣምጽኦ።

Tools 24. ንጉስ ከኣ፡ ናብ ቤቱ ይኺድ፡ ገጸይ ግና ኣይርኤ፡ በለ። ኣቤሴሎም ከኣ ናብ ቤቱ ኸደ፡ ገጽ ንጉስ ከኣ ኣይረአየን።

Tools 25. ኣብ ብዘሎ እስስራኤል ድማ ከም ኣቤሴሎም ገይሩ ውቃቤኡ ኣዝዩ እተናእደ ሰብ ኣይነበረን፡ ካብ ከብዲ እግሩ ኽሳዕ መንበስበስታ ርእሱ ገለ እንታ ኣይነበሮን።

Tools 26. እቲ ጸጒሪ ርእሱ ድማ ይኸብዶ ነበረ እሞ፡ ቈረጾ። ኣብ ዐዓመት ከኣ እዩ ዚቘርጾ ዝነበረ፡ ምስ ቈረጾ ድማ ነቲ ጸጒሪ ርእሱ መዘኖ፡ ብሚዛን ንጉስ ከኣ ክልተ ሚእቲ ሲቃል ኰነ።

Tools 27. ንኣቤሴሎም ድማ ሰለስተ ወድን ታማር ዝስማ ሓንቲ ጓልን ተወልዱሉ፡ ንሳ ትርኢታ ውቅብቲ ሰበይቲ ነበረት።

Tools 28. ኣቤሴሎም ከኣ፡ ገጽ ንጉስ ከይረአየ፡ ኣብ የሩሳሌም ክልተ ዓመት ተቐመጠ።

Tools 29. ኣቤሴሎም ድማ ናብ ንጉስ ኪሰዶ ደልዩ ንዮአብ ለአኸሉ። ንሱ ግና ናብኡ ኺመጽእ ኣይፈተወን። መሊሱ ድማ ካልኣይ ሳዕ ለአከሉ፡ ንሱ ግና ኪመጽእ ኣይፈተወን።

Tools 30. ሽዑ ንገላዉኡ፡ ርአዩ፡ ዮኣብ ኣብ ጥቓ እታ ናተይ ግራት አላቶ፡ ኣባ ድማ ስገም አለዎ እሞ፡ ኬድኩም ሓዊ ምለሱሉ፡ በሎም። እቶም ገላዉ ኣቤሴሎም ከኣ ነታ ግራት ሓዊ መለሱላ።

Tools 31. ሽዑ ዮኣብ ተንሲኡ ንኣቤሴሎም ናብ ቤቱ መጾ እሞ፡ እዞም ገላዉኻ ንግራተይ ሓዊ ዝመለሱላ ስለምንታይ እዩ፡ በሎ።

Tools 32. ኣቤሴሎም ድማ ንዮኣብ፡ ስለምንታይ ደኣ ኻብ ጌሹር መጻእኩ፡ ንኣይሲ ገና ኣብኡ እንተ ዝህሉ ምሔሸኒ ነይሩ። ሕጂ ኸኣ ገጽ ንጉስ ክርኢ እደሊ አሎኹ፡ ኣበሳ ተረኺቡኒ እንተ ዀይኑ ድማ ይቕተለኒ፡ ክትብለለይ፡ እንሆ፡ ናብ ንጉስ ክሰደካ፡ ንዓ ናብዚ ኢለ ለአኽኩልካ፡ በሎ።

Tools 33. ዮኣብ ከኣ ናብ ንጉስ አትዩ እዚ ነገሮ። ንኣቤሴሎም ድማ ጸውዖ፡ ንሱ ኸኣ ናብ ንጉስ መጺኡ፡ ኣብ ቅድሚ ንጉስ ብገጹ ናብ ምድሪ ተደፊኡ ፍግም በለ። እቲ ንጉስ ከኣ ንኣቤሴሎም ሰዐሞ።